ಯೆಸ್ ಬ್ಯಾಂಕ್; ರಾಣಾ ಕಪೂರ್‌ ಮಾ.11ರ ತನಕ ಇಡಿ ಕಸ್ಟಡಿಗೆ

ಮುಂಬೈ, ಮಾರ್ಚ್ 08 : ಯೆಸ್ ಬ್ಯಾಂಕ್ ಸಂಸ್ಥಾಪಕ ರಾಣಾ ಕಪೂರ್‌ರನ್ನು ಮಾರ್ಚ್ 11ರ ತನಕ ಜಾರಿ ನಿರ್ದೇಶನಾಲಯದ ವಶಕ್ಕೆ ನೀಡಿ ನ್ಯಾಯಾಲಯ ಆದೇಶ ಹೊರಡಿಸಿದೆ. ಭಾನುವಾರ ಬೆಳಗ್ಗೆ ಇಡಿ ರಾಣಾ ಕಪೂರ್ ಬಂಧಿಸಿತ್ತು.

ಮುಂಬೈನ ರಜಾಕಾಲದ ವಿಶೇಷ ನ್ಯಾಯಾಲಯದ ಮುಂದೆ ರಾಣಾ ಕಪೂರ್‌ರನ್ನು ಇಡಿ ಅಧಿಕಾರಿಗಳು ಭಾನುವಾರ ಹಾಜರುಪಡಿಸಿದ್ದರು. 62 ವರ್ಷದ ರಾಣಾ ಕಪೂರ್‌ರನ್ನು ನ್ಯಾಯಾಲಯ ಮಾರ್ಚ್ 11ರ ತನಕ ಇಡಿ ವಶಕ್ಕೆ ನೀಡಿತ್ತು.

ಅಕ್ರಮ ಹಣ ವರ್ಗಾವಣೆ ಪ್ರಕರಣದ ಆರೋಪದ ಮೇಲೆ ಯೆಸ್ ಬ್ಯಾಂಕ್ ಸಂಸ್ಥಾಪಕ ರಾಣಾ ಕಪೂರ್‌ ಬಂಧಿಸಲಾಗಿದೆ. ನಿರಂತರವಾಗಿ ಇಡಿ ಅವರ ವಿಚಾರಣೆ ನಡೆಸಿತ್ತು. ಬಳಿಕ ವಿಚಾರಣೆಗೆ ಸಹಕರಿಸುತ್ತಿಲ್ಲ ಎಂದು ಭಾನುವಾರ ಮುಂಜಾನೆ 3ಗಂಟೆಗೆ ರಾಣಾ ಕಪೂರ್ ಬಂಧಿಸಲಾಗಿತ್ತು.

ಜಾರಿ ನಿರ್ದೇಶನಾಲಯ ರಾಣಾ ಕಪೂರ್ ವಿರುದ್ಧ ಕಾಳಧನ ಸಕ್ರಮ ತಡೆ ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲು ಮಾಡಿಕೊಂಡಿದೆ. ಡಿಎಚ್‌ಎಫ್‌ಎಲ್‌ ಜೊತೆಗಿನ ಯೆಸ್ ಬ್ಯಾಂಕ್ ವ್ಯವಹಾರದ ಕುರಿತು ಇಡಿ ಮಾಹಿತಿ ಸಂಗ್ರಹ ಮಾಡಲಿದೆ.

ಜಾರಿ ನಿರ್ದೇಶನಾಲಯ ರಾಣಾ ಕಪೂರ್ ವಿರುದ್ಧ ಕಾಳಧನ ಸಕ್ರಮ ತಡೆ ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲು ಮಾಡಿಕೊಂಡಿದೆ. ಡಿಎಚ್‌ಎಫ್‌ಎಲ್‌ ಜೊತೆಗಿನ ಯೆಸ್ ಬ್ಯಾಂಕ್ ವ್ಯವಹಾರದ ಕುರಿತು ಇಡಿ ಮಾಹಿತಿ ಸಂಗ್ರಹ ಮಾಡಲಿದೆ.

ಏಪ್ರಿಲ್ 30ರ ತನಕ ಯೆಸ್ ಬ್ಯಾಂಕ್ ಗ್ರಾಹಕರು 50 ಸಾವಿರಕ್ಕಿಂತ ಹೆಚ್ಚು ಹಣವನ್ನು ವಿತ್ ಡ್ರಾ ಮಾಡುವಂತಿಲ್ಲ ಎಂದು ಆರ್‌ಬಿಐ ಷರತ್ತು ಹಾಕಿದೆ. ಇದರಿಂದಾಗಿ ಬ್ಯಾಂಕಿನಲ್ಲಿ ಠೇವಣಿ ಇಟ್ಟ ಗ್ರಾಹಕರು ಆತಂಕಗೊಂಡಿದ್ದಾರೆ.

English summary

Mumbai special holiday court on Sunday sent YES Bank founder Rana Kapoor to Enforcement Directorate (ED) custody till March 11, 2020.