ಬ್ಯಾಂಕಿಂಗ್ ಕ್ಷೇತ್ರ ತೊರೆದು ರಾಜಕಾರಣಿಯಾಗಿದ್ದ ಮೀರಾ ಇನ್ನಿಲ್ಲ
ನವದೆಹಲಿ, ಜನವರಿ 12: ಬ್ಯಾಂಕಿಂಗ್ ಕ್ಷೇತ್ರ ತೊರೆದು ರಾಜಕಾರಣಿಯಾಗಿದ್ದ ಮೀರಾ ಅವರು ಕೆಲಕಾಲದ ಅನಾರೋಗ್ಯದಿಂದ ಗುಣಮುಖರಾಗದೆ ಶುಕ್ರವಾರ ಮೃತರಾಗಿದ್ದಾರೆ.
57 ವರ್ಷ ವಯಸ್ಸಿನ ಸನ್ಯಾಲ್ ಅವರು ರಾಯಲ ಬ್ಯಾಂಕ್ ಆಫ್ ಸ್ಕಾಟ್ಲೆಂಡ್ ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹುದ್ದೆಯನ್ನು ತೊರೆದು ಆಮ್ ಆದ್ಮಿ ಪಕ್ಷ ಸೇರಿದ್ದರು. 2014ರ ಲೋಕಸಭೆ ಚುನಾವಣೆಯಲ್ಲೂ ಸ್ಪರ್ಧಿಸಿದ್ದರು.
ದೆಹಲಿಯ ಉಪ ಮುಖ್ಯಮಂತ್ರಿ ಆಮ್ ಆದ್ಮಿ ಪಕ್ಷದ ಮುಖಂದ ಮನೀಶ್ ಸಿಸೋಡಿಯಾ ಅವರು ಟ್ವೀಟ್ ಮಾಡಿ, ಸನ್ಯಾಲ್ ಅವರ ನಿಧನದ ಸುದ್ದಿಯನ್ನು ಖಚಿತಪಡಿಸಿದ್ದಾರೆ. ದೇಶವು ತೀಕ್ಷ್ಣ ಬುದ್ಧಿಮತ್ತೆ ಹೊಂದಿದ್ದ ಆರ್ಥಿಕ ತಜ್ಞೆಯೊಬ್ಬರನ್ನು ಇಂದು ಕಳೆದುಕೊಂಡಿದೆ ಎಂದಿದ್ದಾರೆ.
ಆಮ್ ಆದ್ಮಿ ಪಕ್ಷದ ಮುಖ್ಯಸ್ಥ, ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಕೂಡಾ ತಮ್ಮ ಸಂತಾಪವನ್ನು ಟ್ವೀಟ್ ಮಾಡಿ ವ್ಯಕ್ತಪಡಿಸಿದ್ದಾರೆ.
I am deeply saddened to hear about
— Manish Sisodia (@msisodia) January 11, 2019
the passing away of Meera Sanyal.
The country has lost a sharp economic brain and a gentle soul. May she rest in peace!
You will forever remain in our hearts.
ಸುಮಾರು 30 ವರ್ಷಗಳ ಕಾಲ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ವಿವಿಧ ಉನ್ನತ ಹುದ್ದೆಗಳನ್ನು ಅಲಂಕರಿಸಿದ್ದ ಸನ್ಯಾಲ್ ಅವರು ಮೂಲತಃ ಕೇರಳದ ಕೊಚ್ಚಿಯವರು. ಎಬಿಎನ್ ಅಮ್ರೋದ ಏಷ್ಯಾ ವಿಭಾಗದ ಕಾರ್ಪೊರೇಟ್ ವಿತ್ತ ವಿಭಾಗದ ಸಿಒಒ ಆಗಿದ್ದರು. 2014ರ ಸಾರ್ವತ್ರಿಕ ಚುನಾವಣೆಯಲ್ಲಿ ಮುಂಬೈ ದಕ್ಷಿಣ ಕ್ಷೇತ್ರದಿಂದ ಸ್ಪರ್ಧಿಸಿ, ಸೋಲು ಕಂಡಿದ್ದರು.