ಪರಸ್ತ್ರೀ ಜೊತೆ ಹಿರಿಯ ನ್ಯಾಯವಾದಿ ಜೇಠ್ಮಲಾನಿ ಲಿಪ್ ಲಾಕ್
ಮುಂಬೈ, ಫೆ 19: ಮುತ್ತಿನ ಮತ್ತೇ ಗಮ್ಮತ್ತು, ಹೊರ ಜಗತ್ತಿಗೆ ಗೊತ್ತಾದರೆ ಮಾತ್ರ ಅದು ಆಪತ್ತು. ಹಿರಿಯ ರಾಜಕಾರಣಿ ಮತ್ತು ನ್ಯಾಯವಾದಿ ರಾಮ್ ಜೇಠ್ಮಲಾನಿ ಸಾರ್ವಜನಿಕವಾಗಿ ಪರಸ್ತ್ರೀಯನ್ನು ಚುಂಬಿಸಿ ವಿವಾದಕ್ಕೊಳಗಾಗಿದ್ದಾರೆ.
ಮುಂಬೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಹಿರಿಯ ನಟಿ ಮತ್ತು ಖ್ಯಾತ ಗಾಯಕ ದಿವಂಗತ ಕಿಶೋರ್ ಕುಮಾರ್ ಅವರ ಪತ್ನಿ ಲೀನಾ ಚಂದಾರ್ವಕರ್ ಮತ್ತು ಜೇಠ್ಮಲಾನಿ ತುಟಿಗೆ ತುಟಿಗೆ ಬೆರೆಸಿಕೊಂಡಿರುವ ಸುದ್ದಿ ಸಾಮಾಜಿಕ ತಾಣದಲ್ಲಿ ಭಾರೀ ಸುದ್ದಿಯಾಗುತ್ತಿದೆ.
ಸೋಮವಾರ (ಫೆ 16) 'ದಿ ಹಮ್ ಲೋಗ್' ಚಲನಚಿತ್ರ ಪ್ರಶಸ್ತಿ ಸಮಾರಂಭದಲ್ಲಿ ಲೀನಾ ಮತ್ತು ಜೇಠ್ಮಲಾನಿ ಭಾಗವಹಿಸಿದ್ದರು. ಇಬ್ಬರೂ ವೇದಿಕೆ ಏರುವ ಮುನ್ನ ಒಬ್ಬರೊನ್ನೊಬ್ಬರು ಆಲಂಗಿಸಿಕೊಂಡು ಲಿಪ್ ಲಾಕ್ ಮಾಡಿಕೊಂಡಿದ್ದಾರೆ ಎನ್ನುವ ಸುದ್ದಿಯನ್ನು ಮಿಡ್ ಡೇ ಪತ್ರಿಕೆ ವರದಿ ಮಾಡಿದೆ.
91 ವರ್ಷದ ಜೇಠ್ಮಲಾನಿಗೆ ಕಿಸ್ ಕೊಡುವ ಅಭ್ಯಾಸ ಇದೇ ಮೊದಲೇನಲ್ಲ, ಹೊಸದೂ ಅಲ್ಲ. ತನ್ನ ಜನ್ಮದಿನದ ಸಂಬಂಧ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ, ಹಿರಿಯ ಬಾಲಿವುಡ್ ನಟ ಧರ್ಮೇಂದ್ರ ಅವರಿಗೂ ಕಿಸ್ ಕೊಟ್ಟು ಸುದ್ದಿ ಮಾಡಿದ್ದರು.
ಲೀನಾ ಚಂದಾರ್ವಕರ್ ಧಾರವಾಡದಲ್ಲಿ 1950ರಲ್ಲಿ ಜನಿಸಿದ್ದರು. ತನ್ನ ಮೊದಲ ಪತಿ ರಾಜಕಾರಣಿ ಸಿದ್ದಾರ್ಥ ಬಂಡೋಡ್ಕರ್ ಅವರು ಅಪಘಾತದಲ್ಲಿ ನಿಧನಹೊಂದಿದ ನಂತರ, ತನಗಿಂತ ಇಪ್ಪತ್ತು ವರ್ಷ ದೊಡ್ಡವರಾಗಿದ್ದ ಕಿಶೋರ್ ಕುಮಾರ್ ಅವರನ್ನು ಎರಡನೇ ಮದುವೆಯಾಗಿದ್ದರು.