ದೆಹಲಿಯಲ್ಲಿ ಶೇ. 90ರಷ್ಟು ಜನರು ಕೊರೊನಾದಿಂದ ಗುಣಮುಖ: ಅರವಿಂದ್ ಕೇಜ್ರಿವಾಲ್
ನವದೆಹಲಿ, ಆಗಸ್ಟ್ 10: ಇಡೀ ಜಗತ್ತು ಕೊರೊನಾದಿಂದ ಬಳಲುತ್ತಿರುವ ರೀತಿಯಲ್ಲಿ ಭಾರತವೂ ದಿನೇ ದಿನೇ ಕೊರೊನಾ ಸಂಖ್ಯೆಯ ಏರಿಕೆ ದಾಖಲಿಸಿದೆ. ಇದರ ನಡುವೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಗಮನಾರ್ಹ ಫಲಿತಾಂಶ ಬಂದಿದೆ.
Recommended Video
ಆರಂಭದ ದಿನಗಳಲ್ಲಿ ಅತಿ ಹೆಚ್ಚು ಕೊರೊನಾ ಸೋಂಕಿತರನ್ನು ಹೊಂದಿದ್ದ ಅಗ್ರ ಐದು ರಾಜ್ಯಗಳಲ್ಲಿ ಗುರುತಿಸಿಕೊಂಡಿದ್ದ ದೆಹಲಿ ಕ್ರಮೇಣ ಭಾರೀ ಸಂಖ್ಯೆಯಲ್ಲಿ ಸೋಂಕಿತರು ಗುಣಮುಖರಾಗಿರುವುದಕ್ಕೆ ಸಾಕ್ಷಿಯಾಗಿದೆ.
ಕೊರೊನಾದಿಂದ ಮೃತಪಟ್ಟ ತಂದೆಯ ದೇಹ ತೋರಿಸಲು ಆಸ್ಪತ್ರೆ ವಿಧಿಸಿದ ಶುಲ್ಕ ಎಷ್ಟು ಗೊತ್ತೇ?
ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ರಾಜ್ಯದ ಕೊರೊನಾ ಸ್ಥಿತಿಗತಿ ಕುರಿತು ಟ್ವೀಟ್ ಮಾಡಿದ್ದು, ರಾಜಧಾನಿಯಲ್ಲಿ ಶೇ. 90ರಷ್ಟು ಜನರು ಗುಣಮುಖರಾಗಿದ್ದು, ಒಟ್ಟು ಪ್ರಕರಣಗಳಲ್ಲಿ ಕೇವಲ ಶೇಕಡಾ 7ರಷ್ಟು ಮಾತ್ರ ಸಕ್ರಿಯ ಪ್ರಕರಣಗಳಿವೆ ಎಂದು ತಿಳಿಸಿದ್ದಾರೆ.
Over 90% of Corona patients in Delhi have now recovered. Only 7% cases are active now.
— Arvind Kejriwal (@ArvindKejriwal) August 10, 2020
Slowly and steadily, the people of Delhi are defeating Corona. #DelhiModel pic.twitter.com/fNiTdfxI19
ನಿಧಾನವಾಗಿ ಮತ್ತು ಸ್ಥಿರವಾಗಿ ವೈರಸ್ ಅನ್ನು ಸೋಲಿಸುತ್ತಿರುವ ದೆಹಲಿಯ ಜನರನ್ನು ಶ್ಲಾಘಿಸಿದ ಕೇಜ್ರಿವಾಲ್, ತಮ್ಮ ಟ್ವಿಟರ್ನಲ್ಲಿ ಸಾಂಕ್ರಾಮಿಕ ರೋಗವನ್ನು ಎದುರಿಸುವಲ್ಲಿ ದೆಹಲಿ ಮಾದರಿಯ ಮಹತ್ವವನ್ನು ಉಲ್ಲೇಖಿಸಿದ್ದಾರೆ.
ದೈನಂದಿನ ಬುಲೆಟಿನ್ ಪ್ರಕಾರ, ಆಗಸ್ಟ್ 2 ರಿಂದ 4 ರವರೆಗೆ, ದೈನಂದಿನ ಪ್ರಕರಣಗಳು ಕ್ರಮೇಣ ಕುಸಿಯಿತು, ಇದು ಮೂರು ಅಂಕಿಗಳ ಸಂಖ್ಯೆಯನ್ನು ಕಂಡಿದೆ. ಆಗಸ್ಟ್ 2 (961), ಆಗಸ್ಟ್ 3 (805) ಮತ್ತು ಆಗಸ್ಟ್ 4 (674).
ಆದಾಗ್ಯೂ, ಆಗಸ್ಟ್ 5 ರಿಂದ 9 ರವರೆಗೆ, ದೈನಂದಿನ ಪ್ರಕರಣಗಳು 1,000 ಕ್ಕಿಂತ ಹೆಚ್ಚು ದಾಖಲಾಗಿದ್ದು, ಆಗಸ್ಟ್ 10 ರಂದು ಮತ್ತೆ ಮೂರು ಅಂಕಿಗಳ ಸಂಖ್ಯೆಗೆ ಇಳಿದಿದೆ.