• search

ವೈರಲ್ ವಿಡಿಯೋ : 3 ತಿಂಗಳ ಬಳಿಕ ಸತ್ಯವಾಯ್ತು ಹಮೀದ್ ಎಚ್ಚರಿಕೆ

By ಮಂಗಳೂರು ಪ್ರತಿನಿಧಿ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮಂಗಳೂರು ಜೂನ್ 26: ಬಂಟ್ವಾಳದ ಮೂಲರಪಟ್ನ ಎಂಬಲ್ಲಿ ನಿನ್ನೆ ಸಂಜೆ ಕುಸಿದಿದ್ದ ಸೇತುವೆಯ ಬಗ್ಗೆ ಸ್ಥಳೀಯರೊಬ್ಬರು 3 ತಿಂಗಳ ಹಿಂದೆ ವ್ಯಕ್ತಪಡಿಸಿದ್ದ ಆತಂಕ ಸತ್ಯವಾಗಿದೆ. ಈ ಕುರಿತ 3 ತಿಂಗಳ ಹಿಂದಿನ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಈಗ ವೈರಲ್ ಆಗಿದೆ.

    ಮೂಲರಪಟ್ನ ನಿವಾಸಿ ಹಮೀದ್ ಎಂಬುವವರು ಮೂರು ತಿಂಗಳ ಹಿಂದೆ ಈ ಸೇತುವೆ ಕುಸಿದು ಬೀಳುವ ಎಚ್ಚರಿಕೆ ನೀಡಿದ್ದರು. ಈ ಕುರಿತು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದರು. ಈಗ ಆ ವಿಡಿಯೋ ವೈರಲ್ ಆಗಿದೆ.

    ಬಂಟ್ವಾಳ: ಭಾರಿ ಮಳೆಗೆ ಮುರಿದು ಬಿದ್ದ ಹೆದ್ದಾರಿ ಸೇತುವೆ

    3 ತಿಂಗಳ ಹಿಂದೆ ಹಮೀದ್ ಈ ಸೇತುವೆ ಮೇಲೆ ನಿಂತು ಬ್ಯಾರಿ ಭಾಷೆಯಲ್ಲಿ ಸೇತುವೆ ಕುಸಿಯುವ ಆತಂಕ ವ್ಯಕ್ತಪಡಿಸಿದ್ದರು. "ಈ ಸೇತುವೆಯಲ್ಲಿ ಬಿರುಕು ಬಿಟ್ಟಿದೆ. ನಾನೇನು ಈ ಕುರಿತು ಹೇಳಬೇಕಾಗಿಲ್ಲ. ಈ ಸೇತುವೆ ನಮ್ಮಪ್ಪನಿಗೂ ಬೇಡ, ನನಗೂ ಬೇಡ..ಸೇತುವೆ ಅಂದರೇನು ಗೊತ್ತಾ..? ನೀವು ಎದುರು ಬನ್ನಿ. ಹೆದರಬೇಡಿ.

    Video of Hameed about Mularpatna Bridge gone viral

    ನೀವು ದಿನಾಲೂ ಕಾರಿನಲ್ಲಿ ಓಡಾಡುತ್ತೀರಾ. ಈ ಸೇತುವೆಯಲ್ಲಿ ಬಿರುಕು ಬಿಟ್ಟಿರುವ ವಿಚಾರ ನನಗೆ ಯಾವಾಗಲೋ ಗೊತ್ತಾಗಿದೆ. ನನ್ನ ಮನೆ ಇಲ್ಲಿಲ್ಲ. ನೀವೇ ಇಲ್ಲಿ ಓಡಾಡೋದು.
    ಒಂದು ವೇಳೆ ಸೇತುವೆ ಕುಸಿದರೆ ನೀವು ದೋಣಿಯಲ್ಲಿ ಹೋಗಬೇಕಾದ ಪರಿಸ್ಥಿತಿ ಬರಬಹುದು.

    ಮರಳು ತೆಗೆಯುವವರು ಇಲ್ಲಿಗೆ ಬರುತ್ತಾರೆ. ನೀವು ಈ ಬಗ್ಗೆ ಮಾತಾಡಿ. ನಾನು ಮಾತಾಡುತ್ತೇನೆ. ನಾನೇನು ಹೆದರಲ್ಲ" ಎಂದು ಸೇತುವೆ ಮೇಲೆ ನಿಂತು ಬ್ಯಾರಿ ಭಾಷೆಯಲ್ಲಿ ವಿಡಿಯೋ ಮಾಡಿ ಹರಿಬಿಟ್ಟಿದ್ದರು. ಹಮೀದ್ ಅವರು ಅಕ್ರಮ ಮರಳುಗಾರಿಕೆ ವಿರುದ್ಧ ಧ್ವನಿ ಎತ್ತಿದ್ದರು .

    ಅಕ್ರಮ ಮರಳುಗಾರಿಕೆಯಿಂದಾಗಿ ಸೇತುವೆಗೆ ಹಾನಿಯಾಗುತ್ತಿದೆ ಎಂದು ಆತಂಕ ವ್ಯಕ್ತಪಡಿಸಿದ್ದರು. ಆ ವಿಡಿಯೋ ಈಗ ವೈರಲ್ ಆಗಿದ್ದು ಮತ್ತೇ ಅಕ್ರಮ ಮರಳುಗಾರಿಕೆ ವಿರುದ್ಧ ಹೋರಾಟ ಆರಂಭವಾಗುವ ಲಕ್ಷಣಗಳು ಗೋಚರಿಸತೊಡಗಿದೆ.

    Video of Hameed about Mularpatna Bridge gone viral

    ಬಂಟ್ವಾಳ ಮತ್ತು ಮಂಗಳೂರು ಗಡಿ ಭಾಗದಲ್ಲಿರುವ ಈ ಸೇತುವೆ ಕುಸಿದ ಪರಿಣಾಮ ವಾಹನ ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿದೆ. ಇದೀಗ ವಾಹನಗಳು ಬಂಟ್ವಾಳ , ಸಿದ್ದಕಟ್ಟೆ, ಸಂಗಬೆಟ್ಟು, ಪುಚ್ಚಮುಗರು,ಮಾರ್ಗ ಮೂಲಕ ಮೂಡಬಿದ್ರೆಯಿಂದ ತೆರಳುವ ಪರಿಸ್ಥಿತಿ ಇದೆ.

    ಮೂಲರಪಟ್ನ ಸೇತುವೆ ಕುಸಿದ ಹಿನ್ನೆಲೆಯಲ್ಲಿ ಸ್ಥಳಿಯ ಜನರು ಪಕ್ಕದಲ್ಲಿಯೇ ಇರುವ ತೂಗುಸೇತುವೆಯ ಮೂಲಕ ತೆರಳುತ್ತಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Bridge at Mularpatna collapsed yesterday evening . Hameed native of Mularpatna did a video about damage of the bridge due to illegal sand mining. 3 month back he did that video. Now that video gone viral in social media.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more