ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮಗಳಾದನು ಮಗ... ಜಗತ್ತೇನೇ ಹೇಳಲಿ, ತುಂಬಿದೆ ಅಮ್ಮನ ಕಣ್ಣಾಲಿ!

|
Google Oneindia Kannada News

ಕಣ್ಣೆದುರಲ್ಲೇ ಮಗನು ಮಗಳಾಗಿ ಬದಲಾಗುತ್ತಿರುವುದನ್ನು ಕಂಡ ಅಮ್ಮನ ಮನಸ್ಥಿತಿ ಹೇಗಿರಬೇಡ? ಸಮಾಜದ ವ್ಯಂಗ್ಯದ ಬಾಯಿಗೆ ತುತ್ತಾಗುವ ಭಯ. ಮಗನ ಭವಿಷ್ಯ ನೆನೆದರೆ ಆತಂಕಗೊಳ್ಳುವ ಮನ, ಕುಟುಂಬಸ್ಥರೆದುರು, ಸ್ನೇಹಿತರು, ಬಂಧುಗಳೆದುರು ತಲೆಯೆತ್ತಿ ನಡೆಯಲಾಗದ ಅಸಹಾಯಕತೆ...

ಆದರೆ ಮುಂಬೈ ಮಹಿಳೆಯೊಬ್ಬರು ಈ ಯಾವ ಭಾವವನ್ನೂ ಎದುರಿಸಲಿಲ್ಲ... ತಮ್ಮ ಮಗನಲ್ಲಿ ಹೆಣ್ತನದ ಭಾವನೆಗಳು ಮೊಳೆಯುತ್ತಿರುವುದು ಗೊತ್ತಾದಾಗಲೂ ಅದನ್ನು ಪ್ರಶ್ನಿಸಲಿಲ್ಲ. ಅವನು ಹೇಗಿದ್ದಾನೋ ಹಾಗೆಯೇ ಒಪ್ಪಿಕೊಂಡರು ಆ ಮಹಾತಾಯಿ! ಇವರ ಹೆಸರು ವೈಯಕ್ತಿಕ ವಿವರಗಳ ಬಗ್ಗೆ ಮಾಹಿತಿ ಲಭ್ಯವಿಲ್ಲ.

ಏನಿದು 377 ಸೆಕ್ಷನ್? ಎಂಥ ಸಂಭೋಗ ಅಪರಾಧವಾಗುತ್ತದೆ? ಏನಿದು 377 ಸೆಕ್ಷನ್? ಎಂಥ ಸಂಭೋಗ ಅಪರಾಧವಾಗುತ್ತದೆ?

Humans of Bombay ಎಂಬ ಫೇಸ್ ಬುಕ್ ಪುಟದಲ್ಲಿ ಈ ಮಹಾತಾಯಿಯ ಕುರಿತ ಬರಹವನ್ನು ಪೋಸ್ಟ್ ಮಾಡಲಾಗಿದ್ದು, ಆಕೆಯ ನಡೆಯನ್ನು ಸಾವಿರಾರು ಜನ ಶ್ಲಾಘಿಸಿದ್ದಾರೆ.

ಮಡಿಲಲ್ಲಿ ನಗುತ್ತಿದ್ದವು ಅವಳಿ ಮಕ್ಕಳು!

ಕೆಲವು ವರ್ಷಗಳ ಹಿಂದಿನ ಮಾತು. ಮುಂಬೈಯ ಮಹಿಳೆಯೊಬ್ಬರಿಗೆ ತಮಗೆ 'ಅವಳಿ ಜವಳಿ' ಮಕ್ಕಳಾಗಬೇಕೆಂಬ ಕನಸು. ಅವರ ಆಸೆಯೋ, ಹರಕೆಯೋ ಗೊತ್ತಿಲ್ಲ. ಗರ್ಭಿಣಿ ಎಂಬುದು ತಿಳಿದು ಆಸ್ಪತ್ರೆಗೆ ತೆರಳಿ ಸ್ಕ್ಯಾನ್ ಮಾಡಿಸಿದಾಗಲೇ ಗೊತ್ತಾಗಿದ್ದು, ತಮ್ಮ ಗರ್ಭದಲ್ಲಿ ಅವಳಿ ಜವಳಿ ಮಕ್ಕಳಿವೆ ಎಂಬುದು!

ಒಂದು ಕ್ಷಣ ಅಚ್ಚರಿ. ಒಂಬತ್ತು ತಿಂಗಳು ಹೇಗೆ ಕಳೆಯಿತೋ ಗೊತ್ತಿಲ್ಲ. ಅಮ್ಮನ ಮಡಿಲಲ್ಲಿ ಇಬ್ಬರು ಮಕ್ಕಳು, ಒಂದು ಗಂಡು, ಒಂದು ಹೆಣ್ಣು. ಅಚ್ಚರಿ ಎಂದರೆ ಇಬ್ಬರ ವರ್ತನೆಯಲ್ಲೂ ಅಜಗಜಾಂತರ. ಹೆಣ್ಣು ಮಗುವಿಗೆ ಆಟ, ಓಡಾಟ ಇಷ್ಟ. ಗಂಡು ಮಗವಿಗೆ ಮನೆಯಲ್ಲೇ ಇರುವುದು, ನೃತ್ಯ ಎಂದರೆ ಇಷ್ಟ.

ಮಗನಲ್ಲಿ ಮೊಳಕೆಯೊಡೆಯುತ್ತಿತ್ತು ಹೆಣ್ತನದ ಭಾವ

ಮಗನಲ್ಲಿ ಮೊಳಕೆಯೊಡೆಯುತ್ತಿತ್ತು ಹೆಣ್ತನದ ಭಾವ

ಇಂಥ ವ್ಯತಿರಿಕ್ತ ಮನಸ್ಥಿತಿಯ ಈ ಮಕ್ಕಳಲ್ಲಿ ಹೆಣ್ಣು ಮಗು ಸಹಜವಾಗಿಯೇ ಇದ್ದದೂ, ಗಂಡು ಮಗುವಿನಲ್ಲಿ ಸಾಕಷ್ಟು ಬದಲಾವಣೆಯಾಗುತ್ತಿತ್ತು. ದೇಹ ಗಂಡಾಗಿದ್ದರೂ, ಅದರೊಳಗೆ ಹೆಣ್ತನ ಹುಟ್ಟಿಕೊಂಡಿತ್ತು.

ತಾಯಿ ಬ್ಯೂಟಿ ಪಾರ್ಲರ್ ನಲ್ಲಿ ಕೆಲಸ ಮಾಡುವವರು. ಅವರು ಮಗನನ್ನು ಪಾರ್ಲರ್ ಗೆ ಕರೆದುಕೊಂಡು ಹೋಗುತ್ತಿದ್ದರು. ಅಲ್ಲಿ ತಾಯಿ ಮಾಡುವ ಕೆಲಸವನ್ನೆಲ್ಲ ನೋಡುತ್ತಿದ್ದ ಹುಡುಗ ಅದನ್ನೇ ಅನುಕರಿಸುವುದಕ್ಕೆ ಆರಂಭಿಸಿದ. ಹೆಣ್ಣಾಗಿ ಇರುವುದೇ ಆತನಿಗೆ ಹೆಚ್ಚು ಇಷ್ಟವಾಗುತ್ತಿತ್ತು.

ನಾಲ್ಕು ಗೋಡೆ ನಡುವೆ ನಡೆವ ಆ ಕ್ರಿಯೆ ಅಪರಾಧವಲ್ಲ: RJ ಪ್ರಿಯಾಂಕಾ ಸಂದರ್ಶನನಾಲ್ಕು ಗೋಡೆ ನಡುವೆ ನಡೆವ ಆ ಕ್ರಿಯೆ ಅಪರಾಧವಲ್ಲ: RJ ಪ್ರಿಯಾಂಕಾ ಸಂದರ್ಶನ

ನಿಟ್ಟುಸಿರು ಮೂಡಿಸಿದ ಸುಪ್ರೀಂ ಕೋರ್ಟ್ ತೀರ್ಪು

ನಿಟ್ಟುಸಿರು ಮೂಡಿಸಿದ ಸುಪ್ರೀಂ ಕೋರ್ಟ್ ತೀರ್ಪು

ಮಗನಲ್ಲಿ ಬದಲಾವಣೆಯಾಗುವುದನ್ನು ಕಂಡ ತಂದೆಗೆ ಆತಂಕವಾಗಿತ್ತು. ಆದರೆ ತಾಯಿ ಮಾತ್ರ ಯಾವ ಆತಂಕವನ್ನೂ ಮಾಡಿಕೊಳ್ಳದೆ ಆತನ ಭಾವನೆಗಳಿಗೆ ಬೆಲೆ ನೀಡಿದರು. ಮೊನ್ನೆ ಮೊನ್ನೆ ಸುಪ್ರೀಂ ಕೋರ್ಟ್ ಐಪಿಸಿ ಸೆಕ್ಷನ್ 377 ಅನ್ನು ರದ್ದುಗಳಿಸುವಂತೆ ಕೋರಲಾಗಿದ್ದ ಅರಿ ವಿಚಾರಣೆ ನಡೆಸಿದ ಸಂದರ್ಭದಲ್ಲಿ ಮಹತ್ವದ ತೀರ್ಪೊಂದನ್ನು ನೀಡಿತ್ತು. ಸಹಮತದ ಸಲಿಂಗಕಾಮ ಅಪರಾಧವಲ್ಲ ಎಂಬುದು ಈ ತೀರ್ಪು.

ತುಂಬಿದೆ ಅಮ್ಮನ ಕಣ್ಣಾಲಿ

ತುಂಬಿದೆ ಅಮ್ಮನ ಕಣ್ಣಾಲಿ

ಈ ಐತಿಹಾಸಿಕ ತೀರ್ಪು ಹೊರಬರುತ್ತಿದ್ದಂತೆಯೇ ನಿಟ್ಟುಸಿರಿಟ್ಟ ಸಾವಿರಾರು ಜನರಲ್ಲಿ ಈ ಮಹತಾಯಿಯೂ ಒಬ್ಬರು. ಇಂದು ಅವರ ತಂದೆಯೂ ಮಗನನ್ನು ಒಪ್ಪಿಕೊಳ್ಳುತ್ತೆ ಎಂಬ ವಿಶ್ವಾಸ ತಾಯಿ-ಮಗನ(ಳ)ದ್ದು!

ಈ ಜಗತ್ತು ಮಗನ ಬಗ್ಗೆ ಏನೇ ಹೇಳಲಿ... ಅಮ್ಮನ ಕಣ್ಣಾಲಿಗಳು ಮಾತ್ರ ತುಂಬಿವೆ.. ದುಃಖಕ್ಕಲ್ಲ. ಮಗನ ಇಷ್ಟಕ್ಕೆ, ಸ್ವಾತಂತ್ರ್ಯಕ್ಕೆ ತಾನು ಧಕ್ಕೆಯಾಗಲಿಲ್ಲ ಎಂಬ ಖುಷಿಗೆ, ಸಲಿಂಗ ಕಾಮ ಅಪರಾಧವಲ್ಲ ಎಂದ ಸರ್ವೋಚ್ಚ ನ್ಯಾಯಾಲಯದ ಐತಿಹಾಸಿಕ ತೀರ್ಪಿಗೆ!

ಎಲ್ ಜಿಬಿಟಿ ಅಂದರೇನು, ಕಾಮನಬಿಲ್ಲಿನ ಬಾವುಟ ಏಕೆ?ಎಲ್ ಜಿಬಿಟಿ ಅಂದರೇನು, ಕಾಮನಬಿಲ್ಲಿನ ಬಾವುಟ ಏಕೆ?

English summary
Here is a human interest story of a mother who accepts her gay son. She expresses her happiness after supreme court's verdict on IPC section 377.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X