ರಾಹುಲ್ ಸರ್ಕಾರದಿಂದಲೇ 1 ಲಕ್ಷ ಕೋಟಿ ಗುತ್ತಿಗೆ ಪಡೆದಿದ್ದೇನೆ: ಅನಿಲ್ ಅಂಬಾನಿ

ನವದೆಹಲಿ, ಮೇ 6: ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಕ್ರೋನಿಂಗ್ ಕ್ಯಾಪಿಟಲಿಸಂ ಹಾಗೂ ಅಪ್ರಾಮಾಣಿಕತೆ ಹೇಳಿಕೆಗೆ ಅನಿಲ್ ಅಂಬಾನಿ ನೇತೃತ್ವದ ರಿಲಾಯನ್ಸ್ ಗ್ರೂಪ್ ತಿರುಗೇಟು ನೀಡಿದೆ.

ರಾಹುಲ್ ಹೇಳಿಕೆಯನ್ನು ಅಲ್ಲಗಳೆದಿರುವ ಅನಿಲ್ ಅಂಬಾನಿ ದುರುದ್ದೇಶಪೂರ್ವಕ ಹಾಗೂ ರಾಜಕೀಯ ಕಾರಣಗಳಿಗೆ ನನ್ನನ್ನು ಎಳೆದು ತರಲಾಗುತ್ತಿದೆ. ರಾಹುಲ್ ಹೇಳಿಕೆಯಲ್ಲಿ ಯಾವುದೇ ಸತ್ಯವಿಲ್ಲ ಎಂದು ಪ್ರಕಟಣೆಯಲ್ಲಿ ತಿರುಗೇಟು ನೀಡಿದ್ದಾರೆ.

ಕಾಂಗ್ರೆಸ್ ನೇತೃತ್ವಸ ಯುಪಿಎ ಅವಧಿಯಲ್ಲಿ ಅನಿಲ್ ಅಂಬಾನಿ ನೇತೃತ್ವದ ರಿಲಾಯನ್ಸ್ ಗ್ರೂಪ್‌ಗೆ ಒಂದು ಲಕ್ಷ ಕೋಟಿಗೂ ಅಧಿಕ ಮೊತ್ತದ ಗುತ್ತಿಗೆ ದೊರೆತಿದೆ. ಇಂಧನ, ಟೆಲಿಕಾಂ, ರಸ್ತೆ ನಿರ್ಮಾಣ ಮೆಟ್ರೋ ಸೇರಿದಂತೆ ಇತರೆ ಸರ್ಕಾರಿ ಯೋಜನೆಗಳ ಗುತ್ತಿಗೆಯನ್ನು ಈ ಕಂಪನಿ ನಿರ್ವಹಿಸಿದೆ.

ಹೀಗಾಗಿ 2004ರಿಂದ 2014ರವರೆಗೆ ರಾಹುಲ್ ಗಾಂಧಿಯ ಕಾಂಗ್ರೆಸ್ ಸರ್ಕಾರ ಕ್ರೋನಿಂಗ್ ಕ್ಯಾಪಿಟಾಲಿಸ್ಟ್ ಹಾಗೂ ಅಪ್ರಾಮಾಣಿಕ ಉದ್ಯಮಿಯನ್ನು ಬೆಂಬಲಿಸಿತ್ತೇ ಎಂಬುದನ್ನು ರಾಹುಲ್ ಗಾಂಧಿ ಸ್ಪಷ್ಟಪಡಿಸಬೇಕು ಎಂದು ಅಂಬಾನಿ ಗ್ರೂಪ್ ಹೇಳಿದೆ.

English summary

Congress president is engaging in a “calumny, disinformation, distortion and malicious lies,” the Reliance group said on Sunday, rebutting the claims of Rahul Gandhi that Anil Ambani is a crony capitalist.