ಎಟಿಎಂಗಳಲ್ಲಿ 2,000 ರೂ. ನೋಟು ಡ್ರಾ ಮಾಡಲು ಹಿಂದೇಟು
2,000ರೂ. ಮುಖಬೆಲೆಯ ನೋಟುಗಳನ್ನು ಚಲಾವಣೆಗೆ ತಂದಿದ್ದರೂ ಚಿಲ್ಲರೆ ಮಾಡಿಸಲು ಕಷ್ಟವಾಗುವುದರಿಂದ ಹಲವು ಮಂದಿ ಎರಡು ಸಾವಿರ ರೂ. ನೋಟುಗಳನ್ನು ಪಡೆಯಲು ಹಿಂದೇಟು ಹಾಕುತ್ತಿದ್ದಾರೆ.
ಮೈಸೂರು, ನವೆಂಬರ್, 20: ದೇಶದಾದ್ಯಂತ ಬಹುತೇಕ ಎಟಿಎಂ ಘಟಕಗಳಲ್ಲಿ 2 ಸಾವಿರ ರೂ. ಮುಖಬೆಲೆಯ ನೋಟುಗಳು ಲಭ್ಯವಿವೆ. ಆದರೆ ಸಾರ್ವಜನಿಕರು ಮಾತ್ರ 2 ಸಾವಿರ ರೂ. ನೋಟನ್ನು ಪಡೆದುಕೊಳ್ಳಲು ಹಿಂದೇಟು ಹಾಕುತ್ತಿದ್ದಾರೆ.
ಎಟಿಎಂ ಘಟಕಗಳಲ್ಲಿ ಹೊಸ ನೋಟುಗಳಿಗಾಗಿ ಕೈಯೊಡ್ಡುತ್ತಿರುವ ಗ್ರಾಹಕರಿಗೆ 2 ಸಾವಿರ ರೂ. ನೋಟು ಸಿಗುತ್ತಿದ್ದು, 2 ಸಾವಿರ ರೂ. ನೋಟು ನೀಡುತ್ತಿರುವ ಎಟಿಎಂಗಳ ಮುಂದೆ ಜನರ ಕ್ಯೂ ಕೂಡ ಕಡಿಮೆ ಇದೆ.[ನೋಟು ರದ್ದು ಮಾಡಿದ ಹೆಚ್ಚಿನ ದೇಶಗಳು ವಿಫಲ?]
"2 ಸಾವಿರ ರೂ. ನೋಟು ಡ್ರಾಮಾಡಿಕೊಳ್ಳಲು ಸಮಸ್ಯೆಯೇನೂ ಅಲ್ಲ. ಆದರೆ ಚಿಲ್ಲರೆಗಾಗಿ ಮತ್ತೆ ಪರಿತಪಿಸಬೇಕು. ಅದರು ಸರ್ಕಾರ ರೂ. 100 ಹಾಗೂ ರೂ. 500 ಮುಖಬೆಲೆಯ ನೋಟುಗಳನ್ನು ಪೂರೈಸಿದರೆ ಚೆನ್ನಾಗಿರುತ್ತೆ" ಎಂದು ಮೈಸೂರಿನ ಗ್ರಾಹರೊಬ್ಬರು ತಮ್ಮ ಅಭಿಪ್ರಾಯ ತಿಳಿಸಿದರು.
2 ಸಾವಿರ ರೂ. ನೋಟು ಅಳವಡಿಸಲು ಹಲವು ಎಟಿಎಂಗಳಲ್ಲಿ ತಾಂತ್ರಿಕ ಸಮಸ್ಯೆ ಇತ್ತು. ಮೈಸೂರಿನ 200 ಎಟಿಎಂ ಘಟಕಗಳಲ್ಲಿ 2 ಸಾವಿರ ರೂ. ನೋಟುಗಳು ಸಿಗುತ್ತಿವೆ. ಆದರೆ ಜನರು ಮತ್ರ ಹೆಚ್ಚು ಆಸಕ್ತಿ ತೋರುತ್ತಿಲ್ಲ.
ರಾಜ್ಯದಾದ್ಯಂತ ಹಲವು ಎಟಿಎಂ ಗಳಲ್ಲಿ ಪ್ರಸ್ತುತ 2 ಸಾವರಿ ರೂ. ನೋಟುಗಳನ್ನು ಪೂರೈಸಲಾಗುತ್ತಿದೆ. ಆದರೆ ಜನರು ಮಾತ್ರ 100ರೂ. ನೋಟುಗಳ ಲಭ್ಯತೆ ಇರುವ ಎಟಿಎಂ ಕೇಂದ್ರಗಳ ಮುಂದೆ ಮಾತ್ರ ಕ್ಯೂಕಟ್ಟಿ ನಿಲ್ಲುತ್ತಿದ್ದಾರೆ.