ಮಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಮಂಗಳೂರಿಗೂ ಕಾಲಿಟ್ಟ ಕಿರಿಕ್ ಕಿಕಿ ಹುಚ್ಚು, ವೈರಲ್ ಆದ ವಿಡಿಯೋಗಳು

|
Google Oneindia Kannada News

ಮಂಗಳೂರು, ಆಗಸ್ಟ್ 12: ವಿಶ್ವದಾದ್ಯಂತ ಕಿರಿಕಿರಿ ಸೃಷ್ಠಿಸಿರುವ ಕಿಕಿ ಚಾಲೆಂಜ್ ಕ್ರೇಜ್ ದಕ್ಷಿಣ ಕನ್ನಡ ಜಿಲ್ಲೆಯಲ್ಲೂ ಕಾಲಿರಿಸಿದೆ. ಚಲಿಸುವ ಕಾರಿನಿಂದಲೇ ಹೊರಗೆ ಜಿಗಿದು, ಕಾರಿನ ನಿಧಾನ ವೇಗಕ್ಕೆ ತಕ್ಕಂತೆ ನೃತ್ಯ ಮಾಡಿಕೊಂಡು ಹೋಗುವ 'ಕಿಕಿ ಚಾಲೆಂಜ್‌' ಕ್ರೇಜ್ ಮಂಗಳೂರಿನ ಯುವಕರಲ್ಲಿ ಕಂಡು ಬಂದಿದೆ.

ವಿದೇಶದಲ್ಲಿ ಆರಂಭವಾದ ಈ ಕಿಕಿ ಚಾಲೆಂಜ್ ಭಾರತದಲ್ಲೂ ಸದ್ದು ಮಾಡುತ್ತಿದೆ. ಈ ಕಿಕಿ ಚಾಲೆಂಜ್ ಗೆ ಬಾಲಿವುಡ್ ನಟ- ನಟಿಯರಿಂದ ಆರಂಭಗೊಂಡು ಕಾಲೇಜು ಯುವಕ ಯುವತಿಯರಲ್ಲಿ ಕಿಚ್ಚು ಹಚ್ಚಿಸಿದೆ. ಈ ಚಾಲೆಂಜ್ ಸ್ವೀಕರಿಸಿ ಹಲವಾರು ಮಂದಿ ಅಪಾಯಕ್ಕೆ ಸಿಲುಕಿದ ಸನ್ನಿವೇಶಗಳು ಬೆಳಕಿಗೆ ಬಂದಿವೆ.

ಡೇಂಜರಸ್ ಕಿಕಿ ಚಾಲೆಂಜ್ ಗೇಮ್ ಗೆ ಮಗನನ್ನು ಪ್ರೋತ್ಸಾಹಿಸಿದ ಇನ್ಸ್ ಪೆಕ್ಟರ್!ಡೇಂಜರಸ್ ಕಿಕಿ ಚಾಲೆಂಜ್ ಗೇಮ್ ಗೆ ಮಗನನ್ನು ಪ್ರೋತ್ಸಾಹಿಸಿದ ಇನ್ಸ್ ಪೆಕ್ಟರ್!

ಈ ಕಿರಿಕ್ ಕಿಕಿ ಹುಚ್ಚು ಮಂಗಳೂರಿಗೂ ಕಾಲಿಟ್ಟಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದೆ.

KiKi challenge craze in Mangaluru

ಆದರೆ ಮಂಗಳೂರಿನಲ್ಲಿ ಈ ಕಿಕಿ ಚಾಲೆಂಜ್ ಅನ್ನು ವಿಡಂಬಣೆ ಮಾಡುವ ಮತ್ತೊಂದು ರೀತಿಯ ಟ್ರೆಂಡ್ ಆರಂಭವಾಗಿದೆ. ಮಂಗಳೂರಿನ ಯುವಕರ ಗುಂಪೊಂದು ರಾತ್ರಿ ಸಮಯ ಕಿಕಿ ಚಾಲೆಂಜ್ ಸ್ವೀಕರಿಸಿ ಚಲಿಸುತ್ತಿರುವ ಕಾರಿನಿಂದ ಜಿಗಿದು ನೃತ್ಯ ಮಾಡಿದ್ದು, ನಂತರ ಅದನ್ನು ಕುಡ್ಲ ವರ್ಶನ್ ಎಂದು ಹುಲಿ ಕುಣಿತದ ತಾಸೆಯ ಬಡಿತಕ್ಕೆ ಯುವಕರ ತಂಡ ಹೆಜ್ಜೆ ಹಾಕಿದೆ.

ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

KiKi challenge craze in Mangaluru

ಇದೇ ರೀತಿ ಇನ್ನೊಂದು ಯುವಕರ ಗುಂಪು ಗ್ರಾಮೀಣ ಪ್ರದೇಶದ ನಡು ರಸ್ತೆಯಲ್ಲಿ ಕಿಕಿ ಚಾಲೆಂಜ್ ನ ಹಾಸ್ಯ ಪ್ರಸಂಗದ ರೀತಿಯಲ್ಲಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಅಪಲೋಡ್ ಮಾಡಿದೆ. ಆದರೆ ಇದರಲ್ಲಿ ಚಲಿಸುತ್ತಿರುವ ಕಾರಿನ ಬದಲು ಕಾರಿನ ಡೋರ್ ಕಿತ್ತು ಅದರ ಪಕ್ಕದಲ್ಲಿ ಕಿಕಿ ಚಾಲೆಂಜನ್ನು ವಿಡಂಬಣೆ ಮಾಡುವ ರೀತಿಯಲ್ಲಿ ಚಿತ್ರೀಕರಿಸಲಾಗಿದೆ.

ಇದೇ ರೀತಿ ಯುವಕರ ಗುಂಪು ಕಿಕಿ ಚಾಲೆಂಜ್ ಕಾರಿನ ಬದಲು ನದಿಯಲ್ಲಿ ದೋಣಿಯ ಪಕ್ಕ ಕಿಕಿ ಚಾಲೆಂಜ್ ಸ್ವೀಕರಿಸುವ ಸವಾಲು ಹಾಕಿ ವ್ಯಂಗ್ಯ ಮಾಡಿದೆ. ಈ ವಿಡಿಯೋ ಕೂಡ ವೈರಲ್ ಆಗಿದೆ . ಈ ನಡುವೆ ಮಂಗಳೂರಿನಲ್ಲಿ ಕಿಕಿ ಚಾಲೆಂಜ್ ಗೆ ಮುಂದಾಗುವವರ ವಿರುದ್ಧ ಕಠಿಣ ಕ್ರಮ ಜರುಗಿಸಲಾಗುವುದೆಂದು ಪೊಲೀಸ್ ಇಲಾಖೆ ಎಚ್ಚರಿಸಿದೆ .

KiKi challenge craze in Mangaluru

ಶುಕ್ರವಾರ ಮಂಗಳೂರು ನಗರದಲ್ಲಿ ಕಿಕಿ ಚಾಲೆಂಜ್ ಸ್ವೀಕರಿಸಿ ಹಾಡಿಗೆ ಹೆಜ್ಜೆ ಹಾಕಿದ ಯುವಕರ ತಂಡದ ಮೇಲೆ ಕ್ರಮ ಕೈಗೊಳ್ಳಲು ಪೊಲೀಸ್ ಇಲಾಖೆ ಮುಂದಾಗಿದೆ.

English summary
KiKi Challenge Inspired by American Raper Drake's latest song has gone viral. This KiKi challenge trend is catching up in Mangaluru
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X