Click it and Unblock the Notifications
Just In
-
-
-
Don't Miss
-
3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ? -
ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..? -
ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಊಟಕ್ಕೂ ಕಷ್ಟಪಡುತ್ತಿರುವ ಕ್ರೀಡಾಪಟು ಸಹಾಯಕ್ಕೆ ನ್ಯೂಜೆರ್ಸಿಯ ಕಟ್ಟೆ ಬಾಯ್ಸ್
ಜಿಮ್ನಾಸ್ಟಿಕ್ ನಲ್ಲಿ ಹಲವಾರು ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಪದಕಗಳನ್ನು ಬಾಚಿಕೊಂಡಿರುವ ಮೈಸೂರಿನ ಕ್ರೀಡಾಪಟು ಅನಂತ ರಾವ್ ಅವರು ಹೊತ್ತೂಟಕ್ಕೂ ಕಷ್ಟಪಡುತ್ತಿದ್ದಾರೆ. ಅವರ ಕಣ್ಣೀರಿಗೆ ಮಿಡಿದಿದ್ದಾರೆ ನ್ಯೂ ಜೆರ್ಸಿಯ ಕಟ್ಟೆ ಬಾಯ್ಸ್.
ಈಗಾಗಲೇ ಬಹಳಷ್ಟು ಜನರಿಗೆ ತಿಳಿದಿರುವಂತೆ, ಕಟ್ಟೆ ಬಾಯ್ಸ್ ಅಂದರೆ ಅಮೆರಿಕಾದ ನ್ಯೂ ಜೆರ್ಸಿಯಲ್ಲಿ ಕ್ರೀಡಾ ಮನೋಭಾವ ಹಾಗು ಸಹಾಯಹಸ್ತ ಚಾಚುವಂಥ ಹೃದಯ ಶ್ರೀಮಂತಿಗೆಯುಳ್ಳ ಕನ್ನಡಿಗರ ಗುಂಪು.
ನೂರಾರು ಕನ್ನಡ ಸಂಘ ಸಂಸ್ಥೆಗಳು ಕನ್ನಡ ಪತಾಕೆಯನ್ನು ಪ್ರಪಂಚದ ನಾನಾ ಮೂಲೆಗಳಲ್ಲಿ ಹಾರಿಸುತ್ತಿದ್ದರೆ, ಈ ಕಟ್ಟೆ ಬಾಯ್ಸ್ ವಿಶೇಷತೆ ಏನೆಂದರೆ ಅಲ್ಲಿದ್ದುಕೊಂಡು ಸದ್ದು ಗದ್ದಲವಿಲ್ಲದೆ ಸಂತ್ರಸ್ತರಿಗೆ ನೆರವಿನ ಹಸ್ತ ಚಾಚುವುದು.
ಇವರ ಸಮಾಜಸೇವೆ ಚಟುವಟಿಕೆಗಳು ಹಲವಾರು ನೇಪಾಳ ಭೂಕಂಪದಲ್ಲಿ ನೊಂದವರಿಗೆ ಸಹಾಯ, ಆತ್ಮಹತ್ಯೆ ಮಾಡಿಕೊಂಡ ಕನ್ನಡ ರೈತ ಕುಟುಂಬಗಳಿಗೆ ನೆರವು, ಯುದ್ಧದಲ್ಲಿ ವೀರ ಮರಣ ಹೊಂದಿದ ಕನ್ನಡ ಯೋಧರ ಸಂಸಾರಕ್ಕೆ ಸಹಾಯ... ಇತ್ಯಾದಿ ಇತ್ಯಾದಿ
ಅದಕ್ಕೆ ಮತ್ತೊಂದು ಸೇರ್ಪಡೆ, ನತದೃಷ್ಟ ಕನ್ನಡ ಕ್ರೀಡಾಪಟು ಅನಂತ ರಾವ್ ಗೆ ಸಹಾಯ ಹಸ್ತ ಚಾಚಿರುವುದು. [ಹೆಮ್ಮೆಯ ವೀರ ಪುತ್ರರಿಗೆ ಕಟ್ಟೆ ಬಾಯ್ಸ್ ಅಳಿಲು ಸೇವೆ]
ಯಾರಿವರು ಅನಂತ ರಾವ್? : ಮೈಸೂರಿನ ಕನ್ನಡಿಗ ಅನಂತ ರಾವ್ ಅಂತಾರಾಷ್ಟ್ರೀಯ ಜಿಮ್ನಾಸ್ಟಿಕ್ ಪಟು. 9ನೇ ವಯಸಿನಲ್ಲಿ ಸಾಧನೆಯನ್ನು ಪ್ರಾರಂಭಿಸಿ 15 ರಾಷ್ಟ್ರಮಟ್ಟದ, ನೂರಾರು ರಾಜ್ಯ ಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸಿ 120ಕ್ಕೂ ಹೆಚ್ಚು ರಾಜ್ಯ ಪ್ರಶಸ್ತಿಗಳನ್ನು ಮತ್ತು 5 ರಾಷ್ಟ್ರ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿರುವ ಪ್ರತಿಭಾವಂತ.
ದುರಾದೃಷ್ಟವಶಾತ್ 2010 ಅಕ್ಟೋಬರ್ ನಲ್ಲಿ ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಲ್ಯಾಂಡ್ ಆಗುವಾಗ ಬೆನ್ನುಹುರಿಗೆ ಬಲವಾದ ಪೆಟ್ಟಾಗಿ ತಮ್ಮ ದೇಹದ ಸ್ವಾಧೀನ ಕಳೆದು ಕೊಂಡಿದ್ದಾರೆ. ದೈನಂದಿನ ಕೆಲಸವನ್ನು ಮಾಡಲೂ ಅಶಕ್ತರಾಗಿರುತ್ತಾರೆ. ಪೆಟ್ಟಿನ ಮೇಲೊಂದು ಪೆಟ್ಟಂತೆ ಇವರ ತಂದೆಯವರು ಮೃತರಾಗಿದ್ದಾರೆ. ಪ್ರತಿನಿತ್ಯದ ಊಟ ಮತ್ತು ಬಾಡಿಗೆಗೂ ಪರೆದಾಡುವ ಪರಿಸ್ಥಿತಿಯಿದೆ.
ಇದನ್ನು ಗಮನಿಸಿದ ಕಟ್ಟೆ ಬಾಯ್ಸ್ 125,000 ರು. ಮತ್ತು ಪುಟ್ಟರಾಜು, ಲೋಕಸಭಾ ಸದಸ್ಯರು, ಸಾ. ರಾ . ಮಹೇಶ್, ಶಾಸಕರು, ರವಿ ಕುಮಾರ್, ಮಹಾಪೌರರು ತಲಾ 25,000 ರು. ಒಟ್ಟು ರು 200,000 ಎರಡು ಲಕ್ಷ ರು.ಗಳನ್ನು ಅನಂತರಾವ್ ಅವರಿಗೆ ನೀಡಲಾಯಿತು.
ಇತ್ತೀಚೆಗೆ ಬಿಡುಗಡೆಯಾದ, ಕ್ರೀಡಾಪಟು ಜೀವನ ಒಳಗೊಂಡ ಬಾಲಿವುಡ್ ಸಿನಿಮಾವನ್ನು ದುಡ್ಡುಕೊಟ್ಟು ನೋಡಿಬಂದ ನಾವು ಚೆನ್ನಾಗಿದೆಯೆಂದು ಹಾಡಿ ಹೊಗಳುತ್ತೇವೆ, ನಿರ್ಮಾಪಕ ರು 700 (ಏಳುನೂರು) ಕೋಟಿ ಲಾಭ ಬಾಚಿಕೊಳ್ಳುತ್ತಾನೆ. ದುರ್ದೈವದ ಸಂಗತಿಯೆಂದರೆ, ನಮ್ಮ ಮನೆ ಹುಡುಗ ಕನ್ನಡಿಗ, ಹೆಮ್ಮೆಯ ಕ್ರೀಡಾಪಟು ಒಪ್ಪತ್ತಿನ ಊಟಕ್ಕೆ ಕಣ್ಣೀರು ಹಾಕುತ್ತಿದ್ದರೂ ನಮಗದು ಕಾಣುವುದಿಲ್ಲ. ಎಂಥ ವಿಪರ್ಯಾಸ!
ಸಹಾಯ ಹಸ್ತ ಮಾಡಲು ಬಯಸುವವರು ಸಂಪರ್ಕಿಸಿ.
