ಮಹಾರಾಷ್ಟ್ರದಲ್ಲಿ ಕ್ವಾರೆಂಟೈನ್ ಕೇಂದ್ರಕ್ಕೆ ನವಜೋಡಿಯ ವಿಶೇಷ ಉಡುಗೊರೆ
ಮುಂಬೈ, ಜೂನ್.24: ನೊವೆಲ್ ಕೊರೊನಾವೈರಸ್ ಭೀತಿಗೆ ಭಾರತಕ್ಕೆ ಭಾರತವೇ ಸಿಕ್ಕು ನಲುಗಿದೆ. ದಿನಂಪ್ರತಿ ಸಾವಿರ ಸಾವಿರ ಜನರಿಗೆ ಸೋಂಕು ಅಂಟಿಕೊಳ್ಳುತ್ತಿದ್ದು, ಚಿಕಿತ್ಸೆ ನೀಡುವುದಕ್ಕೆ ಸರ್ಕಾರಗಳೇ ಪರದಾಡುವಂತಾ ಸ್ಥಿತಿ ನಿರ್ಮಾಣವಾಗಿದೆ.
Recommended Video
ಮಹಾರಾಷ್ಟ್ರ ಮತ್ತು ನವದೆಹಲಿಯಲ್ಲಿ ಕೊರೊನಾವೈರಸ್ ಸೋಂಕಿತರಿಗೆ ಚಿಕಿತ್ಸೆ ನೀಡುವುದಕ್ಕೆ ಬೆಡ್ ಗಳ ವ್ಯವಸ್ಥೆಯೇ ಇಲ್ಲದಂತಾ ಸಂದಿಗ್ಧ ಸ್ಥಿತಿ ಎದುರಾಗಿದೆ. ಈ ಸಮಸ್ಯೆ ಅರಿತುಕೊಂಡ ನವಜೋಡಿಗಳು ಮಾದರಿ ಕೊಡುಗೆಯೊಂದನ್ನು ನೀಡಿದ್ದಾರೆ.
Maharashtra: Eric & Merlin, a couple from Vasai, Mumbai donated 50 beds to a quarantine centre on their wedding day. #COVID19 (23.06.20) pic.twitter.com/n5F8MuODSQ
— ANI (@ANI) June 23, 2020
ಮಹಾರಾಷ್ಟ್ರ ಮುಂಬೈ ಸಮೀಪದ ವಾಸೈ ಪ್ರದೇಶದಲ್ಲಿ ಜೂನ್.23ರ ಮಂಗಳವಾರ ನವಜೀವನಕ್ಕೆ ಕಾಲಿಸಿದ ಎರಿಕ್ ಹಾಗೂ ಮರ್ಲಿನ್ ದಂಪತಿ ಮುಂಬೈನಲ್ಲಿರುವ ಕ್ವಾರೆಂಟೈನ್ ಕೇಂದ್ರವೊಂದಕ್ಕೆ 50 ಬೆಡ್ ಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಕೋವಿಡ್ - 19 ಸೋಂಕು; ದೇಶದಲ್ಲಿ 2ನೇ ಸ್ಥಾನಕ್ಕೆ ಬಂದ ದೆಹಲಿ
ಮಹಾರಾಷ್ಟ್ರಕ್ಕೆ ಕೊರೊನಾವೈರಸ್ ಗಂಡಾಂತರ:
ಮಹಾರಾಷ್ಟ್ರ ಕೊರೊನಾವೈರಸ್ ಅಟ್ಟಹಾಸಕ್ಕೆ ಸಿಕ್ಕು ನಲುಗಿದ್ದು, ದೇಶದಲ್ಲೇ ಅತಿಹೆಚ್ಚು ಸೋಂಕಿತರು ಇದೊಂದೇ ರಾಜ್ಯದಲ್ಲಿ ಪತ್ತೆಯಾಗಿದ್ದಾರೆ. ಕೊರೊನಾವೈರಸ್ ಸೋಂಕಿತರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಮಹಾರಾಷ್ಟ್ರದಲ್ಲಿ 1,39,010ಕ್ಕೂ ಹೆಚ್ಚು ಮಂದಿಗೆ ಸೋಂಕು ದೃಢಪಟ್ಟಿದೆ. ಈ ಪೈಕಿ 69,631 ಸೋಂಕಿತರು ಗುಣಮುಖರಾಗಿದ್ದರೆ, 62,833ಕ್ಕೂ ಅಧಿಕ ಮಂದಿ ಸೋಂಕಿತರಿಗೆ ಚಿಕಿತ್ಸೆ ಮುಂದುವರಿಸಲಾಗುತ್ತಿದೆ. ರಾಜ್ಯದಲ್ಲಿ ಇದುವರೆಗೂ ಮಹಾಮಾರಿಗೆ 6531ಕ್ಕೂ ಹೆಚ್ಚು ಮಂದಿ ಪ್ರಾಣ ಬಿಟ್ಟಿದ್ದಾರೆ.