ಸುರೇಶ್ ಪ್ರಭು ರೈಲ್ವೆ ಬಜೆಟ್ನಲ್ಲಿ ಮೈಸೂರಿಗೆ ಸಿಕ್ಕಿದ್ದೇನು?
ಮೈಸೂರು, ಫೆ. 27 : ಕೇಂದ್ರ ರೈಲ್ವೆ ಸಚಿವ ಸುರೇಶ್ ಪ್ರಭು ಅವರು ಗುರುವಾರ ಮಂಡಿಸಿದ 2015-16ನೇ ಸಾಲಿನ ರೈಲ್ವೆ ಬಜೆಟ್ನಲ್ಲಿ 108 ರೈಲುಗಳಲ್ಲಿ ಇ-ಕೆಟರಿಂಗ್ ಸೇವೆ ಆರಂಭಿಸುವುದಾಗಿ ಹೇಳಿದ್ದಾರೆ. ಮೈಸೂರಿನಿಂದ ಹೊರಡುವ 2 ರೈಲುಗಳಲ್ಲಿ ಈ ಸೇವೆ ಲಭ್ಯವಾಗಲಿದೆ.
ರೈಲ್ವೆ ಬಜೆಟ್ ಮಂಡನೆ ನಂತರ ನೈರುತ್ಯ ರೈಲ್ವೆ ವಲಯ ಪ್ರಧಾನ ವ್ಯವಸ್ಥಾಪಕ ಪಿ.ಕೆ.ಸಕ್ಸೇನಾ ಅವರು ಈ ಕುರಿತು ಮಾಹಿತಿ ನೀಡಿದ್ದಾರೆ. ಮೈಸೂರು-ಬೆಂಗಳೂರು ಚಾಮುಂಡಿ ಎಕ್ಸ್ಪ್ರೆಸ್ ಮತ್ತು ಮೈಸೂರು-ದಾದರ್ ಎಕ್ಸ್ಪ್ರೆಸ್ ರೈಲಿನಲ್ಲಿ ಇ-ಕೆಟರಿಂಗ್ ಸೇವೆ ಆರಂಭವಾಗಲಿದೆ.[ರೈಲ್ವೆ ಬಜೆಟ್ ಮುಖ್ಯಾಂಶಗಳು]
ಈ
ಎರಡು
ರೈಲುಗಳಲ್ಲಿ
ಪ್ರಯಾಣಿಸುವ
ಮುನ್ನ
ಊಟ,
ಉಪಹಾರಕ್ಕೆ
ಮುಂಗಡ
ಬುಕ್ಕಿಂಗ್
ಮಾಡಿಕೊಳ್ಳಲು
ಇ-ಕೆಟರಿಂಗ್
ಸೇವೆಯನ್ನು
ಆರಂಭಿಸಲಾಗುತ್ತದೆ.
ರಾಜ್ಯದ
4
ರೈಲುಗಳಲ್ಲಿ
ಇ-ಕೆಟರಿಂಗ್
ಸೇವೆ
ಆರಂಭಗೊಳ್ಳಲಿದೆ
ಎಂದು
ಬಜೆಟ್ನಲ್ಲಿ
ಘೋಷಣೆ
ಮಾಡಲಾಗಿದೆ.
[ರೈಲ್ವೆ
ಬಜೆಟ್
:
9
ಕನ್ನಡ
ಪತ್ರಿಕೆಗಳ
ಹಣೆಬರಹ]
ಮೈಸೂರಿನಿಂದ ಹೊರಡುವ ಎರಡು ರೈಲು ಮತ್ತು ಯಶವಂತಪುರ-ಕೋಚುವೇಲಿ ಎಕ್ಸ್ಪ್ರೆಸ್, ಬೆಂಗಳೂರು-ಸಿಕಂದರಾಬಾದ್ ಗರೀಬ್ರಥ್ ರೈಲುಗಳಲ್ಲಿ ಇ-ಕೆಟರಿಂಗ್ ಸೇವೆ ಲಭ್ಯವಾಗಲಿದೆ. [ರೈಲ್ವೆ ಬಜೆಟ್ : ಎಲ್ಲರಿಗೂ ಸುರೇಶ್ ಪ್ರಭು ನೀಡಿದ್ದೇನು?]
ಮೈಸೂರು ನಿಲ್ದಾಣದಲ್ಲಿ ವೈಫೈ : ಬಜೆಟ್ನಲ್ಲಿ ದೇಶದ 400ಕ್ಕೂ ಹೆಚ್ಚು ಪ್ರಮುಖ ನಿಲ್ದಾಣಗಳಲ್ಲಿ ವೈಫೈ ಸೇವೆ ಒದಗಿಸುವುದಾಗಿ ಘೋಷಣೆ ಮಾಡಲಾಗಿದೆ. ಕರ್ನಾಟಕದ 17 ನಿಲ್ದಾಣಗಳು ಇದರಲ್ಲಿ ಸೇರಿವೆ. ಮೈಸೂರು ಭಾಗದ ನಾಲ್ಕು ನಿಲ್ದಾಣಗಳು ಈ ವ್ಯಾಪ್ತಿಗೆ ಒಳಪಡಲಿವೆ.
ಬಿ ದರ್ಜೆಯ ನಿಲ್ದಾಣಗಳಲ್ಲಿ ವೈಫೈ ವ್ಯವಸ್ಥೆ ಮಾಡಲಾಗುತ್ತದೆ ಎಂದು ಬಜೆಟ್ನಲ್ಲಿ ಘೋಷಣೆ ಮಾಡಲಾಗಿದೆ. ಮೈಸೂರು ವಿಭಾಗದಲ್ಲಿ ಮೈಸೂರು, ಶಿವಮೊಗ್ಗ ಹಾಗೂ ದಾವಣಗೆರೆ ರೈಲ್ವೆ ನಿಲ್ದಾಣಗಳು ಎ ದರ್ಜೆಗೆ, ಹಾಸನ, ಬೀರೂರು, ಅರಸಿಕೆರೆ, ಭದ್ರಾವತಿ, ಹಾವೇರಿ ಹಾಗೂ ಹರಿಹರ ರೈಲು ನಿಲ್ದಾಣಗಳು ಬಿ ದರ್ಜೆಗೆ ಸೇರಿವೆ.
ಮೈಸೂರು ವಿಭಾಗದ ಎ ದರ್ಜೆ ನಿಲ್ದಾಣಗಳಲ್ಲಿ ಇನ್ನೂ ವೈಫೈ ವ್ಯವಸ್ಥೆ ಕಲ್ಪಿಸಿಲ್ಲ. ಬಿ ದರ್ಜೆ ನಿಲ್ದಾಣಗಳಲ್ಲೂ ವೈಫೈ ವ್ಯವಸ್ಥೆ ಘೋಷಣೆ ಮಾಡಿರುವುದರಿಂದ ಮೈಸೂರು ವಿಭಾಗದಲ್ಲಿನ ನಿಲ್ದಾಣಗಳಲ್ಲಿ ಕೆಲವು ತಿಂಗಳುಗಳಲ್ಲಿ ವೈಫೈ ಸೇವೆ ಲಭ್ಯವಾಗಲಿವೆ.