ಮೈಸೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ನಾಡಹಬ್ಬದ ಮೆರುಗಿಗೆ ಈ ಬಾರಿ 70 ರಸ್ತೆ, 40ವೃತ್ತಗಳಲ್ಲಿ ಥರಾವರಿ ದೀಪಾಲಂಕಾರ

|
Google Oneindia Kannada News

ಮೈಸೂರು, ಸೆಪ್ಟೆಂಬರ್ 3: ದಸರಾ ಬರುತ್ತಿದ್ದಂತೆ ಹಬ್ಬದ ಕಳೆ ತರುವ ದೀಪಾಲಂಕಾರಕ್ಕೂ ಹೊಸತನ ನೀಡಲಾಗುತ್ತದೆ. ಹಾಗೆಯೇ ಈ ಬಾರಿ ದಸರಾ ದೀಪಾಲಂಕಾರದಲ್ಲಿ ಯೋಗಾಸನಕ್ಕೆ ಪ್ರಾಮುಖ್ಯ ನೀಡಲಾಗಿದೆ. ಯೋಗಾಸನದ ವಿವಿಧ ಭಂಗಿಯ ಮಾದರಿಗಳನ್ನು ದೀಪಾಲಂಕಾರದ ಮೂಲಕ ತೋರಲಾಗುತ್ತಿದೆ.

ಪ್ಲಾಸ್ಟಿಕ್ ಮುಕ್ತ ದಸರಾ ಆಚರಣೆಗೆ ಈ ಬಾರಿ ಮೈಸೂರಲ್ಲಿ ಭರ್ಜರಿ ತಯಾರಿಪ್ಲಾಸ್ಟಿಕ್ ಮುಕ್ತ ದಸರಾ ಆಚರಣೆಗೆ ಈ ಬಾರಿ ಮೈಸೂರಲ್ಲಿ ಭರ್ಜರಿ ತಯಾರಿ

ವಿವಿಧ ಭಂಗಿಯ ಮಾದರಿಯನ್ನು ದೀಪಾಲಂಕಾರದ ಮೂಲಕ ಪ್ರದರ್ಶಿಸಿ ಯೋಗಾಸನದ ಕುರಿತು ಸಾರ್ವಜನಿಕರಲ್ಲಿ ಅರಿವು ಮೂಡಿಸುವ ಯೋಜನೆಯನ್ನು ಕೈಗೊಳ್ಳಲಾಗಿದೆ ಎಂದು ಸೆಸ್ಕ್ ಅಧಿಕಾರಿಗಳು ತಿಳಿಸಿದ್ದಾರೆ.

ಪಶ್ಚಿಮ ಬಂಗಾಳದ ದುರ್ಗಾ ಪೂಜೆಗೂ ಮೈಸೂರು ದಸರೆಗೂ ಎಲ್ಲಿಲ್ಲದ ನಂಟು. ನವದುರ್ಗಾ ಸಮಿತಿಯು ಪ್ರತಿ ವರ್ಷವೂ ದುರ್ಗಾ ಪೂಜೆ ವೇಳೆ ದೀಪಾಲಂಕಾರ ಮಾಡುತ್ತದೆ. ಮೈಸೂರು ದಸರಾದಲ್ಲಿ ಅದೇ ಮಾದರಿಯಲ್ಲಿ ಆಕರ್ಷಣೆ ಹಾಗೂ ಭಕ್ತಿಯ ಪ್ರತೀಕವಾಗಿ ದೀಪಾಲಂಕಾರ ಮಾಡಲು ಉದ್ದೇಶಿಸಲಾಗಿದೆ. ಈ ನಿಟ್ಟಿನಲ್ಲಿ ಕಳೆದ ಬಾರಿ ಎಲ್ ಇಡಿ ದೀಪಗಳನ್ನು ಅಳವಡಿಸಲಾಗಿದ್ದು, ಈ ಬಾರಿಯೂ ಆದ್ಯತೆ ನೀಡಿ ಹೊಸ ಮಾದರಿಯ ಪ್ರತಿಕೃತಿಗಳನ್ನು ಅಳವಡಿಸಲು ಸಿದ್ಧತೆ ನಡೆಸಲಾಗಿದೆ.

Different types of lights will appear on this Mysuru dassara

ಹೊಸ ವಿನ್ಯಾಸಗಳ ಕುರಿತು ಸಾರ್ವಜನಿಕರೂ ಸಲಹೆ ನೀಡಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಕಳೆದ ಬಾರಿ ಕೆಲವೇ ಆಯ್ದ ರಸ್ತೆಗಳಿಗೆ ದೀಪಗಳಿಂದ ಅಲಂಕರಿಸಲಾಗಿತ್ತು. ಆದರೆ ಈ ವರ್ಷ ಮೈಸೂರು ನಗರಕ್ಕೆ ಒಳಪಡುವ ಎಲ್ಲಾ ಮುಖ್ಯ ರಸ್ತೆ ಹಾಗೂ ಸಂಸ್ಥೆಗಳಿಗೆ ದೀಪಾಲಂಕಾರ ಕಲ್ಪಿಸಲು ಯೋಜಿಸಲಾಗಿದೆ. 70 ರಸ್ತೆಗಳು ಹಾಗೂ 40 ಸರ್ಕಲ್ ಗಳಲ್ಲಿ ದೀಪಗಳು ಕಂಗೊಳಿಸುವ ಸಾಧ್ಯತೆಯಿದೆ ಎನ್ನಲಾಗುತ್ತಿದೆ.

Different types of lights will appear on this Mysuru dassara

ಹಿಂದಿನ ದಸರಾದಲ್ಲಿ ದೀಪಾಲಂಕಾರಕ್ಕಾಗಿ ಸುಮಾರು 6-7 ಮೆಗಾ ವ್ಯಾಟ್ ವಿದ್ಯುತ್ ಬೇಕಾಗುತ್ತಿತ್ತು. ಇದರಿಂದ 3 ಲಕ್ಷ ಯೂನಿಟ್ ವೆಚ್ಚವಾಗುತ್ತಿತ್ತು. ಆದರೆ ಎಲ್ ಇ ಡಿ ದೀಪಗಳ ಬಳಕೆಯಿಂದ ದೀಪಾಲಂಕಾರಕ್ಕೆ ಕಡಿಮೆ ವಿದ್ಯುತ್ ವ್ಯತ್ಯಯವಾಗುತ್ತದೆ. ಇದರಿಂದ ಸುಮಾರು 2 ಲಕ್ಷ ಯೂನಿಟ್ ವಿದ್ಯುತ್ ಉಳಿತಾಯ ಸಾಧ್ಯವಾಗಲಿದೆ ಎಂಬುದು ಸೆಸ್ಕ್ ಅಧಿಕಾರಿಗಳ ಅಭಿಪ್ರಾಯ.

English summary
: Different types of lights will appear on this Mysuru dassara. CESCOM planning to implement this dassara new yoga poses in lighting.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X