ಫೆ.10ರಿಂದ ಮಂಗಳೂರಿನಲ್ಲಿ '2017 ಕೊಂಕಣಿ ಲೋಕೋತ್ಸವ'

ಮಂಗಳೂರು, ಫೆಬ್ರವರಿ 6 : ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ವತಿಯಿಂದ ಮಂಗಳೂರಿನ ಪುರಭವನದಲ್ಲಿ ಫೆಬ್ರವರಿ 10ರಿಂದ ಮೂರ ದಿನಗಳ ಕಾಲ ಕೊಂಕಣಿ ಲೋಕೋತ್ಸವ 2017'ನಡೆಯಲಿದೆ.

ಈ ಲೋಕೋತ್ಸವದಲ್ಲಿ 100 ಮಂದಿ ಸದಸ್ಯರ ತಂಡ ಸಂಗೀತ ಕಾರ್ಯಕ್ರಮವನ್ನು ನೀಡಲಿದೆ ಎಂದು ಅಕಾಡೆಮಿ ಅಧ್ಯಕ್ಷ ರಾಯ್ ಕ್ಯಾಸ್ಟೆಲಿನೋ ಹೇಳಿದ್ದಾರೆ. ನಗರದ ಬಿಷಪ್ ಹೌಸ್ ಪರಿಸರದಲ್ಲಿ ಈ ಸಂಗೀತ ಕಲಾವಿದರ ತರಬೇತಿ ಕಾರ್ಯಕ್ರಮ ನಡೆಯುತ್ತಿದೆ.[2016ನೇ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಟ್ಟಿ ಪ್ರಕಟ]

ವಸಂತಿ ಆರ್. ನಾಯಕ್ ಮತ್ತು ಎರಿಕ್ ಓಝೆರಿಯೋ ತರಬೇತಿ ನೀಡುತ್ತಿದ್ದಾರೆ. ಈ ಕಲಾವಿದರು 5 ಹಾಡುಗಳನ್ನು ಹಾಡಲಿದ್ದಾರೆ. ಸುಮಾರು 100 ಕಲಾವಿದರು ಲೋಕೋತ್ಸವದ ಧ್ಯೇಯ ಗೀತೆಯನ್ನು ಹಾಡುತ್ತಿರುವುದು ವಿಶೇಷವಾಗಿದೆ.

ಕೊಂಕಣಿ ಭಾಷೆಯನ್ನು ಮಾತನಾಡುವ 41 ಸಮುದಾಯದ ಒಟ್ಟು ಸೇರುವಿಕೆಯಲ್ಲಿ ನಡೆಯುವ ವಿಭಿನ್ನ ಕಾರ್ಯಕ್ರಮವೇ ಈ ಕೊಂಕಣಿ ಲೋಕೋತ್ಸವ.

ಮಹಾರಾಷ್ಟ್ರದ ರತ್ನಗಿರಿಯಿಂದ ಕೇರಳದ ಕೊಚ್ಚಿನವರೆಗಿನ ಭಾಗದ ಸಮುದಾಯವನ್ನು ಸೇರಿಸಿಕೊಂಡು ಈ ಕಾರ್ಯಕ್ರಮವನ್ನು ಆಯೋಜನೆ ಮಾಡಲಾಗಿದೆ.

ಈ ಲೋಕೋತ್ಸವದಲ್ಲಿ ವಿವಿಧ ಸ್ಪರ್ಧೆಗಳು, ಸಾಂಸ್ಕೃತಿಕ ಮನೋರಂಜನೆ, ಸಾಹಿತ್ಯ ಗೋಷ್ಠಿಗಳನ್ನು ಮೂರುದಿನಗಳ ಕಾಲ ಆಯೋಜಿಸಲಾಗಿದೆ.

English summary

Karnataka konkani sahitya academy Organized'Konkani Lokotsav-2017, which is scheduled to be held in Mangaluru from February 10 to 12.