ಮುಂಬೈ: ಮಹಿಳೆಯ ಮೇಲೆ ರೈಲಿನಲ್ಲೇ ದೌರ್ಜನ್ಯ
ಮುಂಬೈ, ಏಪ್ರಿಲ್ 06: ರೈಲಿನಲ್ಲಿ ಮಹಿಳಾ ಸಹ ಪ್ರಯಾಣಿಕರೊಬ್ಬರ ಮೇಲೆ ವ್ಯಕ್ತಿಯೊಬ್ಬ ದೌರ್ಜನ್ಯ ಎಸಗಲು ಪ್ರಯತ್ನಿಸಿದ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿ ಆತಂಕ ಸೃಷ್ಟಿಸಿದೆ.
ಕಲ್ಯಾಣದಿಂದ ದಾದರ್ ಗೆ ಚಲಿಸುತ್ತಿದ್ದ ಮುಂಬೈಯ ಸ್ಥಳೀಯ ರೈಲೊಂದರಲ್ಲಿ ಏ.5 ರಂದು ರಾತ್ರಿ ಈ ಘಟನೆ ನಡೆದಿದೆ. ದೌರ್ಜನ್ಯಕ್ಕೊಳಗಾದ ಮಹಿಳೆ ಮತ್ತು ಆರೋಪಿ ಇಬ್ಬರೂ ಮೊದಲಿನಿಂದಲೂ ಪರಿಚಿತರಾಗಿದ್ದು, ಇಬ್ಬರ ನಡುವೆ ನಿನ್ನೆ ವಾಗ್ವಾದ ಎದ್ದಿತ್ತು. ಇದು ವಿಕೋಪಕ್ಕೆ ತೆರಳಿದ ನಂತರ ವ್ಯಕ್ತಿ ಮಹಿಳೆಯ ಮೇಲೆ ದೌರ್ಜನ್ಯ ಎಸಗಲು ಪ್ರಯತ್ನಿಸಿದ್ದದಲ್ಲದೆ ಆಕೆಯನ್ನು ಕತ್ತು ಹಿಸುಕಿ ಸಾಯಿಸಲು ಪ್ರಯತ್ನಿಸಿದ್ದಾನೆ.
#Mumbai: A woman molested by a man onboard a local train, plying from Thane to Chhatrapati Shivaji Terminus railway station, last night. Man arrested at Dadar railway station, case registered. pic.twitter.com/CqePInN2Q3
— ANI (@ANI) April 6, 2018
ಜೊತೆಗಿದ್ದ ಸಹ ಪ್ರಯಾಣಿಕರು ಎಚ್ಚರಿಕೆ ನೀಡಿದರೂ ಆತ ಮಹಿಳೆಯನ್ನು ರೈಲಿನ ಬಾಗಿಲ ಬಳಿ ಕರೆದೊಯ್ದು ಸಾಯಿಸಲು ಪ್ರಯತ್ನಿಸಿದ್ದಾನೆ. ನಂತರ ಪ್ರಯಾಣಿಕರೆಲ್ಲ ಸೇರಿ ಆತನನ್ನು ತಡೆದಿದ್ದಲ್ಲದೆ, ಈ ಕುರಿತು ಪೊಲೀಸರಿಗೆ ದೂರು ನೀಡಿದ್ದಾರೆ.
15 ಮಂದಿಯಿಂದ ಅತ್ಯಾಚಾರಕ್ಕೆ ಯತ್ನ, ರೈಲಿನಿಂದ ಜಿಗಿದ ತಾಯಿ-ಮಗಳು
ಆರೋಪಿಯನ್ನು ಬಂಧಿಸಿರುವ ಮುಂಬೈ ಪೊಲೀಸರು ಆತನನ್ನು ರಫಿಕ್ ಶೇಖ್ ಎಂದು ಗುರುತಿಸಿದ್ದಾರೆ.