ಕೋವಿಡ್ - 19 ಪರೀಕ್ಷೆ; ಮೈಸೂರು ಜಿಲ್ಲೆಯ ಜನರಿಗೊಂದು ಮನವಿ

ಮೈಸೂರು, ಜೂನ್ 16 : ಮೈಸೂರು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಾರ್ಯಾಲಯ ಜಿಲ್ಲೆಯ ಜನರಿಗೆ ಮನವಿಯೊಂದನ್ನು ಮಾಡಿದೆ. ಕೋವಿಡ್ - 19 ಗುಣಲಕ್ಷಣಗಳು ಕಂಡು ಬಂದರೆ ತಕ್ಷಣದ ಪರೀಕ್ಷೆ ಮಾಡಿಸಿಕೊಳ್ಳಬೇಕು ಎಂದು ತಿಳಿಸಿದೆ.

ಕೋವಿಡ್ - 19 ಗುಣಲಕ್ಷಣಗಳು ಇದ್ದಲ್ಲಿ ಹತ್ತಿರ ಇರುವ ಸರ್ಕಾರಿ ಅಥವ ಖಾಸಗಿ ಆಸ್ಪತ್ರೆಗಳಲ್ಲಿ ಪರೀಕ್ಷೆಗೆ ಒಳಪಡಬೇಕು. ಖಾಸಗಿ ಆಸ್ಪತ್ರೆ/ ಪಾಲಿ ಕ್ಲಿನಿಕ್/ಕ್ಲಿನಿಕ್‌ಗಳಿಗೆ ಬರುವ ರೋಗಿಗಳಲ್ಲಿ SARI ಮತ್ತು ILI ಪ್ರಕರಣಗಳು ಕಂಡುಬಂದವರಿಗೆ ಕೋವಿಡ್ - 19 ಪರೀಕ್ಷೆಯನ್ನು ಕಡ್ಡಾಯವಾಗಿ ಮಾಡಬೇಕಿರುತ್ತದೆ.

ಮೈಸೂರು ಜಿಲ್ಲೆಯಲ್ಲಿನ ಎಲ್ಲಾ ಖಾಸಗಿ ಆಸ್ಪತ್ರೆ/ಪಾಲಿ ಕ್ಲಿನಿಕ್/ ಕ್ಲಿನಿಕ್‌ಗಳಿಗೆ ಬರುವ ರೋಗಿಗಳಲ್ಲಿ SARI ಮತ್ತು ILI ಪ್ರಕರಣಗಳು ಕಂಡು ಬಂದರೆ ಈ ಆಸ್ಪತ್ರೆಗಳಲ್ಲಿ ಪರೀಕ್ಷೆ ಮಾಡಿಸಿಕೊಳ್ಳಬಹುದು ಎಂದು ಮಾಹಿತಿ ನೀಡಲಾಗಿದೆ.

* ಕೋವಿಡ್ ಆಸ್ಪತ್ರೆ (ಜಿಲ್ಲಾ ಆಸ್ಪತ್ರೆ ಮೇಟ್ಟಗಳ್ಳಿ)
* ಕೆ. ಆರ್. ಆಸ್ಪತ್ರೆ, ಮೈಸೂರು
* ಚೆಲುವಾಂಬ ಆಸ್ಪತ್ರೆ, ಮೈಸೂರು
* ತಾಲೂಕು ಆಸ್ಪತ್ರೆಗಳು ಟಿ. ನರಸೀಪುರ/ ನಂಜನಗೂಡು/ ಎಚ್‌. ಡಿ. ಕೋಟೆ/ ಹುಣಸೂರು/ ಕೆ. ಆರ್. ನಗರ/ ಪಿರಿಯಾಪಟ್ಟಣ

* ಸಮುದಾಯ ಆರೋಗ್ಯ ಕೇಂದ್ರಗಳಾದ ಸಾಲಿಗ್ರಾಮ/ ಹುಲ್ಲಹಳ್ಳಿ/ ತಗಡೂರು (ಉಚಿತವಾಗಿ ಪರೀಕ್ಷೆ ಮಾಡಿಸಿಕೊಳ್ಳಬಹುದು).

ಪರೀಕ್ಷೆಗೆ ಒಳಗಾಗುವ ರೋಗಿಗಳು ಯಾವುದೇ ರೀತಿಯ ಕ್ವಾರಂಟೈನ್‌ನಲ್ಲಿ ಇರಬೇಕಿಲ್ಲ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಚೇರಿ ಸ್ಪಷ್ಟಪಡಿಸಿದೆ.

ಕೋವಿಡ್ -19 ಸೋಂಕಿನ ಲಕ್ಷಣಗಳು

* ಮೂಗು ಸೊರುವುದು
* ತಲೆ ನೋವು
* ಗಂಟಲು ನೋವು
* ಒಣ ಕೆಮ್ಮು
* ಜ್ವರ
* ಉಸಿರಾಟದ ತೊಂದರೆ

English summary

Humble request to Mysuru district people by health and family welfare department. If people find any COVID - 19 symptoms they can go for government or private lab for the test.