• search
  • Live TV
ಮೈಸೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಸಾಂಸ್ಕೃತಿಕ ನಗರಿಗೆ ದಾಂಗುಡಿಯಿಟ್ಟ ಆನ್ ಲೈನ್ ಮಟ್ಕಾ ದಂಧೆ

|

ಮೈಸೂರು, ಜನವರಿ 27 : ಆಟ ಆಡುತ್ತಿದ್ದಾರಾ, ಇಲ್ಲವಾ? ಎಂದು ತಿಳಿಯುವುದಿಲ್ಲ, ಆಟ ಆಡುವುದಕ್ಕೆ ಅಡ್ಡೆಯೂ ಬೇಕಿಲ್ಲ, ಆಟ ಆಡಿಸುವವರು ಯಾರು? ಅದೂ ಗೊತ್ತಾಗುವುದಿಲ್ಲ. ಆಟಕ್ಕೆ ಬೇಕಾದ ಪರಿಕರ ಮೊಬೈಲ್ ಮತ್ತು ಇಂಟರ್ನೆಟ್ ಅಷ್ಟೇ. ಕೊನೆಗೆ, ಜೇಬು ಖಾಲಿಯಾದದ್ದು ಮಾತ್ರ ತಿಳಿಯುತ್ತದೆ. ಇಷ್ಟಾದರೂ ಆಟ ಆಡುವುದನ್ನು ಮಾತ್ರ ಜನರು ಬಿಡಲೊಲ್ಲರು.

ಹೌದು, ಇದು ಆನ್‌ಲೈನ್ ಮಟ್ಕಾ. ಸಾಂಪ್ರದಾಯಿಕ ಮಟ್ಕಾದಂತೆ ಇದಕ್ಕೊಂದು ಅಡ್ಡೆ ಬೇಕಿಲ್ಲ. ಜನರು ಒಟ್ಟಿಗೆ ಗುಂಪು ಸೇರುವ ಅಗತ್ಯವೂ ಇಲ್ಲ. ಆದರೆ, ಆಟ ಮಾತ್ರ ಸಾಗುತ್ತದೆ. ಜನರು ಮೋಸ ಹೋಗುತ್ತಾರೆ. ಸ್ಮಾರ್ಟ್‌ಫೋನ್‌ಗಳು ಎಲ್ಲರ ಕೈಗೆ ಬಂದ ಮೇಲೆ ಹಾಗೂ ಇಂಟರ್ ನೆಟ್ ಅಗ್ಗವಾದ ಬಳಿಕ ಮಟ್ಕಾದ ಹೊಸ ಹೈಟೆಕ್ ರೂಪ ಹೀಗಿದೆ.

ಹಾಸನ: ಮಟ್ಕಾ ದಂಧೆ ಮೇಲೆ ದಾಳಿ, ನಾಲ್ವರ ಬಂಧನ

ನಗರದ ಕೊಳೆಗೇರಿಗಳಲ್ಲಿ, ಕಾರ್ಮಿಕರು ವಾಸ ಮಾಡುವ ಕಾಲೋನಿಗಳಲ್ಲಿ, ಆಟೊ ಚಾಲಕರು, ಮಧ್ಯಮವರ್ಗದವರು ಹೆಚ್ಚಾಗಿ ಈ ದಂಧೆಗೆ ಸಿಲುಕಿದ್ದಾರೆ. ಬೆಳಗ್ಗೆಯಿಂದ ಸಂಜೆಯವರೆಗೆ ದುಡಿದ ಹಣವನ್ನು ಕೆಲವೇ ಗಂಟೆಗಳಲ್ಲಿ ಕಳೆದುಕೊಳ್ಳುತ್ತಿದ್ದಾರೆ. ₹ 10ರಿಂದ ಇದರ ಆಟ ಆರಂಭವಾಗುತ್ತದೆ. ಕೆಲವು ಆನ್ ಲೈನ್ ಮಟ್ಕಾ ದಂಧೆ ಗಂಟೆಗೊಮ್ಮೆಯಂತೆ ನಡೆಯುತ್ತವೆ. ಹೀಗಾಗಿ, ಸಾಮಾನ್ಯ ಕೂಲಿಕಾರ್ಮಿಕರೂ ಇದರ ಕಬಂಧ ಬಾಹುವಿಗೆ ಸಿಲುಕಿ ನರಳುತ್ತಿದ್ದಾರೆ.

ಇಂತಹ ಆನ್ ಲೈನ್ ಮಟ್ಕಾ ಆಡಲು ಹೆಚ್ಚಾಗಿ ಆಟೋಗಳನ್ನು ಬಳಕೆ ಮಾಡಿಕೊಳ್ಳಲಾಗುತ್ತದೆ. ಮೇಲ್ನೋಟಕ್ಕೆ ಪ್ರಯಾಣಿಕರಿಗಾಗಿ ಆಟೊ ನಿಂತಿವೆ ಎಂದು ಅನ್ನಿಸುತ್ತದೆ. ಪ್ರಯಾಣಿಕರು ಕೇಳಿದರೆ ಬರುವುದಿಲ್ಲ ಎನ್ನುತ್ತಾರೆ. ಒಳಗಡೆ 3 ರಿಂದ 4 ಮಂದಿ ಕುಳಿತು ಮೊಬೈಲ್ ಕೈಲಿಡಿದು ಇಂತಹ ಆಟ ಆಡುತ್ತಿರುತ್ತಾರೆ. ಇದು ಗಮನಕ್ಕೆ ಬರುವುದೇ ಇಲ್ಲ.

ಆನ್‌ಲೈನ್ ಮಟ್ಕಾ ಏಕಪ್ರಕಾರದ ಸ್ವರೂಪವನ್ನು ಹೊಂದಿಲ್ಲ. ಇದಕ್ಕೆ ರಾವಣನ ತಲೆಗಳಂತೆ ಹತ್ತಾರು ಸ್ವರೂಪಗಳಿವೆ. ಹಲವು ವೆಬ್‌ಸೈಟ್‌ಗಳು ವಿಭಿನ್ನ ಸ್ವರೂಪದ ಆಟವನ್ನು ಆಡಿಸುತ್ತವೆ. ಇದಕ್ಕೆಲ್ಲ ಏಜೆಂಟರೂ ಇದ್ದಾರೆ. ಬೆಳಿಗ್ಗೆ ಅಥವಾ ಸಂಜೆ ಗ್ರಾಹಕರಿಂದ ಹಣ ಸಂಗ್ರಹಿಸಿ ಸಂಖ್ಯೆಯನ್ನು ಪಡೆದುಕೊಳ್ಳುತ್ತಾರೆ.

ಮಂಗಳೂರಲ್ಲಿ ಮಟ್ಕಾ ಅಡ್ಡೆ ಮೇಲೆ ಸಿಸಿಬಿ ದಾಳಿ, 6 ಜನರ ಬಂಧನ

ನಿರ್ದಿಷ್ಟ ವೆಬ್‌ಸೈಟ್‌ನಲ್ಲಿ ನಿಗದಿತ ಸಮಯಕ್ಕೆ ಸರಿಯಾಗಿ ಸಂಖ್ಯೆಗಳು ಬರುತ್ತವೆ. ಗ್ರಾಹಕರು ಹೇಳಿದ ಒಂದು ಅಂಕಿ ಬಂದರೆ ಎಂಟು ಪಟ್ಟು ಜೋಡಿ ಅಂಕಿ ಬಂದರೆ 80 ಪಟ್ಟು ಹಣ ಸಿಗುತ್ತದೆ. ಈ ನಮೂನೆಯಲ್ಲಿ ಪ್ರತಿ ಗಂಟೆಗೊಮ್ಮೆ ಆಡುವ ಆಟಗಳೂ ಇವೆ.

ಮಂಗಳೂರಲ್ಲಿ ವಿದ್ಯಾರ್ಥಿಗಳಿಗೆ ಗಾಂಜಾ ಮಾರಾಟ ಮಾಡುತ್ತಿದ್ದವನ ಬಂಧನ

ಒಟ್ಟಾರೆ ಆನ್ ಲೈನ್ ಮಟ್ಕಾ ದಂಧೆ ಸಾಂಸ್ಕೃತಿಕ ನಗರಿಯಲ್ಲಿ ಕಾಲಿಟ್ಟಿರುವುದು ಮಾತ್ರ ವಿಪರ್ಯಾಸವೇ ಸರಿ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Online matka game came to Mysuru. Here some people are playing this game through smart phone.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more