ಎಚ್‌ಡಿ ಕೋಟೆ ಚೆಕ್ ಪೋಸ್ಟ್ ಬಳಿ ಅತ್ಯಾಹತವಾಗಿ ನಡೆಯುತ್ತಿದೆ ವಸೂಲಿ ದಂಧೆ

ಮೈಸೂರು, ಮೇ 12 : ಇದು ಬೇಲಿಯೇ ಎದ್ದು ಹೊಲ ಮೇಯ್ದ ಕಥೆಯಂತಾಗಿದೆ. ಪೊಲೀಸರೇ ವಸೂಲಿ ದಂಧೆಗೆ ಇಳಿದ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಹೌದು, ಕರ್ನಾಟಕದಿಂದ ಕೇರಳಕ್ಕೆ ಸಾಗುವ ಹಾಗೂ ಕೇರಳದಿಂದ ಕರ್ನಾಟಕಕ್ಕೆ ಸಾಗುವ ವಾಹನಗಳೇ ಚೆಕ್ ಪೋಸ್ಟ್ ನಲ್ಲಿರುವ ಪೊಲೀಸರ ಟಾರ್ಗೆಟ್ ಆಗಿದೆ.

ಎಚ್‌.ಡಿ.ಕೋಟೆಯ ಅಂತರಸಂತೆ ಉಪಠಾಣೆಯ ಚೆಕ್‌ಪೋಸ್ಟ್‌ನಲ್ಲಿ ನಿತ್ಯವೂ ಕಿರುಕುಳ ನೀಡುತ್ತಿರುವ ಆರೋಪ ಕೇಳಿಬಂದಿದೆ. ನಿಮ್ಮ ವಾಹನದಲ್ಲಿ ಕಳ್ಳತನದ ಮಾಲು ಸಾಗಿಸಿದರೂ ಸಾಕು ಪೊಲೀಸರಿಗೆ ಹಣ ನೀಡಿದರೇ ಸುಲಭವೆಂದು ಈ ವಿಡಿಯೋ ಅಕ್ಷರಶಃ ತೋರ್ಪಡಿಸತ್ತಿದೆ.

ಇನ್ನು ವಾಹನದಲ್ಲಿ ಏನು ಬೇಕಾದರೂ ಸಾಗಿಸಿದರೂ ಪೊಲೀಸರು ತಪಾಸಣೆ ಮಾಡುವುದಿಲ್ಲ. ಅವರು ಕುಳಿತ್ತಿದ್ದ ಸ್ಥಳಕ್ಕೆ ಹೋಗಿ ನೂರು ಅಥವಾ ಐನೂರು ರೂ. ಕೊಡಬೇಕು. ಅಷ್ಟೇ ಅಲ್ಲದೆ, ವಾಹನಗಳಲ್ಲಿ ಕೋಳಿ ಸಾಗಿಸುತ್ತಿದ್ದರೆ, ಅದನ್ನು ಪೊಲೀಸರು ವಸೂಲಿ ರೂಪದಲ್ಲಿ ಪಡೆದುಕೊಳ್ಳುತ್ತಿರುವುದು ಸಹ ರೆಕಾರ್ಡ್ ಆಗಿದೆ.

ಕೋಳಿ ಅಲ್ಲದೆ ತರಕಾರಿ, ಅಕ್ಕಿಯನ್ನು ಕೂಡ ವಸೂಲಿ ರೂಪದಲ್ಲಿ ಪಡೆಯುತ್ತಾರೆ. ಚೆಕ್ ಪೋಸ್ಟ್ ನಲ್ಲಿ ಪೊಲೀಸರ ಈ ವಸೂಲಿ ದಂಧೆ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಈ ದಂಧೆಗೆ ಹೇಳೋರಿಲ್ಲ, ಕೇಳೋರಿಲ್ಲ ಎಂಬಂತಾಗಿದ್ದು, ಇನ್ನಾದರೂ ಅಧಿಕಾರಿಗಳು ಎಚ್ಚೆತ್ತು ಈ ಕುರಿತು ಕ್ರಮ ಕೈಗೊಳ್ಳಬೇಕಿದೆ.

English summary

Police taking amount and things in HD Kote – Kerala check post. The video is gone viral in social media.