• search
  • Live TV
ಮೈಸೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ರೈಲುಗಳಲ್ಲಿ ಟಿ.ವಿ ಇದೆ, ಆದರೆ ಪ್ರಯೋಜನ ಇಲ್ಲ...

|

ಮೈಸೂರು, ಮೇ 27: ಮೈಸೂರು- ಬೆಂಗಳೂರು ನಡುವೆ ರೈಲಿನಲ್ಲಿ ದಿನನಿತ್ಯ ಸಾವಿರಾರು ಪ್ರಯಾಣಿಕರು ಸಂಚರಿಸುತ್ತಾರೆ. ಈ ಪ್ರಯಾಣದ ಅವಧಿಯಲ್ಲಿ ಜನರಿಗೆ ಮನೋರಂಜನೆ, ಹಾಗೆಯೇ ಕೆಲವು ಮಾಹಿತಿ ನೀಡುವ ಉದ್ದೇಶದಿಂದ ಪ್ರತಿನಿತ್ಯ ಸಂಚರಿಸುತ್ತಿರುವ ರೈಲು ಬೋಗಿಗಳಲ್ಲಿ ಟಿ.ವಿ ಪರದೆಗಳನ್ನು ಅಳವಡಿಸಲಾಗಿದೆ. ಆದರೆ ಈಗ ಅವು ಇದ್ದೂ ಇಲ್ಲದಂತಾಗಿವೆ. ಸುಮಾರು 2 ತಿಂಗಳಿನಿಂದ ಈ ಟಿ.ವಿಗಳು ನಿಷ್ಕ್ರಿಯವಾಗಿದ್ದು, ಪ್ರಯಾಣಿಕರಿಗೆ ಇದರಿಂದ ಯಾವುದೇ ಪ್ರಯೋಜನ ಇಲ್ಲದಂತಾಗಿದೆ.

ಒಂದೂ ಟ್ರಿಪ್ ತಪ್ಪಿಸದೆ 1 ಲಕ್ಷ ಕಿಮೀ ಪ್ರಯಾಣ ಪೂರೈಸಿದ ವಂದೇ ಭಾರತ್

ರೈಲ್ವೆ ಪ್ರಯಾಣಿಕರಿಗೆ ಮನರಂಜನೆ ಹಾಗೂ ಮಾಹಿತಿ ನೀಡುವ ಸಲುವಾಗಿ ಐದು ವರ್ಷಗಳಿಂದ ಈ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗಿದೆ. ದೇಶದಾದ್ಯಂತ ಈ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗಿದ್ದು, ಆಯ್ದ ರೈಲುಗಳಲ್ಲಿ ಎಲ್‌ಸಿಡಿ ಟಿವಿ ಪರದೆಗಳನ್ನು ಹಾಕಲಾಗಿದೆ. ಆದರೆ, ಮೈಸೂರು- ಬೆಂಗಳೂರು ನಡುವೆ ಸಂಚರಿಸುತ್ತಿರುವ ರೈಲುಗಳಲ್ಲಿ ಮಾತ್ರ ಈ ಟಿ.ವಿಗಳು ಸದಾ ಕಾಲ ಬಂದ್ ಆಗಿರುತ್ತವೆ.

ರೈಲ್ವೆ ಟಿಕೆಟ್‌ನಲ್ಲಿ ಮೋದಿ ಚಿತ್ರ: ಇಬ್ಬರು ಉದ್ಯೋಗಿಗಳ ಅಮಾನತು

ಸಾಮಾನ್ಯವಾಗಿ ಇವುಗಳಲ್ಲಿ ಮನರಂಜನೆಗಾಗಿ ಸಿನಿಮಾ ಗೀತೆಗಳು, ಸಿನಿಮಾಗಳನ್ನು ಪ್ರದರ್ಶಿಸುವುದುಂಟು. ರೈಲು ಸಂಚರಿಸುವ ಅವಧಿಯಲ್ಲಿ ಇವುಗಳು ಕಾರ್ಯ ನಿರ್ವಹಿಸುತ್ತವೆ. ಕೇವಲ ಮನರಂಜನೆ ಅಲ್ಲದೇ, ಮಾಹಿತಿಗೂ ಈ ಪರದೆ ಬಳಕೆಯಾಗುತ್ತಿದೆ. ಅಂದರೆ, ರೈಲ್ವೆ ಇಲಾಖೆಯ ಸೌಲಭ್ಯಗಳು, ರೈಲುಗಳಲ್ಲಿ ಪ್ರಯಾಣಿಕರು ಕೈಗೊಳ್ಳಬೇಕಾಗಿರುವ ಎಚ್ಚರಿಕೆ, ಪ್ರಯಾಣಿಕರ ಜವಾಬ್ದಾರಿ ಹಾಗೂ ಹಕ್ಕುಗಳನ್ನು ಈ ಪರದೆಗಳಲ್ಲಿ ಪ್ರದರ್ಶಿಸಲಾಗುತ್ತಿದೆ. ಮೈಸೂರು- ಬೆಂಗಳೂರು ನಡುವಿನ ಚಾಮುಂಡಿ ಎಕ್ಸ್‌ ಪ್ರೆಸ್ ಹಾಗೂ ಟಿಪ್ಪು ಎಕ್ಸ್‌ಪ್ರೆಸ್‌ ರೈಲುಗಳಲ್ಲಿ ಈ ಎಲ್‌ಇಡಿ ಟಿ.ವಿ.ಗಳನ್ನು ಅಳವಡಿಸಲಾಗಿದೆ.

ಒಂದು ಬೋಗಿಗೆ 2 ಟಿ.ವಿ.ಗಳಂತೆ ರೈಲೊಂದಕ್ಕೆ ಕನಿಷ್ಠ 36 ಟಿ.ವಿ.ಗಳಿವೆ. ಆದರೆ, ಇವುಗಳು ಕಾರ್ಯನಿರ್ವಹಿಸದೆ ಮೂಲ ಆಶಯಕ್ಕೆ ತೊಡಕಾಗಿದೆ. ಟಿ.ವಿ ಪರದೆಗಳಲ್ಲಿ ಉಪಯುಕ್ತ ಮಾಹಿತಿಗಳನ್ನು ನೀಡುತ್ತಿದ್ದದ್ದು ನಮಗೆ ಅನುಕೂಲಕಾರಿಯಾಗಿತ್ತು. ಅಲ್ಲದೇ, ಇವುಗಳಿಂದ ಹೆಚ್ಚು ಅನುಕೂಲ ಪಡೆಯುತ್ತಿದ್ದದ್ದು ಅಂಧ ಪ್ರಯಾಣಿಕರು. ಅದರ ಮೂಲಕ ಅವರಿಗೆ ಮಾರ್ಗದರ್ಶನ ಸಿಕ್ಕಂತಾಗುತ್ತಿತ್ತು. ಆದರೆ, ಈಗ ಮಾಹಿತಿಯಿಂದಲೂ ವಿಮುಖವಾಗುವಂತಾಗಿದೆ ಎನ್ನುತ್ತಾರೆ ಪ್ರಯಾಣಿಕ ಸುನೀಲ್. ಆದಷ್ಟು ಬೇಗ ಈ ಟಿ.ವಿ.ಗಳು ಕಾರ್ಯ ನಿರ್ವಹಿಸುವಂತಾಗಲಿ ಎಂದುಕೊಳ್ಳುತ್ತಿದ್ದಾರೆ ನಿತ್ಯ ಪ್ರಯಾಣಿಕರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
TV's are not working in Mysuru- Bangalore rails since 2 months and passangers are complaining about this. Indian railway officials are about to take action.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more