• search
  • Live TV
ನವದೆಹಲಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಭಾರತದಿಂದ ಆಮದಾಗುವ ಆಪ್ಟಿಕ್ ಫೈಬರ್ ಮೇಲೆ ಸುಂಕ ಹೆಚ್ಚಿಸಿದ ಚೀನಾ

|

ಬೀಜಿಂಗ್, ಆಗಸ್ಟ್‌ 15: ಭಾರತ-ಚೀನಾ ನಡುವಿನ ಗಡಿ ಕಲಹ ಸದ್ಯಕ್ಕೆ ತಣ್ಣಗಾಗುವ ಯಾವುದೇ ಲಕ್ಷಣ ಕಂಡುಬಂದಿಲ್ಲ. ಇದರ ನಡುವೆ ಭಾರತ-ಚೀನಾ ನಡುವೆ ಪರೋಕ್ಷ ವ್ಯಾಪಾರ ಯುದ್ಧ ಕೂಡ ನಡೆಯುತ್ತಿದೆ. ಇದಕ್ಕೆ ಮತ್ತೊಂದು ಉದಾಹರಣೆ ಚೀನಾ ಭಾರತೀಯ ಫೈಬರ್ ಆಪ್ಟಿಕ್ಸ್ ಮೇಲಿನ ಡಂಪಿಂಗ್ ವಿರೋಧಿ ಸುಂಕವನ್ನು ಹೆಚ್ಚಿಸಿದೆ.

ಚೀನಾ ಗಡಿಯಲ್ಲಿರುವ ಭಾರತದ 'ಟಿಬೆಟ್' ಸೇನೆ ಬಗ್ಗೆ ನಿಮಗೆಷ್ಟು ಗೊತ್ತು?

ಕಳೆದ ಮೂರು ತಿಂಗಳಲ್ಲಿ ಚೀನಾ ಆಮದು ಮಾಡಿದ ಸರಕುಗಳ ಮೇಲೆ ಭಾರತ ವಿವಿಧ ರೀತಿಯ ಕ್ರಮಗಳನ್ನು ಕೈಗೊಂಡಾಗ ಈ ನಿರ್ಧಾರ ಕೈಗೊಂಡಿದೆ. ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, ಭಾರತದಲ್ಲಿ ತಯಾರಾದ ಆಪ್ಟಿಕಲ್ ಫೈಬರ್ ಉತ್ಪನ್ನಗಳ ಮೇಲಿನ ವಿರೋಧಿ ಡಂಪಿಂಗ್ ಸುಂಕವನ್ನು ಐದು ವರ್ಷಗಳ ಕಾಲ ವಿಸ್ತರಿಸಿದೆ ಮತ್ತು ವ್ಯಾಪಾರ ಯುದ್ಧವನ್ನು ನಡೆಸಿದೆ ಎಂದು ವರದಿ ಮಾಡಿದೆ.

ಭಾರತದಲ್ಲಿ ತಯಾರಿಸಿದ ಸಿಂಗಲ್-ಮೋಡ್ ಆಪ್ಟಿಕಲ್ ಫೈಬರ್ ಉತ್ಪನ್ನಗಳ ಮೇಲಿನ ಡಂಪಿಂಗ್ ವಿರೋಧಿ ಸುಂಕವನ್ನು ಹೆಚ್ಚಿಸಿದೆ ಎಂದು ಚೀನಾದ ವಾಣಿಜ್ಯ ಸಚಿವಾಲಯ ತಿಳಿಸಿದೆ. ಮುಂದಿನ ಐದು ವರ್ಷಗಳವರೆಗೆ ಆಗಸ್ಟ್ 14 ರಿಂದ ಹೊಸ ಸುಂಕ ಅನ್ವಯವಾಗುತ್ತದೆ. ಹೊಸ ಆದೇಶದ ಪ್ರಕಾರ, ಭಾರತೀಯ ಕಂಪನಿಗಳ ಆಪ್ಟಿಕ್ ಫೈಬರ್ ಉತ್ಪನ್ನಗಳಿಗೆ ಶೇಕಡಾ 7.4 ರಿಂದ 30.6 ರವರೆಗೆ ಸುಂಕ ವಿಧಿಸಲಾಗುವುದು. ಡಂಪಿಂಗ್ ವಿರೋಧಿ ಸುಂಕವನ್ನು ಕೊನೆಗೊಳಿಸಿದರೆ, ಇಲ್ಲಿನ ಕೈಗಾರಿಕೆಗಳು ತೊಂದರೆ ಅನುಭವಿಸುತ್ತವೆ ಎಂದು ಚೀನಾ ಸರ್ಕಾರ ನಂಬುತ್ತದೆ.

ಗಡಿಯಲ್ಲಿ ಚೀನಾದ ರಸ್ತೆ: ಭಾರತದ ಆತಂಕಕ್ಕೆ ಕಾರಣವೇನು?

13 ಆಗಸ್ಟ್ 2014 ರಂದು, ಭಾರತದಿಂದ ಸಿಂಗಲ್-ಮೋಡ್ ಆಪ್ಟಿಕ್ ಫೈಬರ್ ಆಮದಿಗೆ ಐದು ವರ್ಷಗಳ ಕಾಲ ಡಂಪಿಂಗ್ ವಿರೋಧಿ ಸುಂಕವನ್ನು ವಿಧಿಸಲು ಚೀನಾ ಸರ್ಕಾರ ನಿರ್ಧರಿಸಿತು. ಈ ಗಡುವು ಕಳೆದ ವರ್ಷ ಅವಧಿ ಮೀರಿದೆ. ಗಮನಾರ್ಹವಾಗಿ, ಸಿಂಗಲ್ ಮೋಡ್ ಆಪ್ಟಿಕಲ್ ಫೈಬರ್ ಮೂಲಕ ಸಿಗ್ನಲ್ ಅನ್ನು ನಿರ್ದಿಷ್ಟ ತರಂಗಾಂತರಕ್ಕೆ ಮಾತ್ರ ಕಳುಹಿಸಬಹುದು.

English summary
China on Thursday extended an anti-dumping tariff on a fibre optic product made in India, worsening trade ties damaged by a deadly border clash in June
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X