ಮಹಾರಾಷ್ಟ್ರದಲ್ಲಿ 5,218 ಹೊಸ ಕೊರೊನಾ ಕೇಸ್: ಮುಂಬೈನ ಲೆಕ್ಕಾಚಾರ ಗಗನಕ್ಕೆ
ಮಹಾರಾಷ್ಟ್ರದಲ್ಲಿ ಗುರುವಾರ 5,218 ಹೊಸ ಕೋವಿಡ್ -19 ಪ್ರಕರಣಗಳನ್ನು ವರದಿಯಾಗಿವೆ. ಇದು ರಾಜ್ಯ 3,260 ಸೋಂಕುಗಳನ್ನು ವರದಿ ಮಾಡಿದ ಹಿಂದಿನ ದಿನಕ್ಕಿಂತ ಸುಮಾರು 60 ಪ್ರತಿಶತದಷ್ಟು ಹೆಚ್ಚಾಗಿದೆ. ಮುಂಬೈ ಕೂಡ ಹೊಸ ಸೋಂಕುಗಳಲ್ಲಿ 50% ರಷ್ಟು ಹೆಚ್ಚಳವನ್ನು ದಾಖಲಿಸಿದೆ. ಏಕೆಂದರೆ ಗುರುವಾರ ಮಹಾನಗರದಲ್ಲಿ 2,479 ಹೊಸ ಪ್ರಕರಣಗಳು ದಾಖಲಾಗಿವೆ. ಬುಧವಾರ 1,648 ಪ್ರಕರಣಗಳನ್ನು ದಾಖಲಿಸಿದೆ.
ಸಕ್ರಿಯ ಪ್ರಕರಣಗಳ ಸಂಖ್ಯೆ ಮುಂಬೈನಲ್ಲಿ 13,614 ಸೇರಿದಂತೆ 24,867 ಕ್ಕೆ ಏರಿಕೆಯಾಗಿದೆ. ನಂತರ ನೆರೆಯ ಥಾಣೆಯಲ್ಲಿ 5,488 ಪ್ರಕರಣಗಳು ಮತ್ತು ಪುಣೆ ಜಿಲ್ಲೆಗಳಲ್ಲಿ 2,443 ಪ್ರಕರಣಗಳು ದಾಖಲಾಗಿವೆ. ಚೇತರಿಸಿಕೊಂಡ ರೋಗಿಗಳ ಸಂಖ್ಯೆ 77,77,480 ಕ್ಕೆ ಏರಿಕೆಯಾಗಿದ್ದು, ಬುಧವಾರ ಸಂಜೆಯಿಂದ 4,989 ರೋಗಿಗಳು ಮನೆಯಲ್ಲಿ ಅಥವಾ ಆಸ್ಪತ್ರೆಯಲ್ಲಿ ಚೇತರಿಸಿಕೊಂಡಿದ್ದಾರೆ.
ಮಹಾರಾಷ್ಟ್ರದ ಚೇತರಿಕೆಯ ಪ್ರಮಾಣವು 97.83 ಪ್ರತಿಶತ ಮತ್ತು ಪ್ರಕರಣಗಳ ಸಾವಿನ ಪ್ರಮಾಣವು 1.86 ಶೇಕಡಾ ಆಗಿದೆ. ಇನ್ನೂ ಪುಣೆ ವೃತ್ತದಲ್ಲಿ 665, ನಾಗ್ಪುರ ವೃತ್ತದಲ್ಲಿ 135, ಕೊಲ್ಹಾಪುರ ವೃತ್ತದಲ್ಲಿ 72, ಅಕೋಲಾ ವೃತ್ತದಲ್ಲಿ 63, ನಾಸಿಕ್ 62, ಲಾತೂರ್ 31 ಮತ್ತು ಔರಂಗಾಬಾದ್ ವೃತ್ತದಲ್ಲಿ 24 ಪ್ರಕರಣಗಳು ವರದಿಯಾಗಿವೆ. ಮುಂಬೈನಲ್ಲಿ ಒಂದು ಸಾವು ವರದಿಯಾಗಿದೆ.
24 ಗಂಟೆಗಳಲ್ಲಿ 55,990 ಹೊಸ ಕೊರೋನವೈರಸ್ ಪರೀಕ್ಷೆಗಳನ್ನು ನಡೆಸಲಾಗಿದ್ದು, ಮಹಾರಾಷ್ಟ್ರದಲ್ಲಿ ಇದುವರೆಗೆ ಪರೀಕ್ಷಿಸಲಾದ ಮಾದರಿಗಳ ಸಂಖ್ಯೆ 8,17,47,761 ಕ್ಕೆ ಏರಿದೆ. ಮಹಾರಾಷ್ಟ್ರದ ಸಕಾರಾತ್ಮಕತೆಯ ದರ (ಪ್ರತಿ 100 ಪರೀಕ್ಷೆಗಳಲ್ಲಿ ಕಂಡುಬಂದ ಪ್ರಕರಣಗಳು) 9.31 ಶೇಕಡಾ ಇದೆ.
ಮಹಾರಾಷ್ಟ್ರದ ಕೊರೊನಾವೈರಸ್ ಅಂಕಿಅಂಶಗಳು:
ಮಹಾರಾಷ್ಟ್ರದಲ್ಲಿ ಈವರೆಗೆ ದಾಖಲಾದ ಒಟ್ಟು ಪ್ರಕರಣಗಳು 79,50,240; ಹೊಸ ಪ್ರಕರಣಗಳು 5,218; ಸಾವಿನ ಸಂಖ್ಯೆ 1,47,893; ಒಟ್ಟು ಚೇತರಿಕೆ 77,77,480; ಸಕ್ರಿಯ ಪ್ರಕರಣಗಳು 24,867; ಒಟ್ಟು 8,17,47,761 ಪರೀಕ್ಷೆಗಳನ್ನು ಮಾಡಲಾಗಿದೆ. ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 13,313 ಹೊಸ ಕೊರೋನವೈರಸ್ ಪ್ರಕರಣಗಳು ದಾಖಲಾಗಿದ್ದು, ಸೋಂಕಿನಿಂದ 38 ಸಾವುಗಳು ಸಂಭವಿಸಿವೆ.
Recommended Video