ನಾಗರಪಂಚಮಿ ರೇಟಲ್ಲೇ ಹೂವು-ಹಣ್ಣು, ಮಂಗಳೂರಲ್ಲಿ ಲಕ್ಷ್ಮೀ ಪೂಜೆ ಜೋರು
ಮಂಗಳೂರು, ಆಗಸ್ಟ್ 4: ನಗರದಾದ್ಯಂತ ದೇವಸ್ಥಾನ, ಮನೆ, ಸಂಘ- ಸಂಸ್ಥೆಗಳಲ್ಲಿ ಶುಕ್ರವಾರ ವರಮಹಾಲಕ್ಷ್ಮಿ ಪೂಜೆ ಸಂಭ್ರಮದೊಂದಿಗೆ ನಡೆಯಿತು.
ವರಮಹಾಲಕ್ಷ್ಮಿ ಹಬ್ಬ: ಹೂವಿನ ರೇಟು ಕೇಳಿ ಹೌಹಾರಬೇಡಿ!
ಮಂಗಳಾದೇವಿ ದೇವಸ್ಥಾನ, ಗಣಪತಿ ದೇವಸ್ಥಾನ, ಕೊಡಿಯಾಲ್ ಬೈಲ್, ಕುದ್ರೋಳಿ ಶ್ರೀ ಭಗವತಿ ಕ್ಷೇತ್ರ, ಮಾರಿಯಮ್ಮ ದೇವಸ್ಥಾನ, ಮಂದಾರ ಶ್ರೀ ದುರ್ಗಾ ಪರಮೇಶ್ವರಿ, ವೆಂಕಟ್ರಮಣ ದೇವಸ್ಥಾನ ಸಹಿತ ವಿವಿಧ ದೇವಸ್ಥಾನ- ದೇವಿ ದೇವಸ್ಥಾನಗಳಲ್ಲಿರುವ ಮಹಾಲಕ್ಷ್ಮಿಗೆ ವಿಶೇಷ ಪೂಜೆ ನಡೆಯಿತು.
ವರಮಹಾಲಕ್ಷ್ಮಿ ಸಂಭ್ರಮ : ಬೆಂಗಳೂರು ಮಾರ್ಕೆಟಿನ ಪಿಚ್ಚರ್
ಹೂ, ಹಣ್ಣು ಬೆಲೆ ಬಹುತೇಕ ಸ್ಥಿರ: ಕಳೆದ ವಾರವಷ್ಟೇ ನಾಗರ ಪಂಚಮಿ ಹಿನ್ನೆಲೆಯಲ್ಲಿ ಮಲ್ಲಿಗೆ ಹೂ, ಹಣ್ಣುಗಳ ಬೆಲೆ ಏರಿಕೆಯಾಗಿದ್ದರೆ, ಈ ಬಾರಿ ಹಬ್ಬಕ್ಕೆ ಮಾರುಕಟ್ಟೆಯಲ್ಲಿ ಬೆಲೆ ಸ್ಥಿರವಾಗಿದ್ದು ಗ್ರಾಹಕರಿಗೆ ನಿಟ್ಟುಸಿರು ತಂದಿದೆ.
ಮಲ್ಲಿಗೆ ಚೆಂಡಿಗೆ 90- 100, ಭಟ್ಕಳ ಮಲ್ಲಿಗೆಗೆ 70 ರಿಂದ 80 ತನಕ ಇದೆ. ಕಳೆದ ವಾರ ಮಲ್ಲಿಗೆಗೆ 250 ತನಕವೂ ದರ ಏರಿಕೆಯಾಗಿತ್ತು. ಸೇವಂತಿಗೆ, ಮಲ್ಲಿಗೆ 150. ತುಳಸಿ 30 - 50, ಹಿಂಗಾರ 200 ವರೆಗೆ ಮಾರಾಟವಾಗುತ್ತಿದೆ. ಪೂಜೆಗೆ ಅತಿ ಅಗತ್ಯವಾದ ಹಣ್ಣುಗಳ ಬೆಲೆಯಲ್ಲಿಯೂ ಹೆಚ್ಚೇನೂ ಏರಿಕೆಯಾಗಿಲ್ಲ.