• search

ಮೈಸೂರು ಅರಮನೆಯ ಗೈಡ್ ಗಳು ಅತಂತ್ರ ಸ್ಥಿತಿಯಲ್ಲಿರುವುದಕ್ಕೆ ಕಾರಣ ಇದೇ!

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
        ಮೈಸೂರು ಅರಮನೆಯ ಗೈಡ್ ಗಳ ಸ್ಥಿತಿ ಅತಂತ್ರ | Oneindia Kannada

        ಮೈಸೂರು, ಸೆಪ್ಟೆಂಬರ್. 26: ನಾವು ಮೈಸೂರು ಅರಮನೆಗೆ ಭೇಟಿ ನೀಡಿದಾಗ ಅರಮನೆಯ ಸಂಪೂರ್ಣ ಚಿತ್ರಣವನ್ನು ಕಣ್ಣಿಗೆ ಕಟ್ಟುವಂತೆ ವಿವರಿಸುವ ಏಕೈಕ ವ್ಯಕ್ತಿಯೆಂದರೆ ಗೈಡ್. ಅವರು ಅಷ್ಟಾಗಿ ವಿದ್ಯಾವಂತರಲ್ಲದಿದ್ದರೂ ಅರಳು ಹುರಿದ ಹಾಗೆ ಇಂಗ್ಲಿಷ್, ಹಿಂದಿ, ತಮಿಳು, ತೆಲುಗು, ಕನ್ನಡ ಎಲ್ಲಾ ಭಾಷೆಗಳನ್ನು ಮಾತನಾಡುತ್ತಾರೆ.

        ಆದರೆ ಇಂದು ಅವರ ಸ್ಥಿತಿ ಶೋಚನೀಯವಾಗಿದೆ. ಹೌದು, ಅರಮನೆಯ ಸೌಂದರ್ಯವನ್ನು ಸವಿಯಲು ವರ್ಷದಿಂದ ವರ್ಷಕ್ಕೆ ಬರುವ ಪ್ರವಾಸಿಗರ ಸಂಖ್ಯೆ ಅಧಿಕವಾಗುತ್ತಿದೆ. ಆದರೆ ಅರಮನೆಯ ಗೈಡ್(ಮಾರ್ಗದರ್ಶಕ)ಗಳ ಸ್ಥಿತಿ ಮಾತ್ರ ಆಶಾದಾಯಕವಾಗಿಲ್ಲ.

        ಹಂಪೆಯಲ್ಲಿ ಪ್ರವಾಸಿ ವಿಶ್ವವಿದ್ಯಾಲಯ: ಮೆಚ್ಚುಗೆ ವ್ಯಕ್ತಪಡಿಸಿದ ಗೈಡ್ ಗಳು

        ಭಾರತ ದೇಶದಲ್ಲಿ ಆಗ್ರದ ತಾಜ್ ಮಹಲ್ ಹೊರತುಪಡಿಸಿದರೆ, ಅತೀ ಹೆಚ್ಚು ಪ್ರವಾಸಿಗರನ್ನು ಆಕರ್ಷಿಸುವ ಪ್ರವಾಸಿ ತಾಣವಾಗಿ ಮೈಸೂರು ಅರಮನೆ ಗುರುತಿಸಿಕೊಂಡಿದೆ. ಆದರೆ, ಅರಮನೆಯ ಗೈಡ್ ಗಳ ಸಹಾಯವನ್ನು ಯಾವೊಬ್ಬ ಪ್ರವಾಸಿಗರೂ ಕೇಳದಿರುವುದರಿಂದ ಗೈಡ್ ಗಳು ತಮ್ಮ ಜೀವನವನ್ನು ನಡೆಸಲು ಪರದಾಡುವಂತಾಗಿದೆ. ಹೀಗಾಗಲು ಕಾರಣವೇನು? ಮುಂದೆ ಓದಿ...

         ಎಲ್ಲಾ ಭಾಷೆ ತಿಳಿದಂತವರು

        ಎಲ್ಲಾ ಭಾಷೆ ತಿಳಿದಂತವರು

        ಅರಮನೆಗೆ ಬರುವ ಪ್ರವಾಸಿಗರಿಗೆ ಮಾಹಿತಿ ನೀಡಲೆಂದೇ 17 ಜನ ಗೈಡ್ ಗಳು ಇದ್ದಾರೆ. ಇವರಿಗೆ ಕನ್ನಡ, ಇಂಗ್ಲಿಷ್ , ಹಿಂದಿ, ತಮಿಳು, ತೆಲುಗು, ಮರಾಠಿ, ಉರ್ದು ಸೇರಿದಂತೆ ಹಲವು ಭಾಷೆಗಳು ತಿಳಿದಿವೆ.

         ಅರಮನೆಗಳ ಪರಿಚಯ

        ಅರಮನೆಗಳ ಪರಿಚಯ

        ಅರಮನೆ ಹಾಗೂ ಮಹಾರಾಜರ ಕುರಿತು ಖಚಿತ ಮಾಹಿತಿಯೊಂದಿಗೆ ಪ್ರವಾಸಿಗರಿಗೆ, ಅದರಲ್ಲೂ ವಿದೇಶಿ ಪ್ರವಾಸಿಗರಿಗೆ ನಮ್ಮ ಕಲೆ ಸಂಸ್ಕೃತಿಯ ಬಗ್ಗೆ ಮಾಹಿತಿ ನೀಡಿ, ವಿದೇಶಗಳಿಗೂ ನಮ್ಮ ಸಂಸ್ಕೃತಿಯ ಪರಿಚಯ ಮಾಡಿಕೊಡುತ್ತಿದ್ದ ಇವರ ಜೀವನ ಇಂದು ದುಸ್ತರವಾಗಿದೆ.

        ಮತ್ತೊಮ್ಮೆ ಅವಕಾಶ: ಈ ಬಾರಿ ಮೈಸೂರಲ್ಲಿ 7 ಅರಮನೆಗಳನ್ನು ನೋಡಬಹುದು

         ಗೈಡ್ ಗಳ ಅಳಲಿಗೆ ಕಾರಣ

        ಗೈಡ್ ಗಳ ಅಳಲಿಗೆ ಕಾರಣ

        ಗೈಡ್ ಗಳ ಈ ಪರಿಸ್ಥಿತಿಗೆ ಮುಖ್ಯ ಕಾರಣ ಕಳೆದ ಒಂದು ವರ್ಷದಿಂದ ಈಚೆಗೆ ಅರಮನೆ ಮಂಡಳಿ ಪ್ರಾರಂಭಿಸಿರುವ ಅರಮನೆಯ ಬಗ್ಗೆ ಮಾಹಿತಿ ನೀಡುವ ಉಚಿತ ಆಡಿಯೋ ಕಿಟ್.

        ಹೌದು. ಈ ಆಡಿಯೋ ಕಿಟ್ ನಿಂದ ಪ್ರವಾಸಿಗರಿಗೆ ಉಚಿತವಾಗಿ ಅರಮನೆಯ ಬಗ್ಗೆ ಸಂಪೂರ್ಣ ಮಾಹಿತಿ ದೊರೆಯುತ್ತದೆ. ಆದ್ದರಿಂದ ಪ್ರವಾಸಿಗರು ಅರಮನೆಯ ಬಗ್ಗೆ ತಿಳಿಯಲು ಗೈಡ್ ಗಳ ಮೇಲೆ ಅವಲಂಬಿತರಾಗುವುದಿಲ್ಲ ಎಂಬುದು ಗೈಡ್ ಗಳ ಅಳಲು.

        ಮೈಸೂರು ಜಿಲ್ಲೆಯೊಳಗಿನ ಪ್ರೇಕ್ಷಣೀಯ ಸ್ಥಳಗಳಿವು

         ಜೀವನೋಪಾಯಕ್ಕೆ ಸಹಕರಿಸಿ

        ಜೀವನೋಪಾಯಕ್ಕೆ ಸಹಕರಿಸಿ

        ಅರಮನೆಯ ಮಾಹಿತಿಯನ್ನು ನೀಡುವುದರಿಂದ ನಮಗೆ ನಾಲ್ಕು ಕಾಸಾದರೂ ಸಿಗುತ್ತಿತ್ತು. ಅದಕ್ಕೂ ಈಗ ಭಂಗ ತರುವಂತಿದೆ ಆಡಿಯೋ ಕಿಟ್ ಎಂದು ನೋವಿನಿಂದಲೇ ನುಡಿಯುತ್ತಾರೆ. ಇನ್ನಾದರೂ ಅರಮನೆ ಆಡಳಿತ ಮಂಡಳಿ ಇತ್ತ ಗಮನಹರಿಸಿ ಗೈಡ್ ಗಳ ಜೀವನೋಪಾಯಕ್ಕೆ ಸಹಕರಿಸಬೇಕಿದೆ.

        ಮಹಾರಾಜರ ಖಾಸಗಿ ದರ್ಬಾರಿನಲ್ಲಿ ಏನು ನಡೆಯುತ್ತೆ?

        ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

        English summary
        Guide is the only person explains the complete picture of the palace when visiting Mysore Palace. Now life of such guides is intact.

        Oneindia ಬ್ರೇಕಿಂಗ್ ನ್ಯೂಸ್,
        ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

        X
        We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more