ಹೊಸದಾಗಿ 85 ಬಿಎಸ್ಎಫ್ ಯೋಧರಿಗೆ ವಕ್ಕರಿಸಿದ ಕೊರೊನಾ
ದೆಹಲಿ, ಮೇ 5: ಗಡಿ ಭದ್ರತೆ ಸಿಬ್ಬಂದಿಗೆ ಕೊರೊನಾ ವೈರಸ್ ಭೀತಿ ಹೆಚ್ಚು ಕಾಡುತ್ತಿದೆ. ದಿನದಿಂದ ದಿನಕ್ಕೆ ಬಿಎಸ್ಎಫ್ ಯೋಧರಲ್ಲಿ ಸೋಂಕು ಹೆಚ್ಚಾಗುತ್ತಿದೆ. ಈವರೆಗಿನ ಮಾಹಿತಿ ಪ್ರಕಾರ ಹೊಸದಾಗಿ 85 ಜನ ಸಿಬ್ಬಂದಿಗೆ ಕೊವಿಡ್ ಸೋಂಕು ತಗುಲಿದೆ.
ಬಿಎಸ್ಎಫ್ ಇಲಾಖೆಯ ವಕ್ತಾರರು ನೀಡಿರುವ ಅಂಕಿ ಅಂಶದ ಪ್ರಕಾರ ಇದುವರೆಗೂ 154 ಜನ ಯೋಧರಿಗೆ ಕೊರೊನಾ ಅಂಟಿಕೊಂಡಿದೆ. ಅದರಲ್ಲಿ ಇಬ್ಬರು ಚೇತರಿಸಿಕೊಂಡಿದ್ದಾರೆ.
ಈವರೆಗೂ 67 ಬಿಎಸ್ಎಫ್ ಯೋಧರಿಗೆ ಕೊರೊನಾ ಸೋಂಕು
154 ಸೋಂಕಿತರ ಪೈಕಿ ದೆಹಲಿಯಲ್ಲಿ ಹೆಚ್ಚು ಕೇಸ್ ವರದಿಯಾಗಿದೆ. 110 ಕೇಸ್ ದೆಹಲಿಯಲ್ಲಿ ಪತ್ತೆಯಾಗಿದೆ. ಉಳಿದಂತೆ ತ್ರಿಪುರದಲ್ಲಿ ಕಾಣಿಸಿಕೊಂಡಿದೆ.
ಅಂದ್ಹಾಗೆ, ಇದು ಕೇವಲ ಬಿಎಸ್ಎಫ್ ಯೋಧರ ಅಂಕಿ ಅಂಶ ಮಾತ್ರ. ಮತ್ತೊಂದೆಡ ಸಿಆರ್ಪಿಎಫ್ (ಕೇಂದ್ರ ಮೀಸಲು ಪೊಲೀಸ್ ಪಡೆ) ಸಿಬ್ಬಂದಿಗಳಿಗೆ ಕೊರೊನಾ ಕಾಟ ತಪ್ಪಿದ್ದಲ್ಲ. ಈವರೆಗೂ 137 ಜನ ಸಿಆರ್ಪಿಎಫ್ ಸಿಬ್ಬಂದಿಗೆ ಕೊವಿಡ್ ಕಾಣಿಸಿಕೊಂಡಿದೆ ಎನ್ನಲಾಗಿದೆ.
While performing operational&essential duties, 85 more BSF personnel have been infected with #COVID19. It's reiterated that in each establishment of BSF, SOPs are strictly being followed. Instructions of MoHFW are enforced & religiously followed to check spread of pandemic: BSF pic.twitter.com/p1i1LMYvJb
— ANI (@ANI) May 6, 2020
ಭಾರತದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 49,391ಕ್ಕೆ ಏರಿಕೆಯಾಗಿದೆ. 1694 ಜನರು ಇದುವರೆಗೂ ಮೃತಪಟ್ಟಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಇಂದು ಬೆಳಿಗ್ಗೆ ಮಾಹಿತಿ ನೀಡಿದೆ.