ಟ್ವಿಟ್ಟರ್ ಗೆ ಗುಡ್ ಬೈ ಹೇಳಿದ ಗಾಯಕ ಸೋನು ನಿಗಮ್!
ಗಾಯಕ ಅಭಿಜಿತ್ ಭಟ್ಟಾಚಾರ್ಯ ಅವರ ಟ್ವಿಟ್ಟರ್ ಖಾತೆ ಬಂದ್ ಆದ ಬಳಿಕ ಗಾಯಕ ಸೋನು ನಿಗಮ್ ಅವರು ಟ್ವಿಟ್ಟರ್ ಗೆ ಗುಡ್ ಬೈ ಹೇಳಿದ್ದಾರೆ. ತಮ್ಮ ನಿರ್ಧಾರದ ಬಗ್ಗೆ ಸರಣಿ ಟ್ವೀಟ್ಸ್ ಮಾಡಿ ವಿವರಿಸಿದ್ದಾರೆ.
ಮುಂಬೈ, ಮೇ 24 : ಗಾಯಕ ಅಭಿಜಿತ್ ಭಟ್ಟಾಚಾರ್ಯ ಅವರ ಟ್ವಿಟ್ಟರ್ ಖಾತೆ ಬಂದ್ ಆದ ಬಳಿಕ ಗಾಯಕ ಸೋನು ನಿಗಮ್ ಅವರು ಟ್ವಿಟ್ಟರ್ ಗೆ ಗುಡ್ ಬೈ ಹೇಳಿದ್ದಾರೆ. ತಮ್ಮ ನಿರ್ಧಾರದ ಬಗ್ಗೆ ಸರಣಿ ಟ್ವೀಟ್ಸ್ ಮಾಡಿ ವಿವರಿಸಿದ್ದಾರೆ.
ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಈಗ ಪೋರ್ನ್ ವೆಬ್ ಸೈಟ್ ರೀತಿ ಆಗಿದೆ ಎಂದು ಸೋನು ಬೇಸರ ವ್ಯಕ್ತಪಡಿಸಿದ್ದಾರೆ. ಸರಿ ಸುಮಾರು 6.5 ಮಿಲಿಯನ್ ಹಿಂಬಾಲಕರನ್ನು ಹೊಂದಿರುವ ಸೋನು ನಿಗಮ್ ಅವರು ತಮ್ಮ ಟ್ವೀಟ್ ಗಳಲ್ಲಿ ತಮ್ಮ ನೋವು, ಬೇಸರವನ್ನು ವಿವರಿಸಿದ್ದಾರೆ.[ಸೋನು 'ಅಜಾನ್' ವಿವಾದಕ್ಕೆ ಟ್ವಿಟ್ಟರಲ್ಲಿ ಮಿಶ್ರ ಪ್ರತಿಕ್ರಿಯೆ]
ನಿದ್ರಿಸುವವರನ್ನು ಎಚ್ಚರಿಸಬಹುದು ಆದರೆ, ನಿದ್ರಿಸುವಂತೆ ನಟಿಸುವವರನು ಎಚ್ಚರಿಸಲು ಸಾಧ್ಯವಿಲ್ಲ. ಸಾಮಾಜಿಕ ಜಾಲ ತಾಣಗಳಲ್ಲಿ ರಾಷ್ಟ್ರೀಯವಾದಿಗಳು, ಮೂಲಭೂತವಾದಿಗಳು, ಕುಹಕಿಗಳ ನಡುವೆ ತಟಸ್ಥರಿಗೆ ಕೆಲ್ಸವಿಲ್ಲ.
"I'm no Right Wing, no Left Wing...but I guess here, you have to belong somewhere" Sonu Nigam announces he's quiting Twitter in 24 tweets pic.twitter.com/qDcqORL0OD
— NDTV (@ndtv) May 24, 2017
ಯುವ ಜನಾಂಗ ಕೂಡಾ ಒಮ್ಮೆ ನಿಮ್ಮನ್ನು ಹರಿಸುತ್ತಾರೆ ಮತ್ತೊಮ್ಮೆ ನಿಮ್ಮ ಅವನತಿ ಬಯಸುತ್ತಾರೆ. ಉಗ್ರರಂತೆ ಎಲ್ಲಾ ವರ್ತಿಸುತ್ತಾರೆ ಎಂದು ಸೋನಟ್ವೀಟ್ ಮಾಡಿದ್ದಾರೆ.[JNU ವಿದ್ಯಾರ್ಥಿನಿಗೆ ಅಸಹ್ಯಕರ ಟ್ವೀಟ್- ಗಾಯಕ ಅಭಿಜೀತ್ ಟ್ವಿಟ್ಟರ್ ಬ್ಲಾಕ್]
ಗಾಯಕ ಅಭಿಜೀತ್ ಭಟ್ಟಾಚಾರ್ಯ ಟ್ವಿಟ್ಟರ್ ಅಕೌಂಟನ್ನು ಟ್ವಿಟ್ಟರ್ ಬ್ಲಾಕ್ ಮಾಡಿದೆ. ಜೆಎನ್ಯೂ ವಿದ್ಯಾರ್ಥಿನಿ ಶೆಹ್ಲಾ ರಶೀದ್ ಬಗ್ಗೆ ಆಕ್ಷೇಪಾರ್ಹ ಸಂದೇಶ ಹಾಕಿದ್ದಕ್ಕಾಗಿ ಅವರ ಟ್ವಿಟ್ಟರ್ ಅಕೌಂಟ್ ಬ್ಲಾಕ್ ಆಗಿದೆ. ಅರುಂಧತಿ ರಾಯ್ ವಿರುದ್ಧ ನಟ ಪರೇಶ್ ರಾವಲ್ ಟ್ವೀಟ್ ಮಾಡಿದ್ದು ಕೂಡಾ ಸೋನು ಗಮನಿಸಿದ್ದಾರೆ. ಎಲ್ಲಾ ಘಟನೆಗಳ ಬಳಿಕ ಟ್ವಿಟ್ಟರ್ ನಿಂದ ಹೊರನಡೆದಿದ್ದಾರೆ.