• search
  • Live TV
ಮಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

'ಬ್ಲೂ ವೇಲ್' ಬಗ್ಗೆ ಮಕ್ಕಳಿಗೆ ಜಾಗೃತಿ ಮೂಡಿಸುತ್ತಿರುವ ಮಂಗಳೂರಿನ ಶಾಲೆ

|

ಮಂಗಳೂರು, ಆಗಸ್ಟ್ 31: ರಷ್ಯಾದಲ್ಲಿ ಆರಂಭಗೊಂಡ ಬ್ಲೂ ವೇಲ್ ಆಟವು ಸದ್ಯ ವಿಶ್ವದಾದ್ಯಂತ ವ್ಯಾಪಿಸಿದ್ದು, ಈವರೆಗೆ ಸುಮಾರು 200ಕ್ಕಿಂತ ಹೆಚ್ಚಿನ ಹದಿಹರೆಯದ ಯುವಕ ಯುವತಿಯರು ಈ ಆಟಕ್ಕೆ ಬಲಿಯಾಗಿದ್ದಾರೆ.

ಸದ್ಯ ಭಾರತದಲ್ಲೀಗ ಈ ಆಟ ವ್ಯಾಪಕವಾಗಿ ಹರಡುತ್ತಿದ್ದು, ಕರ್ನಾಟಕ ಸೇರಿ ಹಲವೆಡೆ ಮಕ್ಕಳು ಈ ಗೇಮ್ ಗೆ ಬಲಿಯಾಗಿದ್ದಾರೆ. ಹೀಗಾಗಿ ಇದರಿಂದ ಎಚ್ಚೆತ್ತುಕೊಂಡಿರುವ ಮಂಗಳೂರಿನ ಶಿಕ್ಷಣ ಸಂಸ್ಥೆಯೊಂದು ಮಕ್ಕಳ ಪೋಷಕರಿಗೆ ಪತ್ರದ ಮೂಲಕ ಎಚ್ಚರಿಕೆ ನೀಡುವ ಕೆಲಸ ಮಾಡಿದೆ.

ಬ್ಲೂ ವ್ಹೇಲ್ ಚಾಲೆಂಜ್ ಆತ್ಮಹತ್ಯಾ ಕೂಪ: ತಿಳಿಯಬೇಕಾದ 10 ಸಂಗತಿ

ಬ್ಲೂವೇಲ್ ಗೇಮ್ ಗೆ ಮಕ್ಕಳು ಬಲಿಯಾಗುತ್ತಿರುವುದನ್ನು ಮನಗಂಡ ಮೇರಿಹಿಲ್ ನ ಮೌಂಟ್ ಕಾರ್ಮೆಲ್ ಶಿಕ್ಷಣ ಸಂಸ್ಥೆ ಜಾಗೃತಿ ಮೂಡಿಸುವ ಕೆಲಸಕ್ಕೆ ಮುಂದಾಗಿದೆ. ಹೀಗಾಗಿ ತಮ್ಮ ಶಿಕ್ಷಣ ಸಂಸ್ಥೆಯಲ್ಲಿ ಕಲಿಯುತ್ತಿರುವ ಮಕ್ಕಳ ಪೋಷಕರಿಗೆ ಈ ಸಂಬಂಧ ಪತ್ರವೊಂದನ್ನು ರವಾನಿಸಿದೆ.

ಹೆತ್ತವರಿಗೆ ಎಚ್ಚರಿಕೆ

ಹೆತ್ತವರಿಗೆ ಎಚ್ಚರಿಕೆ

ಪತ್ರದಲ್ಲಿ ಬ್ಲೂ ವೇಲ್ ಆಟದ ಬಗ್ಗೆ ಪೋಷಕರಿಗೆ ಮಾಹಿತಿ ನೀಡಲಾಗಿದೆ. ಜತೆಗೆ ಮಕ್ಕಳಿಗೆ ಈ ಆಟ ಆಡಲು ಯಾವುದೇ ಕಾರಣಕ್ಕೂ ಅವಕಾಶ ನೀಡದಂತೆ ಮಕ್ಕಳ ಹೆತ್ತವರಿಗೆ ಎಚ್ಚರಿಕೆ ನೀಡಲಾಗಿದೆ.

ಗೇಮ್ ನ ಕೆಡಕುಗಳ ಬಗ್ಗೆ ಮಕ್ಕಳಿಗೆ ಜಾಗೃತಿ ಮೂಡಿಸುವಂತೆಯೂ ಪತ್ರದ ಮೂಲಕ ಪೋಷಕರಿಗೆ ತಿಳಿಸಲಾಗಿದೆ.

ಶ್ಲಾಘನೀಯ ನಡೆ

ಶ್ಲಾಘನೀಯ ನಡೆ

ಒಟ್ಟಾರೆ ಬ್ಲೂವೇಲ್ ಮರಣ ಮೃದಂಗದ ಮಧ್ಯೆ ಹೆತ್ತವರಲ್ಲಿ ಜಾಗೃತಿ ಮೂಡಿಸಲು ಮುಂದಾಗಿರುವುದು ಶ್ಲಾಘನೀಯ ಕಾರ್ಯ. ಹೀಗಾಗಿ ಹೆತ್ತವರು ಕೂಡ ಈ ಬಗ್ಗೆ ಗಮನ ಹರಿಸಿ ಮಕ್ಕಳ ಚಲನವಲನಗಳ ಕಡೆಗೆ ಗಮನ ಕೊಡಬೇಕಿದೆ.

ಅಲ್ಲದೇ ಮಕ್ಕಳಿಗೆ ಕಲಿಕೆಯ ಉದ್ದೇಶಕ್ಕೆ ತೆಗೆದುಕೊಟ್ಟಿರುವ ಕಂಪ್ಯೂಟರ್ ಗಳಲ್ಲೂ ಈ ಗೇಮ್ ಡೌನ್ ಲೋಡ್ ಆಗಿದೆಯೋ ಎಂಬ ಬಗ್ಗೆ ಖಚಿತ ಪಡಿಸಿಕೊಳ್ಳುವ ಅಗತ್ಯವಿದೆ.

ಸರಣಿ ಬಲಿ

ಸರಣಿ ಬಲಿ

ಭಾರತದಲ್ಲಿ ಬ್ಲೂ ವೇಲ್ ಗೇಮ್ ಗೆ ಸಂಬಂಧಿಸಿದ ಮೊತ್ತ ಮೊದಲ ಆತ್ಮಹತ್ಯೆ ಪ್ರಕರಣ ಜುಲೈ 30 ರಂದು ಮುಂಬೈನಲ್ಲಿ ವರದಿಯಾಗಿತ್ತು. 14 ರ ಹರೆಯದ ಬಾಲಕನೊಬ್ಬ ಏಳನೇ ಮಹಡಿಯಿಂದ ಹಾರಿ ಆತ್ಮಹತ್ಯೆ ಮಾಡಿಕೊಳ್ಳುವುದರ ಮೂಲಕ ಬ್ಲೂವೆಲ್ಲ್ ಎಂಬ ಮಾರಣಾಂತಿಕ ಗೇಮ್ ಭಾರತದಲ್ಲಿ ತನ್ನ ಮೊದಲ ಬಲಿ ಪಡೆದುಕೊಂಡಿತ್ತು.

ನಂತರ ಹಲವು ವಿದ್ಯಾರ್ಥಿಗಳು ಈ ಆಟಕ್ಕೆ ಬಲಿಯಾಗಿದ್ದರು.

ಸರಕಾರದಿಂದಲೂ ನಿಯಂತ್ರಣ ಕ್ರಮ

ಸರಕಾರದಿಂದಲೂ ನಿಯಂತ್ರಣ ಕ್ರಮ

ಬ್ಲೂ ವೇಲ್ ಗೇಮ್ ನ ಬಗ್ಗೆ ವಿದ್ಯಾರ್ಥಿಗಳನ್ನು ಜಾಗೃತಿಗೊಳಿಸುವ ಕಾರ್ಯಕ್ಕೆ ಸದ್ಯ ಸರ್ಕಾರವೇ ಮುಂದಾಗಿದೆ. ಇತ್ತೀಚೆಗೆ ಭಾರತ ಸರ್ಕಾರ ಗೇಮ್ ನ ಲಿಂಕ್ ಸೋರ್ಸ್ ಅಳಿಸಿ ಹಾಕುವಂತೆ ಇಂಟರ್ನೆಟ್ ಸೇವಾ ಕಂಪೆನಿಗಳಿಗೆ ಸೂಚಿಸಿತ್ತು.

ಬ್ಲೂ ವೇಲ್ ಆಟದ ಬಗ್ಗೆ ಎಚ್ಚರ ವಹಿಸುವುದರಲ್ಲಿ ವಿದ್ಯಾರ್ಥಿಗಳ ಪೋಷಕರ ಕಾರ್ಯ ಕೂಡ ಇಲ್ಲಿ ಮಹತ್ತರವಾಗಿದೆ.ತಮ್ಮ ಮಕ್ಕಳು ಶಾಲೆಯಿಂದ ಬಂದ ನಂತರ ಮೊಬೈಲ್, ಲ್ಯಾಪ್ ಟಾಪ್, ಕಂಪ್ಯೂಟರ್ ಅಥವಾ ಟ್ಯಾಬ್ ನಿಂದ ಯಾವ ರೀತಿಯ ಗೇಮ್ ಗಳನ್ನು ಆಡುತ್ತಾರೆ ಎಂಬುದರ ಬಗ್ಗೆ ತೀವ್ರ ನಿಗಾ ವಹಿಸಬೇಕಿದೆ.

ವಿವಾದಿತ 'ಬ್ಲೂ ವೇಲ್' ಲಿಂಕ್ ತೆಗೆಯುವಂತೆ ಕೇಂದ್ರದಿಂದ ಸೂಚನೆ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Mangalore Mount Carmel Central School sends awareness letter to all the parents about the Bluewhale android game. The letter states that the parents must regularly check Mobile and Tablets of their children. The letter specifically states what is Bluewhale and it's dangers.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more