ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಧರ್ಮದ ಬಗ್ಗೆ ಪ್ರಶ್ನೆ: ಸಮೀರ್ ವಾಂಖೆಡೆಗೆ ಬೆಂಬಲ ನೀಡಿದ ಪತ್ನಿ

|
Google Oneindia Kannada News

ಮುಂಬೈ ಅಕ್ಟೋಬರ್ 25: ಶಾರುಖ್ ಖಾನ್ ಪುತ್ರ ಆರ್ಯನ್ ಖಾನ್‌ನನ್ನು ಬಂಧಿಸಿರುವ ಎನ್ ಸಿಬಿ ಅಧಿಕಾರಿ ಬಗ್ಗೆ ಭಾರೀ ಚರ್ಚೆಯಾಗುತ್ತಿದೆ. ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ)ಯ ವಲಯ ನಿರ್ದೇಶಕ ಸಮೀರ್ ವಾಂಖೆಡೆ ಇದೀಗ ವಿವಾದದಲ್ಲಿ ಸಿಲುಕಿದ್ದಾರೆ. ಎನ್‌ಸಿಪಿ ನಾಯಕ ನವಾಬ್ ಮಲಿಕ್ ಸಮೀರ್ ವಾಂಖೆಡೆ ವಿರುದ್ಧ ಹಲವು ಗಂಭೀರ ಆರೋಪಗಳನ್ನು ಮಾಡಿದ್ದಾರೆ. ಸಮೀರ್ ನೇತೃತ್ವದಲ್ಲಿ, ಡ್ರಗ್ ಪ್ರಕರಣಗಳಲ್ಲಿ ನಿರಂತರ ಕ್ರಮ ಕೈಗೊಳ್ಳಲಾಗಿದೆ. ಹೀಗಾಗಿ ಸಮೀರ್ ಮೇಲೆ ಹಲವಾರು ಆರೋಪಗಳು ಕೇಳಿ ಬಂದಿವೆ. ಈ ಆರೋಪಗಳ ವಿರುದ್ಧ ಸಮೀರ್ ವಾಂಖೆಡೆ ಅವರ ಪತ್ನಿ ಕ್ರಾಂತಿ ರೆಡ್ಕರ್ ವಾಂಖೆಡೆ ಬೆಂಬಲಕ್ಕೆ ನಿಂತಿದ್ದಾರೆ.

ನವಾಬ್ ಮಲಿಕ್ ಆರೋಪ: ಮಹಾರಾಷ್ಟ್ರ ಸರ್ಕಾರದಲ್ಲಿ ಮಂತ್ರಿಯಾಗಿದ್ದ ನವಾಬ್ ಮಲಿಕ್ ಎನ್‌ಸಿಬಿ ವಲಯ ನಿರ್ದೇಶಕ ಸಮೀರ್ ವಾಂಖೆಡೆ ಅವರ ಪ್ರಮಾಣಪತ್ರದ ಮೇಲೆ ದಾಳಿ ನಡೆಸಿದ್ದಾರೆ. ನವಾಬ್ ಅವರು ಸಮೀರ್ ವಾಂಖೆಡೆಯನ್ನು ನಕಲಿ ಮನುಷ್ಯ ಎಂದು ಕರೆದಿದ್ದಾರೆ. ಒಬ್ಬ ಮನುಷ್ಯನು ಎರಡು ಪ್ರಮಾಣಪತ್ರಗಳನ್ನು ಹೇಗೆ ಹೊಂದಬಹುದು ಎಂದು ಕೇಳಿದ್ದಾರೆ. ಸಮೀರ್ ವಾಂಖೆಡೆ ಪತ್ನಿ ಬಗ್ಗೆ ನವಾಬ್ ಹೇಳಿಕೆ ನೀಡಿದ್ದು, ಸಮೀರ್ ವಾಂಖೆಡೆ ಅವರ ಫೋನ್ ಪರಿಶೀಲಿಸಿದರೆ ಎಲ್ಲವೂ ತಾನಾಗಿಯೇ ಗೊತ್ತಾಗುತ್ತದೆ ಎಂದಿದ್ದಾರೆ. ನವಾಬ್ ತನ್ನ ಮೊದಲ ಪತ್ನಿಯನ್ನು 15 ದಿನಗಳ ಕಾಲ ಬೆದರಿಸುತ್ತಿರುವ ಮಾಹಿತಿ ಇದೆ ಎಂದು ಆರೋಪಿಸಿದ್ದಾರೆ.

ಸಮೀರ್ ಪತ್ನಿ ಸಮರ್ಥನೆ

ಈ ಬಗ್ಗೆ ಸಮೀರ್ ಪತ್ನಿ ಟ್ವೀಟ್ ಮಾಡಿ ಸ್ಪಷ್ಟನೆ ನೀಡಿದ್ದಾರೆ. ಸಮೀರ್ ಪತ್ನಿ ಕ್ರಾಂತಿ ರೆಡ್ಕರ್ ವಾಂಖೆಡೆ, 'ನಾನು ಮತ್ತು ನನ್ನ ಪತಿ ಸಮೀರ್ ಇಬ್ಬರೂ ಹುಟ್ಟಿನಿಂದ ಹಿಂದೂಗಳು. ನಾವು ಎಂದಿಗೂ ಮತಾಂತರಗೊಂಡಿಲ್ಲ. ನಾವು ಎಲ್ಲಾ ಧರ್ಮಗಳನ್ನು ಗೌರವಿಸುತ್ತೇವೆ. ಸಮೀರ್ ಅವರ ತಂದೆಯೂ ಹಿಂದು ಆಗಿದ್ದು ಅವರು ನನ್ನ ಮುಸ್ಲಿಂ ಅತ್ತೆಯನ್ನು ಮದುವೆಯಾದರು. ಅವರು ಈಗ ಈ ಜಗತ್ತಿನಲ್ಲಿಲ್ಲ. ಸಮೀರ್ ಅವರ ಹಿಂದಿನ ವಿವಾಹವನ್ನು ವಿಶೇಷ ವಿವಾಹ ಕಾಯ್ದೆಯಡಿ ಮಾಡಲಾಗಿತ್ತು. ಅದಕ್ಕೆ ಸಮೀರ್ 2016 ರಲ್ಲಿ ವಿಚ್ಛೇದನ ಪಡೆದರು. ನಮ್ಮ ಮದುವೆಯನ್ನು 2017 ರಲ್ಲಿ ಹಿಂದೂ ವಿವಾಹ ಕಾಯ್ದೆಯಡಿ ನೋಂದಾಯಿಸಲಾಗಿದೆ' ಎಂದು ಬರೆದಿದ್ದಾರೆ.

ಕ್ರಾಂತಿ ಟ್ವೀಟ್ ಮಾಡುವ ಮೂಲಕ ಬೆಂಬಲ

ಕ್ರಾಂತಿ ಟ್ವೀಟ್ ಮಾಡುವ ಮೂಲಕ ಬೆಂಬಲ

ಇದಕ್ಕೂ ಮುನ್ನ ಸಮೀರ್ ವಾಂಖೆಡೆ ಅವರ ಪತ್ನಿ ಕ್ರಾಂತಿ ರೆಡ್ಕರ್ ವಾಂಖೆಡೆ ಟ್ವೀಟ್ ಮಾಡಿ, 'ನೀವು ಅಲೆಗಳ ಪ್ರವಾಹದ ಇನ್ನೊಂದು ಬದಿಯಲ್ಲಿ ಈಜಿದಾಗ ನೀವು ಮುಳುಗಬಹುದು. ಆದರೆ ದೇವರು ನಿಮ್ಮೊಂದಿಗಿದ್ದರೆ, ಯಾವುದೇ ಅಲೆಯು ನಿಮಗೆ ಹಾನಿ ಮಾಡುವಷ್ಟು ದೊಡ್ಡದಲ್ಲ. ಏಕೆಂದರೆ ಅವನಿಗೆ ಮಾತ್ರ ಸತ್ಯ ತಿಳಿದಿದೆ. ಶುಭೋದಯ. ಸತ್ಯಮೇವ ಜಯತೆ' ಎಂದು ಬರೆದಿರುವ ಕ್ರಾಂತಿಯ ಟ್ವೀಟ್ ಭಾರೀ ವೈರಲ್ ಆಗಿತ್ತು.

ನವಾಬ್ ಮಲಿಕ್ ಆರೋಪ

ನವಾಬ್ ಮಲಿಕ್ ಆರೋಪ

ಎನ್‌ಸಿಪಿ ನಾಯಕ ನವಾಬ್ ಮಲಿಕ್ ಕೂಡ ಸಮೀರ್ ವಾಂಖೆಡೆ ಮೇಲೆ ಸುಲಿಗೆ ಆರೋಪ ಮಾಡಿದವರಲ್ಲಿ ಒಬ್ಬರು. ದುಬೈನ ಚಿತ್ರಗಳನ್ನು ಹಂಚಿಕೊಳ್ಳುವ ಮೂಲಕ ಸಮೀರ್ ಅವರು ಬಾಲಿವುಡ್ ಖ್ಯಾತರಿಂದ ಹಣ ಸಂಗ್ರಹಿಸಲು ಮಾಲ್ಡೀವ್ಸ್ಸ ಗೆ ಹೋಗಿದ್ದಾರೆ ಎಂದು ಹೇಳಿಕೊಂಡಿದ್ದರು. ಇದಲ್ಲದೇ ಸಮೀರ್ ವಾಂಖೆಡೆ ಅವರ ವೈಯಕ್ತಿಕ ಜೀವನದ ಬಗ್ಗೆಯೂ ಅನೇಕ ಪ್ರಶ್ನೆಗಳನ್ನು ಎತ್ತಲಾಗಿದೆ. ನವಾಬ್ ಮಲಿಕ್ ಅವರು ಇತ್ತೀಚಿನ ಟ್ವೀಟ್‌ನಲ್ಲಿ ಸಮೀರ್ ಅವರ ಮೊದಲ ಮದುವೆಯ ಬಗ್ಗೆ ಪ್ರಸ್ತಾಪಿಸಿದ್ದಾರೆ. ಸಮೀರ್ ಅವರ ಮೊದಲ ಮದುವೆ ಮುಸ್ಲಿಂ ಹುಡುಗಿಯೊಂದಿಗೆ ಆಗಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಅವರ ಚಿತ್ರವನ್ನು ಸಹ ಪೋಸ್ಟ್ ಮಾಡಲಾಗಿದೆ. ಇದಲ್ಲದೆ ಅವರ ಜನ್ಮ ಪ್ರಮಾಣಪತ್ರದ ಚಿತ್ರವನ್ನು ಸಹ ಹಂಚಿಕೊಳ್ಳಲಾಗಿದೆ. ಅದರಲ್ಲಿ ಸಮೀರ್ ಹೆಸರು ಸಮೀರ್ ದಾವೂದ್ ವಾಂಖೆಡೆ ಎಂದಿದೆ. ಅಂದಹಾಗೆ ಸಮೀರ್ ಈ ಎಲ್ಲ ಆರೋಪಗಳ ಬಗ್ಗೆ ಸ್ಪಷ್ಟೀಕರಣ ನೀಡಿದ್ದಾರೆ. ಎಲ್ಲಾ ಆರೋಪಗಳನ್ನು ತಪ್ಪು ಎಂದು ಹೇಳಿದ್ದಾರೆ. ಇದರೊಂದಿಗೆ ಅವರು ತಮ್ಮ ಮೂಲ ಪ್ರಮಾಣಪತ್ರವನ್ನು ಸಹ ಹಂಚಿಕೊಂಡಿದ್ದಾರೆ.

ಪ್ರಭಾಕರ್ ಆರೋಪ

ಪ್ರಭಾಕರ್ ಆರೋಪ

ಸಮೀರ್ ವಾಂಖೆಡೆ ವಿರುದ್ಧ ಪ್ರಭಾಕರ್ ಸಾಯಿ ಗಂಭೀರ ಆರೋಪ ಮಾಡಿದ್ದಾರೆ. ಪ್ರಭಾಕರ ಸಾಯಿ ಅವರ ಮೊದಲ ಆರೋಪವೆಂದರೆ ಆತನಿಂದ ಖಾಲಿ ಕಾಗದದ ಮೇಲೆ ಸಹಿ ಮಾಡಿಸಿಕೊಳ್ಳಲಾಯಿತು. ಸುಳ್ಳು ಹೇಳಿ ಎನ್‌ಸಿಬಿ ಸಹಿ ಮಾಡಿಸಿಕೊಂಡಿದೆ ಎಂಬುದು ಎರಡನೇ ಆರೋಪ. 18 ಕೋಟಿ ಡೀಲ್ ನಡೆದಿದೆ ಎಂಬುದು ಮೂರನೇ ಆರೋಪ. ನಾಲ್ಕನೇ ಆರೋಪವೆಂದರೆ ಸಮೀರ್ ವಾಂಖೆಡೆ ಡೀಲ್ ನಲ್ಲಿ 8 ಕೋಟಿ ರೂ. ಹಣ ಸೇರುತ್ತದೆ ಎಂದು ಪ್ರಭಾಕರ್ ಗೆ ಗೋಸಾವಿ ಹೇಳಿರುವುದು. ಗೋಸಾಮಿಯ ಫೋಟೋವನ್ನು ಆರ್ಯನ್ ಖಾನ್ ಅವರೊಂದಿಗೆ ಬಹಿರಂಗಪಡಿಸಲಾಗಿದೆ. ಈಗ ಕಿರಣ್ ಗೋಸಾವಿ ತಲೆಮರೆಸಿಕೊಂಡಿದ್ದಾನೆ. ಆತನ ವಿರುದ್ಧ ವಂಚನೆ ಮತ್ತು ನಕಲಿ ಪ್ರಕರಣಗಳು ದಾಖಲಾಗಿವೆ. ಈ ಬಗ್ಗೆಯೂ ಸ್ಪಷ್ಟನೆ ನೀಡುವಾಗ ಸಮೀರ್ ಆರೋಪಗಳನ್ನು ತಳ್ಳಿ ಹಾಕಿದ್ದರು.

ಸಮೀರ್ ಪತ್ನಿ ನಟಿ

ಸಮೀರ್ ಪತ್ನಿ ನಟಿ

ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ)ಯ ವಲಯ ನಿರ್ದೇಶಕ ಸಮೀರ್ ವಾಂಖೆಡೆ ಅವರ ಪತ್ನಿ ಕ್ರಾಂತಿ ರೆಡ್ಕರ್ ಒಬ್ಬ ನಟಿ. ಕ್ರಾಂತಿ ರೆಡ್ಕರ್ ವಾಂಖೆಡೆ ಅವರ ಮೊದಲ ಚಿತ್ರ ಮರಾಠಿ ಚಿತ್ರ. ಅವರು 'ಸೂನ್ ಅಸಾವಿ ಆಶಿ'ಯಲ್ಲಿ ಚಿತ್ರದಲ್ಲಿ ಕೆಲಸ ಮಾಡಿದರು. ಇದರಲ್ಲಿ ಅಂಕುಶ್ ಚೌಧರಿ ಅವರೊಂದಿಗೆ ಕಾಣಿಸಿಕೊಂಡಿದ್ದರು. ಈ ಚಿತ್ರ 2000 ನೇ ಇಸವಿಯಲ್ಲಿ ಬಿಡುಗಡೆಯಾಯಿತು. ಇದಾದ ನಂತರ ಅವರು ಅಜಯ್ ದೇವಗನ್ ಅವರ 'ಗಂಗಾಜಲ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು.

English summary
His wife Kranti Redkar Wankhede has come in his support between the fingers rising on Sameer.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X