ಶೀನಾ ಬೋರಾ ಡಿಎನ್ಎ ಪರೀಕ್ಷೆ ವರದಿ ಬಹಿರಂಗ
ಮುಂಬೈ, ಸೆ. 07: ಶೀನಾ ಬೋರಾ ಡಿಎನ್ಎ ಪರೀಕ್ಷೆ ವರದಿ ಸೋಮವಾರ ಬಹಿರಂಗಗೊಂಡಿದೆ. ತಲೆ ಬುರುಡೆ, ಮೂಳೆಗಳ ಪರೀಕ್ಷೆಯ ನಂತರ ರಾಯಗಢದಲ್ಲಿ ಸಿಕ್ಕ ಶವ ಶೀನಾ ಅವರದ್ದೇ ಎಂದು ಮುಂಬೈ ಪೊಲೀಸರು ಘೋಷಿಸಿದ್ದಾರೆ. ಹೀಗಾಗಿ ಈ ಪ್ರಕರಣದಲ್ಲಿ ಪ್ರಮುಖ ಆರೋಪಿ ಇಂದ್ರಾಣಿ ವಿರುದ್ಧ ಪೊಲೀಸರಿಗೆ ಬಲವಾದ ಸಾಕ್ಷಿ ದೊರಕಿದ್ದಂತಾಗಿದೆ.
ಈ
ನಡುವೆ
ಮಿಖಾಯಿಲ್
ಬೋರಾ
ಹಾಗೂ
ಇಂದ್ರಾಣಿ
ಅವರ
ಡಿಎನ್ಎ
ವರದಿಯನ್ನು
ಕೂಡಾ
ಪೊಲೀಸರು
ವಿಧಿ
ವಿಜ್ಞಾನ
ಪ್ರಯೋಗಾಲಯಕ್ಕೆ
ಕಳಿಸಿದ್ದರು.
ಇದರ
ವರದಿಯೂ
ಪ್ರಕಟವಾಗಿದ್ದು,
ಮಿಖಾಯಿಲ್
ಬೋರಾ
ಡಿಎನ್ಎ
ಮಾದರಿ
ಹಾಗೂ
ಇಂದ್ರಾಣಿ
ಮುಖರ್ಜಿ
ಡಿಎನ್ಎ
ಮಾದರಿ
ಮ್ಯಾಚ್
ಆಗುತ್ತಿದೆ.
[ಶೀನಾ
ಬೋರಾ
ಹತ್ಯೆ
:ಇಲ್ಲಿ
ತನಕದ
ಪ್ರಮುಖ
ಬೆಳವಣಿಗೆಗಳು]
ಬಂಧನ ವಿಸ್ತರಣೆ: ಶೀನಾ ಬೋರಾ ಕೊಲೆ ಪ್ರಕರಣದ ಪ್ರಮುಖ ಆರೋಪಿಗಳಾದ 9ಎಕ್ಸ್ ಮಾಧ್ಯಮ ಸಮೂಹದ ಸಹ ಸಂಸ್ಥಾಪಕ ಇಂದ್ರಾಣಿ ಮುಖರ್ಜಿ ಹಾಗೂ ಸಂಜೀವ್ ಖನ್ನಾ ಹಾಗೂ ಕಾರು ಚಾಲಕ ಶ್ಯಾಮ್ ರಾಯ್ ಅವರ ನ್ಯಾಯಾಂಗ ಬಂಧನದ ಅವಧಿ ಸೋಮವಾರಕ್ಕೆ ಮುಕ್ತಾಯಗೊಂಡಿತ್ತು. ಇಂದು ಎಲ್ಲರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ಸೆಪ್ಟೆಂಬರ್ 21ರವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.
ಮುಂಬೈಯ ವೊರ್ಲಿಯಲ್ಲಿನ ಇಂದ್ರಾಣಿ ನಿವಾಸಕ್ಕೆ ತೆರಳಿ ಮುಂಬೈ ಪೊಲೀಸರು ಭಾನುವಾರ ತೀವ್ರ ತಪಾಸಣೆ ನಡೆಸಿದ್ದರು. ಘಟನೆ ನಡೆದ ದಿನದ ಪ್ರಾತ್ಯಕ್ಷಿಕೆಯನ್ನು ನೀಡುವಂತೆ ಇಂದ್ರಾಣಿಯನ್ನು ಕೇಳಿಕೊಂಡಿದ್ದರು. ಶೀನಾಳನ್ನು ಹತ್ಯೆ ಮಾಡಿದ ದಿನ ನಂತರ ಗ್ಯಾರೇಜಿನಲ್ಲಿ ಕಾರಿನಲ್ಲಿ ಶವವನ್ನು ಮಲಗಿಸಿ ಅದನ್ನು ಅಲಂಕಾರ ಮಾಡಿದ ರೀತಿ, ಮಹಾರಾಷ್ಟ್ರದ ರಾಯಗಡಕ್ಕೆ ತೆಗೆದುಕೊಂಡು ಹೋಗಿ ದಹನ ಮಾಡಿದ್ದೆಲ್ಲವನ್ನು ಇಂದ್ರಾಣಿ ವಿವರಿಸಿದ್ದರು.