ಮುಡಾ ಭೂಮಿ ಅತಿಕ್ರಮಣ ತೆರವು; 10 ಕೋಟಿ ರೂ.ಮೌಲ್ಯದ ನಿವೇಶನ ವಶಕ್ಕೆ
ಮೈಸೂರು, ಜುಲೈ 2: ದೇವನೂರು ಗ್ರಾಮ ಸರ್ವೇ ನಂ. 166/1, 166/2 ಮತ್ತು 164ರ ಜಮೀನುಗಳನ್ನು ಭೂ ಸ್ವಾಧೀನಪಡಿಸಿಕೊಂಡು ರಚಿಸಲಾಗಿರುವ ದೇವನೂರು 2ನೇ ಹಂತ ಬಡಾವಣೆಯಲ್ಲಿ ಸೈಯದ್ ಹಸೀಬ್ ಎಂಬಾತ ಅತಿಕ್ರಮಣ ಮಾಡಿದ್ದು, ಆ ಅತಿಕ್ರಮಣವನ್ನು ತೆರವು ಮಾಡಲಾಗಿದೆ.
ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಆಯುಕ್ತರು, ಸಿಬ್ಬಂದಿ, ಉದಯಗಿರಿ ಪೊಲೀಸ್ ಠಾಣೆ ನೀರಿಕ್ಷಕರು ಸ್ಥಳಕ್ಕೆ ಭೇಟಿ ನೀಡಿ ಸ್ವತ್ತುಗಳನ್ನು ವಶಕ್ಕೆ ಪಡೆದಿದ್ದಾರೆ. ಅಲ್ಲಿ ಪ್ರಾಧಿಕಾರದ ಆಸ್ತಿಯೆಂದು ನಾಮಫಲಕ ಅಳವಡಿಸಿದ್ದಾರೆ.
ನಕಲಿ ದಾಖಲೆ ಸೃಷ್ಟಿಸಿ ಮುಡಾ ಆಸ್ತಿ ಮಾರಾಟ ಮಾಡಿದ ವ್ಯಕ್ತಿ
ಸರ್ವೆ ನಂಬರ್ 166/1, 166/2 ಮತ್ತು 164ರಲ್ಲಿ ರಚಿಸಲಾಗಿದ್ದ ಒಟ್ಟು 14 ನಿವೇಶನಗಳನ್ನು ಪ್ರಾಧಿಕಾರವು ಸಂರಕ್ಷಿಸುವ ನಿಟ್ಟಿನಲ್ಲಿ ಕ್ರಮ ತೆಗೆದುಕೊಂಡು ಸ್ವತ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ. ಇದರ ಅಂದಾಜು ಮೌಲ್ಯ 10 ಕೋಟಿ ರೂಪಾಯಿ ಎಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
Comments
English summary
Muda has seized 10 crores worth land which was encroached by syed hasib in devanuru