ಕಾನೂನು ವಿದ್ಯಾರ್ಥಿಯ ಪ್ರಾಣಕ್ಕೆ ಎರವಾಯ್ತು ಹೊಸ ವರ್ಷಾಚರಣೆ
ಮೈಸೂರು, ಜನವರಿ 02: ಹೊಸ ವರ್ಷದ ಸಂಭ್ರಮ ಯುವಕನ ಪ್ರಾಣಕ್ಕೇ ಎರವಾದ ಘಟನೆ ಮೈಸೂರಿನಲ್ಲಿ ನಡೆದಿದೆ. ಹೊಸ ವರ್ಷಕ್ಕೆಂದು ಪಾರ್ಟಿ ಮಾಡುವ ಸಂದರ್ಭ ಯುವಕನೊಬ್ಬ ಸಾವನ್ನಪ್ಪಿದ್ದಾನೆ.
Happy New Year: ಎಣ್ಣೆ ಹಾಕುವ ಮುನ್ನ ಹುಷಾರ್ ಹುಷಾರ್!
ಕಾನೂನು ವಿದ್ಯಾರ್ಥಿ, ಮೈಸೂರಿನ ಎರಡನೇ ಈದ್ಗಾ ನಿವಾಸಿ ಕಾರ್ತಿಕ್ (22) ಪ್ರಾಣ ಕಳೆದುಕೊಂಡ ಯುವಕ. ಈತ ವಿದ್ಯಾವರ್ಧಕ ಕಾನೂನು ಕಾಲೇಜಿನಲ್ಲಿ ಅಂತಿಮ ವರ್ಷದ ಕಾನೂನು ವಿದ್ಯಾರ್ಥಿಯಾಗಿದ್ದ.
ಉತ್ತಮ ಯೋಗಪಟು ಎನಿಸಿಕೊಂಡಿದ್ದ ಕಾರ್ತಿಕ್, ಹೊಸ ವರ್ಷಾಚರಣೆ ಹಿನ್ನಲೆ ಮೂವರು ಸ್ನೇಹಿತರ ಜೊತೆ ಡಿಸೆಂಬರ್ 31ರ ರಾತ್ರಿ ಪಾರ್ಟಿ ಮಾಡಲು ತೆರಳಿದ್ದ. ಈ ಸಂದರ್ಭ ಮದ್ಯ ಸೇವನೆಯಿಂದ ತೀವ್ರ ಅಸ್ವಸ್ಥನಾಗಿ ಹಠಾತ್ ಕುಸಿದುಬಿದ್ದಿದ್ದ. ಕುಡಿತದ ಮತ್ತಿನಲ್ಲಿದ್ದ ಸ್ನೇಹಿತರಿಗೆ ಈ ಸಂಗತಿ ಅರಿವಿಗೆ ಬಂದಿಲ್ಲ. ನಂತರ ಈತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಚಿಕಿತ್ಸೆ ಫಲಕಾರಿಯಾಗದೆ ನಿನ್ನೆ ರಾತ್ರಿ ಕಾರ್ತಿಕ್ ಸಾವನ್ನಪ್ಪಿದ್ದಾನೆ. ಮಂಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Comments
English summary
A Law student Karthik (22) died while partying for the New Year in mysuru
Story first published: Thursday, January 2, 2020, 13:47 [IST]