• search
  • Live TV
ಮಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ರಸ್ತೆ ಬದಿ ಕಂಡ ಕೋಳಿಗಳು; ಎದ್ದು, ಬಿದ್ದು ಹಿಡಿದ ಜನರು!

By ಮಂಗಳೂರು ಪ್ರತಿನಿಧಿ
|

ಮಂಗಳೂರು, ಏಪ್ರಿಲ್ 12; ಉಚಿತವಾಗಿ ಸಿಕ್ಕರೆ ಜನ ಯಾವುದನ್ನು‌ ತಾನೇ ಬಿಡುತ್ತಾರೆ?. ಅದರಲ್ಲೂ ಕೋಳಿಗಳು ಉಚಿತವಾಗಿ ಸಿಕ್ಕಿದರೆ ಹೇಗಾಗಬಹುದು?. ಜನ ಮುಗಿಬಿದ್ದು ತೆಗೆದುಕೊಂಡು ಹೋಗುತ್ತಾರೆ. ಇಂತಹ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿಯಲ್ಲಿ ನಡೆದಿದೆ.

ಬೆಳ್ತಂಗಡಿಯ ರಾಷ್ಟ್ರೀಯ ಹೆದ್ದಾರಿ 73ರ ಮುಂಡಾಜೆ ಪ್ರದೇಶ ಸೀಟು ಎಂಬಲ್ಲಿ ಅರಣ್ಯದಲ್ಲಿ 150ಕ್ಕೂ ಕೋಳಿಗಳು ಅನಾಥ ಸ್ಥಿತಿಯಲ್ಲಿದ್ದು, ಜನ ಇಡೀ ಅರಣ್ಯ ಜಾಲಾಡಿ, ಎದ್ದು, ಬಿದ್ದು ಒಡಾಡಿ ಕೋಳಿ ಹಿಡಿದು ಮನೆಗೆ ತೆಗೆದುಕೊಂಡು ಹೋಗಿದ್ದಾರೆ.

 ಕೋಳಿ ಅಂಕದಲ್ಲಿ ಆಕಸ್ಮಿಕವಾಗಿ ವ್ಯಕ್ತಿ ಸಾವು; ಪೊಲೀಸ್ ಕಸ್ಟಡಿಯಲ್ಲಿ ಹುಂಜ ಕೋಳಿ ಅಂಕದಲ್ಲಿ ಆಕಸ್ಮಿಕವಾಗಿ ವ್ಯಕ್ತಿ ಸಾವು; ಪೊಲೀಸ್ ಕಸ್ಟಡಿಯಲ್ಲಿ ಹುಂಜ

ಸೀಟು ರಕ್ಷಿತಾರಣ್ಯದ ರಸ್ತೆ ಬದಿ 150ಕ್ಕೂ ಹೆಚ್ಚು ಸೇಲಂ ಕೋಳಿಗಳು ಅನಾಥವಾಗಿ ತಿರುಗಾಡುತ್ತಿರುವ ವಿಚಾರ ಹಬ್ಬಿತು. ಸುತ್ತ-ಮುತ್ತಲಿನ ಜನ ಕೈಗೆ ಸಿಕ್ಕಷ್ಟು ಕೋಳಿಗಳನ್ನು ಕೈ ಚೀಲ, ಗೋಣಿಗಳಲ್ಲಿ ಹಾಕಿ, ಕೆಲವೊಂದನ್ನು ಹೆಗಲೇರಿಸಿ ಕೊಂಡು ಹೋಗಿದ್ದಾರೆ‌‌.

ಕೋಳಿ ಜೂಜು; ಹುಂಜಗಳನ್ನು ಜೈಲಿಗೆ ಹಾಕಿದ ಪೊಲೀಸರು!ಕೋಳಿ ಜೂಜು; ಹುಂಜಗಳನ್ನು ಜೈಲಿಗೆ ಹಾಕಿದ ಪೊಲೀಸರು!

ಇದೇ ವೇಳೆ 50 ಕ್ಕೂ ಹೆಚ್ಚು ಕೋಳಿಗಳ ಕಳೇಬರ ಕಾಣಿಸಿದ್ದು ಅನಾರೋಗ್ಯದಿಂದ ಬಳಲಿರುವ ಕೋಳಿಗಳನ್ನು ಬಿಟ್ಟು ಹೋಗಿರುವ ಶಂಕೆ ವ್ಯಕ್ತವಾಗಿದೆ. ಸೀಟು ಅರಣ್ಯ ಪ್ರದೇಶವಾಗಿದ್ದು, ರಸ್ತೆ ಬದಿ ಮಂಗಗಳ ಶವ, ಹಕ್ಕಿಗಳ ಶವ ಆಗಾಗ ಪತ್ತೆಯಾಗಿರುತ್ತದೆ.

ಕೋಳಿ, ಕುರಿ, ಬಿಯರ್, ಈರುಳ್ಳಿ ಬಹುಮಾನ; ಕ್ರಿಕೆಟ್ ಪಂದ್ಯ ರದ್ದು! ಕೋಳಿ, ಕುರಿ, ಬಿಯರ್, ಈರುಳ್ಳಿ ಬಹುಮಾನ; ಕ್ರಿಕೆಟ್ ಪಂದ್ಯ ರದ್ದು!

ಚಿಕ್ಕಮಗಳೂರಿನಿಂದ ಮಂಗಳೂರಿಗೆ ಸಂಪರ್ಕಿಸುವ ರಸ್ತೆ ಇದಾಗಿದೆ. ಕೋಳಿ ಸಾಗಾಟ, ಹಂದಿ, ಕುರಿ ಸಾಗಾಟದ ವಾಹನಗಳಿಂದ ತ್ಯಾಜ್ಯಗಳನ್ನು ಇಲ್ಲೇ ಎಸೆಯುತ್ತಾರೆ. ಹಾಗಾಗಿ ಈ ಭಾಗದಲ್ಲಿ ಜನ ಮೂಗು ಮುಚ್ಚಿಕೊಂಡು ಓಡಾಟ ನಡೆಸುವ ಪರಿಸ್ಥಿತಿ ಇದೆ.

      ಮಂಗಳೂರು: ನಗರದ ಹೈಪರ್ ಮಾರ್ಕೆಟ್ ನಲ್ಲಿ ಅಗ್ನಿ ಅವಘಡ! | Oneindia Kannada

      ಮುಂಡಾಜೆ ಗ್ರಾಮ ಪಂಚಾಯತಿ ಅಧ್ಯಕ್ಷೆ ರಂಜಿನಿ ಮಧು ಈ ಕುರಿತು ಮಾತನಾಡಿದ್ದು, ಜನರು ಕೋಳಿಗಳನ್ನು ಆಹಾರಕ್ಕೆ ಬಳಸದಂತೆ ವಿನಂತಿ ಮಾಡಿದ್ದಾರೆ. ಪಶುವೈದ್ಯಾಧಿಕಾರಿಗಳಿಗೆ ಕೋಳಿಗಳ ಆರೋಗ್ಯ ಪರಿಸ್ಥಿತಿ ಬಗ್ಗೆ ಪರೀಶಿಲಿಸುವಂತೆ ಮನವಿ ಮಾಡಿದ್ದಾರೆ.

      English summary
      More than 150 Salem breed chicken found discarded by the side of national highway 73 near Mundaje village of Dakshina Kannada. People rushed to the spot and collected poultry birds.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X