Click it and Unblock the Notifications
Just In
-
-
-
Don't Miss
-
ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್ -
DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕ್ಲಬ್‌ಹೌಸ್‌ನಲ್ಲಿ ಕಿಡಿ ಹೊತ್ತಿಸಿದ ಚರ್ಚೆ; ಕರಾವಳಿಯ ಬಗ್ಗೆ ಅವಹೇಳನಕ್ಕೆ ತೀವ್ರ ಖಂಡನೆ
ಮಂಗಳೂರು, ಜೂನ್ 29: ಕ್ಲಬ್‌ಹೌಸ್‌ನಲ್ಲಿ ನಡೆದ ಆಡಿಯೋ ಚರ್ಚೆ ಈಗ ಹೊಸ ವಿವಾದದ ಕಿಡಿ ಹೊತ್ತಿಸಿದೆ. ತುಳುನಾಡು Vs ಕರುನಾಡು ಎಂಬ ಚರ್ಚೆ ವಿಷಯದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಗೆ ಪ್ರವಾಸ ಹೋಗುವುದನ್ನು ಇತರ ಜಿಲ್ಲೆಯವರು ಕಡಿಮೆ ಮಾಡಬೇಕು. ಆಗ ಮಾತ್ರ ಕರಾವಳಿಗರ ಸೊಕ್ಕು ಮುರಿಯಲು ಸಾಧ್ಯ ಅಂತಾ ಕ್ಲಬ್‌ಹೌಸ್‌ನಲ್ಲಿ ಒಬ್ಬ ಅಭಿಪ್ರಾಯ ಮಂಡನೆ ಮಾಡಿದ್ದು, ಇದು ವಿವಾದವನ್ನು ಸೃಷ್ಟಿಸಿದೆ.
ಕ್ಲಬ್‌ಹೌಸ್‌ನ ಈ ಆಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಪರ- ವಿರೋಧದ ಚರ್ಚೆಗಳು ನಡೆಯುತ್ತಿದೆ. ಕ್ಲಬ್‌ಹೌಸ್‌ ಚರ್ಚೆಯಲ್ಲಿ ಬೆಂಗಳೂರು ಮೂಲದ ಓರ್ವ ವ್ಯಕ್ತಿ, "ದಕ್ಷಿಣ ಕನ್ನಡ ಜಿಲ್ಲೆಗೆ ಮೊದಲು ಪ್ರವಾಸ ಹೋಗುವುದನ್ನು ಕಡಿಮೆ ಮಾಡಬೇಕು. ಧರ್ಮಸ್ಥಳ, ಸುಬ್ರಹ್ಮಣ್ಯ ಕಡೆಗೆ ಹೋಗಲೇಬಾರದು. ಆಗ ಮಾತ್ರ ಕರಾವಳಿಗರ ಸೊಕ್ಕು ಮುರಿಯಲು ಸಾಧ್ಯವಾಗುತ್ತದೆ,'' ಎಂದು ಹೇಳಿದ್ದಾನೆ.
"ಟಿವಿ ಚಾನೆಲ್‌ಗಳಲ್ಲೂ ಮಂಗಳೂರಿನ ಕಡೆಯವರೇ ಅತೀ ಹೆಚ್ಚು ಜನರಿದ್ದಾರೆ. ಅನುಶ್ರೀ ಬರುವ ಮುಂಚೆ ಎಲ್ಲ ನಮ್ಮ ಕಡೆಯವರೇ ಇದ್ದರು. ಅನುಶ್ರೀ ಬಂದ ಮೇಲೆ ಎಲ್ಲಾ ಮಂಗಳೂರಿನ ಕಡೆಯವರೇ ತುಂಬಿ ಹೋಗಿದ್ದಾರೆ. ಟಿವಿಗಳಲ್ಲಿ ಅವರನ್ನು ಬೆಳೆಸುವುದನ್ನು ಕಡಿಮೆ ಮಾಡಬೇಕು,'' ಅಂತಾ ಹೇಳಿದ್ದಾನೆ.
ಅಲ್ಲದೇ "ಧರ್ಮಸ್ಥಳಕ್ಕೆ ಹೋಗುವ ಬದಲು ತಮ್ಮ ಊರಿನಲ್ಲೇ ಮಂಜುನಾಥ ಸ್ವಾಮಿ ದೇವಸ್ಥಾನ ಕಟ್ಟಿಸಬೇಕು," ಎಂದು ಹೇಳಿದ್ದು, ಕರಾವಳಿಯನ್ನು ಅವಹೇಳನ ಮಾಡಿದ ಈತನ ವಾದಕ್ಕೆ ಭಾರೀ ಆಕ್ರೋಶ ಕೇಳಿ ಬಂದಿದ್ದು, ಕ್ಷಮೆಯಾಚನೆಗೆ ಒತ್ತಾಯಿಸಲಾಗಿದೆ.
"ಕ್ಲಬ್‌ಹೌಸ್‌ನ್ನು ಉತ್ತಮ ವಿಚಾರಗಳ ಅಭಿಪ್ರಾಯ ಮಂಡನೆಗೆ ಬಳಸಬೇಕೇ ಹೊರತು, ನಮ್ಮ ನಮ್ಮ ನಡುವಲ್ಲೇ ಕಂದಕ ಸೃಷ್ಟಿಸುವಂತಹ ವಿಚಾರಕ್ಕೆ ಅಲ್ಲ," ಅಂತಾ ಕೆಲ ಜನರು ಬುದ್ಧಿವಾದ ಹೇಳಿದ್ದಾರೆ.
