• search
  • Live TV
ಮುಂಬೈ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಟೀಚರ್ ಅನ್ನು ಕೊಂದು, ಮಾಲಿಗೆ ಹೋಗಿ ಗೇಮ್ ಆಡಿದ 12 ರ ಬಾಲಕ!

|

ಮುಂಬೈ, ಸೆಪ್ಟೆಂಬರ್ 19: ಹಣದಾಸೆಗೆ ತನ್ನ ಶಿಕ್ಷಕಿಯನ್ನೇ 12 ವರ್ಷದ ಬಾಲಕನೊಬ್ಬ ಕೊಂದ ಘಟನೆ ಮುಂಬೈಯಲ್ಲಿ ನಡೆದಿದೆ. ಶಿಕ್ಷಕಿಯನ್ನು ಕೊಲ್ಲುವಂತೆ ಹಿರಿಯ ವಿದ್ಯಾರ್ಥಿಗಳು ನೀಡಿದ 1000 ರೂಪಾಯಿಯನ್ನು ಪಡೆದು, ಆಕೆಯನ್ನು ಆಕೆಯ ಮನೆಯಲ್ಲೇ ಬಾಲಕ ಇರಿದು ಕೊಂದಿದ್ದಾನೆ.

ನಂತರ ಮಾಲ್ ವೊಂದಕ್ಕೆ ತೆರಳಿ ಬರ್ಗರ್ ಇತ್ಯಾದಿ ತಿಂಡಿ ತಿಂದು, ವಿಡಿಯೋ ಗೇಮ್ ಆಡಿದ್ದು ಸಿಸಿಟಿವಿ ಕ್ಯಾಮರಾದಲ್ಲಿ ಪತ್ತೆಯಾಗಿದೆ!

ಸಂಪಾದಿಸದ ಗಂಡ; ಸಿಟ್ಟಿನಿಂದ ಮಗುವನ್ನೇ ಕೊಂದ ತಾಯಿ

ತನ್ನ ಟ್ಯೂಶನ್ ಟೀಚರ್ ಮತ್ತು ಶಾಲೆಯ ಪ್ರಿನ್ಸಿಪಲ್ ಆಗಿದ್ದ ಮಹಿಳೆಯನ್ನು ಸೋಮವಾರ ಹತ್ಯೆ ಮಾಡಲಾಗಿದ್ದು, 12 ವರ್ಷದ ಬಾಲಕನ್ನು ಪೊಲೀಸರು ಬಂಧಿಸಿದ್ದಾರೆ.

ಸಾತ್ಕೋಳಿಯಲ್ಲಿ ತಡರಾತ್ರಿ ಮಚ್ಚಿನಿಂದ ಕೊಚ್ಚಿ ದಂಪತಿ ಬರ್ಬರ ಹತ್ಯೆ

"ಮನೆಯಲ್ಲಿ ಕಷ್ಟ ಇದ್ದಿದ್ದರಿಂದ ಟೀಚರ್ ಬಳಿ 2000 ರೂಪಾಯಿಗಳನ್ನು ತೆಗೆದುಕೊಂಡು ಬರಲು ಅಮ್ಮ ಹೇಳಿದ್ದರು. ಹಣ ಕೇಳಲು ಅವರ ಮನೆಗೆ ತೆರಳಿದ್ದಾಗ ಟೀಚರ್ ನನ್ನನ್ನು ತೀವ್ರವಾಗಿ ಅವಮಾನ ಮಾಡಿದರು. ಇದರಿಂದ ಕೋಪಗೊಂಡು ಅವರನ್ನು ಕೊಂದೆ" ಎಂದು ಆರೋಪಿ ಅಪ್ರಾಪ್ತ ಬಾಲಕ ಒಪ್ಪಿಕೊಂಡಿದ್ದಾನೆ.

ಆದರೆ ನಂತರ ಈ ಕತೆಗೆ ಹೊಸ ತಿರುವು ಸಿಕ್ಕಿದೆ.

ಟೀಚರ್ ಬಳಿ ಹಣ ಪಡೆದು ಬರುವಂತೆ ನಾವು ಆತನಲ್ಲಿ ಹೇಳಿಯೇ ಇರಲಿಲ್ಲ ಎಂದು ಬಾಲಕನ ತಂದೆ ಹೇಳಿದಾಗ ಬಾಲಕ ಎಲ್ಲೋ ನಮ್ಮ ಹಾದಿ ತಪ್ಪಿಸುತ್ತಿದ್ದಾನೆ ಎಂಬ ಅನುಮಾನ ಪೊಲೀಸರಿಗೆ ಆರಂಭವಾಗಿತ್ತು.

ಬೆಂಗಳೂರು : ಮಾಡೆಲ್ ಹತ್ಯೆ ಮಾಡಿದ ಡ್ರೈವರ್ ಉಂಗುರದಿಂದ ಸಿಕ್ಕಿ ಬಿದ್ದ

ನಂತರ ಬಾಲಕನನ್ನು ಹೆದರಿಸಿ, ವಿಚಾರಿಸಿದಾಗ ಟೀಚರ್ ಅನ್ನು ಕೊಲ್ಲಲು ಹಿರಿಯ ವಿದ್ಯಾರ್ಥಿಯೊಬ್ಬ 1000 ರೂಪಾಯಿ ನೀಡಿದ್ದು, ಕೆಲಸವಾದ ನಂತರ 5000 ರೂ. ನೀಡುವುದಾಗಿ ಹೇಳಿದ್ದ. ಆದ್ದರಿಂದ ನಾನು ಟೀಚರ್ ಅನ್ನು ಚಾಕುವಿನಿಂದ ಇರಿದು ಕೊಂದು, ನಂತರ ಮಾಲ್ ಗೆ ಹೋಗಿ ಬರ್ಗರ್ ತಿಂದು, ವಿಡಿಯೋ ಗೇಮ್ ಆಡಿ 1000 ರೂಪಾಯಿ ಖರ್ಚು ಮಾಡಿದೆ. ನನ್ನೊಂದಿಗೆ ಇನ್ನಿಬ್ಬರು ಗೆಳೆಯರೂ ಮಾಲ್ ಗೆ ಬಂದಿದ್ದರು ಎಂದು ಬಾಲಕ ಹೇಳಿದ್ದಾನೆ. ಈ ಹೇಳಿಕೆಯನ್ನು ಆಧರಿಸಿ ಆ ಇಬ್ಬರು ಬಾಲಕರನ್ನೂ ಪೊಲೀಸರು ವಿಚಾರಣೆ ನಡೆಸಿ, ಹೇಳಿಕೆ ಪಡೆದಿದ್ದಾರೆ.

ಆದರೆ ಟೀಚರ್ ಅನ್ನು ಕೊಲ್ಲುವಂತೆ ಹುಡುಗನಿಗೆ 'ಸುಪಾರಿ' ಕೊಟ್ಟಿದ್ದು ಯಾರು ಎಂಬುದು ಮಾತ್ರ ತಿಳಿದುಬಂದಿಲ್ಲ. ಬಾಲಕ ನೀಡಿದ ವಿವರಣೆಯ ಮೇರೆಗೆ ಪೊಲಿಸರು ಆತನ ಹುಡುಕಾಟ ನಡೆಸುತ್ತಿದ್ದಾರೆ.

ಘಟನೆಯ ನಂತರ ಆಘಾತಗೊಂಡಿರುವ ಬಾಲಕನ ತಾಯಿ ಆಸ್ಪತ್ರೆಗೆ ದಾಖಲಾಗಿದ್ದು, ಅವರು ಹೇಳಿಕೆ ನೀಡುವ ಸ್ಥಿತಿಯಲ್ಲಿಲ್ಲ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Mumbai: 12 Year Old Spent Rs 1000 In A Mall He Paid To Kill teacher!,
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more