ಸಿಡಿಎಸ್ ನೇಮಕಾತಿ: ರಕ್ಷಣಾ ಪಡೆಗಳ ನಿಯಮ ತಿದ್ದುಪಡಿಗೆ ಅಧಿಸೂಚನೆ
ನವದೆಹಲಿ, ಜೂ 8: ಕಳೆದ ವರ್ಷ ಡಿಸೆಂಬರ್ನಲ್ಲಿ ಹೆಲಿಕಾಪ್ಟರ್ ಅಪಘಾತ ಸಂಭವಿಸಿ ಜನರಲ್ ಬಿಪಿನ್ ರಾವತ್ ಅವರ ಮರಣದ ನಂತರ ಖಾಲಿ ಉಳಿದಿರುವ ರಕ್ಷಣಾ ಸಿಬ್ಬಂದಿಯ ಮುಖ್ಯಸ್ಥರ ನೇಮಕಾತಿಗೆ ಸಂಬಂಧಿಸಿದ ಸೇನೆ, ನೌಕಾಪಡೆ ಮತ್ತು ವಾಯುಪಡೆಗಳ ನಿಯಮಗಳಿಗೆ ತಿದ್ದುಪಡಿ ಮಾಡಲು ರಕ್ಷಣಾ ಸಚಿವಾಲಯವು ಗೆಜೆಟ್ ಅಧಿಸೂಚನೆಗಳನ್ನು ಹೊರಡಿಸಿದೆ.
ಸದ್ಯ ಅಧಿಸೂಚನೆಯ ಪ್ರಕಾರ ಏರ್ ಮಾರ್ಷಲ್ ಅಥವಾ ಏರ್ ಚೀಫ್ ಮಾರ್ಷಲ್ ಆಗಿ ಸೇವೆ ಸಲ್ಲಿಸುತ್ತಿರುವ ಅಧಿಕಾರಿ ಅಥವಾ ಅದೇ ಶ್ರೇಣಿಯಲ್ಲಿ ನಿವೃತ್ತಿ ಹೊಂದಿದ ಆದರೆ ನೇಮಕಾತಿ ದಿನಾಂಕದಂದು 62 ವರ್ಷ ವಯಸ್ಸನ್ನು ಮೀರದ ಅಧಿಕಾರಿಯನ್ನು ಸರ್ಕಾರ ಪರಿಗಣಿಸಬಹುದು.
ಅಗತ್ಯಬಿದ್ದರೆ ಸಾರ್ವಜನಿಕ ಹಿತಾಸಕ್ತಿಯಲ್ಲಿಪರಿಗಣನೆಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ಅದು ಹೇಳಿದೆ. ರಕ್ಷಣಾ ಸಿಬ್ಬಂದಿಯ ಮುಖ್ಯಸ್ಥರ ಸೇವೆಯನ್ನು ಸರ್ಕಾರವು ಗರಿಷ್ಠ 65 ವರ್ಷಗಳಿಗೆ ಒಳಪಟ್ಟು ಅಗತ್ಯವೆಂದು ಪರಿಗಣಿಸಬಹುದಾದ ಅವಧಿಗೆ ವಿಸ್ತರಿಸಬಹುದು ಎಂದು ಅದು ಹೇಳಿದೆ.
Ministry of Defence issues gazette notifications to amend regulations of 3 defence forces related to appointment of Chief of Defence Staff. For appointing CDS the govt may consider officers who are serving as Lt Gen equivalent or General equivalent ...(1/2) pic.twitter.com/3leGJB4SD4
— ANI (@ANI) June 7, 2022
ಇದೇ ರೀತಿಯಾಗಿ ಸೇನೆ ಮತ್ತು ನೌಕಾಪಡೆಗೆ ಅಧಿಸೂಚನೆಗಳನ್ನು ಹೊರಡಿಸಲಾಗಿದೆ. ಬಿಪಿನ್ ರಾವತ್ ಭಾರತದ ಮೊದಲ ಭಾರತೀಯ ರಕ್ಷಣಾ ಪಡೆಗಳ ಮುಖ್ಯಸ್ಥರಾಗಿದ್ದರು. ಡಿಸೆಂಬರ್ 8 ರಂದು ಕೂನೂರು ಬಳಿ ಹೆಲಿಕಾಪ್ಟರ್ ಅಪಘಾತದಲ್ಲಿ ಅವರು ಮೃತರಾಗಿದ್ದರು. ಇದು ಸಶಸ್ತ್ರ ಪಡೆಗಳಲ್ಲಿ ಮತ್ತೆ ಮುಖ್ಯಸ್ಥರ ಆಯ್ಕೆ ಬಗ್ಗೆ ಹುಡುಕಾಟದ ಪ್ರಕ್ರಿಯೆಯನ್ನು ಆರಂಭಿಸಲಾಗಿತ್ತು.
ಸಿಡಿಎಸ್ ಅವರ ಸೇವೆಯನ್ನು ಸರ್ಕಾರವು ಗರಿಷ್ಠ 65 ವರ್ಷಗಳಿಗೆ ಒಳಪಟ್ಟು ಅಗತ್ಯವೆಂದು ಪರಿಗಣಿಸಬಹುದಾದ ಅವಧಿಗೆ ವಿಸ್ತರಿಸಬಹುದು ಎಂದು ಹೇಳಿದೆ. ಸೇನೆ ಮತ್ತು ವಾಯು ಪಡೆಗೆ ಇದೇ ಮಾದರಿ ಅಧಿಸೂಚನೆಯನ್ನು ಹೊರಡಸಲಾಗಿದೆ ಎಂದು ಹೇಳಿದೆ.