ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಡೆಬಿಟ್ ಕಾರ್ಡ್ ವಂಚನೆ: ಉಗ್ರರ ದಾಳಿಯ ಮತ್ತೊಂದು ರೂಪ?
ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಭಾರತ ನಡೆಸಿದ ಸರ್ಜಿಕಲ್ ದಾಳಿಗೆ ಪ್ರತಿಕಾರವಾಗಿ ಪಾಕಿಸ್ತಾನದ ಉಗ್ರರು ಸೈಬರ್ ವಾರ್ ನಡೆಸುವ ಮೂಲಕ ಭಾರತೀಯ ಬ್ಯಾಂಕ್ ಗಳಿಗೆ ಆತಂಕ ಮೂಡಿಸುವ ಸಾಧ್ಯತೆಯಿದೆ
ಮುಂಬೈ, ಅಕ್ಟೋಬರ್ 23: ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಭಾರತ ನಡೆಸಿದ ಸರ್ಜಿಕಲ್ ದಾಳಿಗೆ ಪ್ರತಿಕಾರವಾಗಿ ಪಾಕಿಸ್ತಾನದ ಉಗ್ರರು ಸೈಬರ್ ವಾರ್ ನಡೆಸುವ ಮೂಲಕ ಭಾರತೀಯ ಬ್ಯಾಂಕ್ ಗಳಿಗೆ ಆತಂಕ ಮೂಡಿಸುವ ಸಾಧ್ಯತೆಯಿದೆ ಎಂದು ಸಿಇಆರ್ಟಿ-ಇನ್ ಹಾಗೂ ಮುಂಬೈ ಕ್ರೈಂ ವಿಭಾಗದ ಪೊಲೀಸರು ಮುನ್ನೆಚ್ಚರಿಕೆ ನೀಡಿದ್ದಾರೆ.
ಇತ್ತೀಚೆಗೆ ನಡೆದ ಕಾರ್ಡ್ ಮಾಹಿತಿ ಕಳವು ಪ್ರಕರಣ ನಡೆಸಿರುವ ಮುಂಬೈ ಪೊಲೀಸರು, ಭಾರಿ ಪ್ರಮಾಣದಲ್ಲಿ ಮಾಲ್ವೇರ್ಗಳನ್ನು ಬ್ಯಾಂಕ್ ಜಾಲಕ್ಕೆ ಹರಿಬಿಡುವ ಪ್ರಯತ್ನ ನಡೆಸಲಾಗುತ್ತಿದೆ ಎಂದಿದ್ದಾರೆ.
ಈ ಸಂಬಂಧ ಎಲ್ಲ ಬ್ಯಾಂಕ್ಗಳಿಗೂ ಅಕ್ಟೋಬರ್ 7ರಂದೇ ಇಮೇಲ್ ಮೂಲಕ ಮಾಹಿತಿ ನೀಡಲಾಗಿದ್ದು, ಇದರಿಂದ ಮಹತ್ವದ ಮಾಹಿತಿ ಮತ್ತು ದತ್ತಾಂಶಗಳು ಉಗ್ರರ ಪಾಲಾಗುವ ಅಪಾಯವಿದೆ ಎಂದು ಸಿಇಆರ್ಟಿ-ಇನ್ ವರದಿಯನ್ನು ಉಲ್ಲೇಖಿಸಿ ಎಚ್ಚರಿಸಿದ್ದಾರೆ.
ಟ್ರೋಜನ್ ವೈರಸ್ಗಳನ್ನು ಹರಿಬಿಡುವ ಪ್ರಯತ್ನಗಳು ಜೂನ್ ಅಥವಾ ಜುಲೈನಲ್ಲಿ ನಡೆದಿದೆ ಎನ್ನಲಾಗಿದ್ದು, 32 ಲಕ್ಷ ಕಾರ್ಡ್ ಮಾಹಿತಿ ಕಳವು ಆಗಿದೆ ಎಂಬ ವರದಿ ಬಂದಿದೆ. ಆದರೆ, ಈ ಸಂಖ್ಯೆ 65 ಲಕ್ಷಕ್ಕೂ ಅಧಿಕವಾಗಿರಬಹುದು ಎಂದು ಸಿಇಆರ್ಟಿ-ಇನ್ ಹೇಳಿದೆ. ಪಾಕಿಸ್ತಾನದ ಹ್ಯಾಕರ್ಗಳು ಭಾರತದ 7 ಸಾವಿರ ವೆಬ್ಸೈಟ್ಗಳ ಮೇಲೆ ದಾಳಿ ನಡೆಸಿದ್ದನ್ನು ಇಲ್ಲಿ ಸ್ಮರಿಸಬಹುದು.(ಏಜೆನ್ಸೀಸ್)
Comments
debit card cyber crime mumbai technology terrorism india pakistan ಡೆಬಿಟ್ ಕಾರ್ಡ್ ಸೈಬರ್ ಕ್ರೈಂ ಮುಂಬೈ ತಂತ್ರಜ್ಞಾನ ಭಯೋತ್ಪಾದನೆ ಭಾರತ ಪಾಕಿಸ್ತಾನ
English summary
Mumbai Police (crime branch) cyber cell, ministry of finance and the government’s cybersecurity arm Computer Emergency Response Team-India (CERT-In) are investigating the data breach.
Story first published: Sunday, October 23, 2016, 9:23 [IST]