ಪೈಲಟ್ಗಳ ಕೊರತೆ ಶುಕ್ರವಾರವೂ 130 ಇಂಡಿಗೋ ವಿಮಾನ ಹಾರಾಟ ರದ್ದು
ಮುಂಬೈ, ಫೆಬ್ರವರಿ 15: ಇಂಡಿಗೋ ಏರ್ಲೈನ್ಸ್ ಪೈಲಟ್ಗಳ ಕೊರತೆಯಿಂದಾಗಿ ಶುಕ್ರವಾರ 130 ವಿಮಾನಗಳ ಹಾರಾಟವನ್ನು ರದ್ದುಪಡಿಸಿದೆ.
ದೇಶಾದ್ಯಂತ 30 ಇಂಡಿಗೋ ವಿಮಾನ ಕಾರ್ಯಾಚರಣೆ ರದ್ದು
ಇಂಡಿಗೋ ವಕ್ತಾರ ಹಾಗೂ ಮುಖ್ಯ ನಿರ್ವಹಣಾಧಿಕಾರಿ ವೂಲ್ಫ್ಗಾಂಗ್ ಪ್ರೋಕ್ ಶೌರ್ ಅವರಿಗೆ ಕಳುಹಿಸಿದ ಇ-ಮೇಲ್ಗೆ ಯಾವುದೇ ಉತ್ತರ ಬಂದಿಲ್ಲ.ಗುರುಗ್ರಾಮ್ ಮೂಲದ ಬಜೆಟ್ ಏರ್ಲೈನ್ಸ್ 210 ವಿಮಾನಗಳನ್ನು ಹೊಂದಿದ್ದು, ಪ್ರತಿದಿನ 1,300 ಹಾರಾಟಗಳನ್ನು ನಿರ್ವಹಿಸುತ್ತಿದೆ.
ಬೆಂಗಳೂರಿನ ಎಚ್ಎಎಲ್ ಬಳಿ ಮಿರಾಜ್ ಯುದ್ಧ ವಿಮಾನ ಪತನ, ಪೈಲಟ್ ಸಾವು
ಹಾಗಿದ್ದರೂ, ನಿಗದಿತ ರದ್ದತಿ ಹೊರತುಪಡಿಸಿ ಯಾವುದೇ ಹೆಚ್ಚುವರಿ ವಿಮಾನಗಳ ಹಾರಾಟ ರದ್ದುಪಡಿಸಿಲ್ಲ ಎಂದು ಇಂಡಿಗೋ ವಕ್ತಾರ ಸ್ಪಷ್ಟಪಡಿಸಿದ್ದಾರೆ.ಏರ್ಲೈನ್ಸ್ನ ಒಟ್ಟಾರೆ ವಿಮಾನಗಳ ಹಾರಾಟದಲ್ಲಿ ಶೇ 10ರಷ್ಟು ಹಾರಾಟ ರದ್ದಾಗಿವೆ ಎಂದು ಮೂಲಗಳು ತಿಳಿಸಿವೆ.
ಮಾರ್ಚ್ 31ರೊಳಗೆ ಇಂಡಿಗೋ ವಿಮಾನಗಳ ಹಾರಾಟ ಸಹಜ ಸ್ಥಿತಿಗೆ ಬರಲಿದೆ ಎಂದು ಮೂಲಗಳು ತಿಳಿಸಿವೆ. ಗುರುವಾರವೂ 70 ವಿಮಾನಗಳ ಹಾರಾಟ ರದ್ದಾಗಿತ್ತು.ನಿಗದಿತ ರದ್ದತಿ ಹಾಗೂ ಬೆಂಗಳೂರಿನಲ್ಲಿ ಏರ್ಶೋ ಕಾರಣಕ್ಕೆ ವಿಮಾನ ನಿಲ್ದಾಣದಲ್ಲಿ ಸ್ಥಳಾವಕಾಶ ಇರದ ನೆಪವೊಡ್ಡಿ ಈ ವಿಮಾನಗಳ ಹಾರಾಟ ರದ್ದಾಗಿದ್ದವು.