ಇರಾಕ್ ನಲ್ಲಿ ಅಪಹರಣಕ್ಕೊಳಗಾಗಿದ್ದ 39 ಭಾರತೀಯರು ಸಾವು: ಸುಷ್ಮಾ
ನವದೆಹಲಿ, ಮಾರ್ಚ್ 20: ಕಳೆದ ನಾಲ್ಕು ವರ್ಷದ ಹಿಂದೆ ಇರಾಕ್ ನ ಮೊಸುಲ್ ಎಂಬಲ್ಲಿ ಅಪಹರಣಕ್ಕೊಳಗಾಗಿದ್ದ 39 ಭಾರತೀಯರು ಸಾವಿಗೀಡಾಗಿದ್ದಾರೆ ಎಂಬ ಆಘಾತಕಾರಿ ವಿಷಯವನ್ನು ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್ ಹೇಳಿದ್ದಾರೆ.
ನಾಪತ್ತೆಯಾಗಿರುವ 39 ಭಾರತೀಯರು ಬದುಕಿದ್ದಾರೆ - ಇರಾಕ್ ಸರ್ಕಾರ
Deep penetration radar confirmed that all Indians were dead after all bodies were exhumed: EAM Sushma Swaraj in #RajyaSabha on 39 Indians kidnapped in Iraq's Mosul pic.twitter.com/dhXxGLh0ar
— ANI (@ANI) March 20, 2018
2014 ರಲ್ಲಿ ಐಸಿಸ್(ಇಸ್ಲಾಮಿಕ್ ಸ್ಟೇಟ್ಸ್ ಆಫ್ ಇರಾಕ್ ಅಂಡ್ ಸಿರಿಯಾ) ಭಯೋತ್ಪಾದಕರು, ಪಂಜಾಬ್ ಮೂಲದ 39 ಭಾರತೀಯರನ್ನು ಅಪಹರಿಸಿದ್ದರು.
ಕಳೆದ ಜುಲೈ ತಿಂಗಳಿನಲ್ಲೇ ಈ ಕುರಿತು ಪ್ರಶ್ನೆ ಎದ್ದಾಗ, 'ಯಾವುದೇ ಸೂಕ್ತ ಸಾಕ್ಷ್ಯಾಧಾರವಿಲ್ಲದೆ 39 ಜನ ಸತ್ತಿದ್ದಾರೆ ಎಂದು ಹೇಳುವುದಕ್ಕಾಗುವುದಿಲ್ಲ' ಎಂದು ಸುಷ್ಮಾ ಸ್ವರಾಜ್ ಹೇಳಿದ್ದರು.
ಇರಾಕಿನಲ್ಲಿ ಕೆಲಸ ಮಾಡುವುದಕ್ಕೆಂಮದು ತೆರಳಿದ್ದ ಭಾರತೀಯರನ್ನು ಐಸಿಸ್ ಸಂಘಟನೆ ಅಪಹರಿಸಿತ್ತು. ಆದರೆ ಆ ನಂತರ ಈ ಕುರಿತು ಯಾವುದೇ ಮಾಹಿತಿ ತಿಳಿದಿರಲಿಲ್ಲ. ಅವರ ಬದುಕಿರುವ ಕುರಿತೂ ಶಂಕೆ ವ್ಯಕ್ತವಾಗಿತ್ತಾದರೂ, ನಿಖರ ಮಾಹಿತಿ ಲಭ್ಯವಾಗಿಲ್ಲ. ಆದರೆ ಡಿಎನ್ ಎ ವರದಿಯ ಆಧಾರದ ಮೇಲೆ ಅವರೆಲ್ಲರೂ ಭಾರತೀಯರು ಎಂಬುದು ದೃಢವಾಗಿದೆ ಎಂದು ಸುಷ್ಮಾ ಸ್ವರಾಜ್ ಹೇಳಿದ್ದಾರೆ.