ಮಂಗಳೂರು-ಶಾರ್ಜಾ ನಡುವೆ ಜೆಟ್ ಏರ್ವೇಸ್ ವಿಮಾನ ಸೇವೆ
ಮಂಗಳೂರು, ಜೂನ್ 14 : ಜೆಟ್ ಏರ್ವೇಸ್ ಮಂಗಳೂರು ಮತ್ತು ಶಾರ್ಜಾ ನಡುವೆ ನೇರ ವಿಮಾನ ಸಂಪರ್ಕ ಕಲ್ಪಿಸಲಿದೆ. 2016ರ ಆಗಸ್ಟ್ 7ರಿಂದ ಈ ಸೇವೆ ಆರಂಭವಾಗಲಿದೆ.
ಜೆಟ್ ಏರ್ವೇಸ್ ಈಗಾಗಲೇ ಮಂಗಳೂರಿನಿಂದ ದುಬೈ ಮತ್ತು ಅಬುದಾಬಿಗೆ ವಿಮಾನ ಸೇವೆ ನೀಡುತ್ತಿದೆ. ಮಂಗಳೂರು ಮತ್ತು ಶಾರ್ಜಾ ನಡುವೆ ಸಂಪರ್ಕ ಕಲ್ಪಿಸುವ ವಿಮಾನ ಜೆಟ್ ಏರ್ವೇಸ್ನ 3ನೇ ಅಂತರಾಷ್ಟ್ರೀಯ ಸೇವೆಯಾಗಲಿದೆ. [ಮಂಗಳೂರು ವಿಮಾನ ನಿಲ್ದಾಣದ ರನ್ ವೇ ವಿಸ್ತರಣೆ]
ನಂ 9ಡಬ್ಲ್ಯೂ503 ವಿಮಾನ ಬೆಳಗ್ಗೆ 9.30ಕ್ಕೆ ಮಂಗಳೂರಿನಿಂದ ಶಾರ್ಜಾಕ್ಕೆ ಹಾರಲಿದೆ. ನಂ 9ಡಬ್ಲ್ಯೂ504 ವಿಮಾನ ಶಾರ್ಜಾದಿಂದ ಸಂಜೆ 5.55ಕ್ಕೆ ಮಂಗಳೂರಿಗೆ ಬಂದಿಯಲಿದೆ. ಆಗಸ್ಟ್ 7ರಿಂದ ಈ ಸೇವೆ ಆರಂಭವಾಗಲಿದೆ. [24*7 ಕಾರ್ಯನಿರ್ವಹಿಸಲಿದೆ ಮಂಗಳೂರು ವಿಮಾನ ನಿಲ್ದಾಣ]
ಈ ಸೇವೆ ಆರಂಭವಾದರೆ ಮಂಗಳೂರು ವಿಮಾನ ನಿಲ್ದಾಣದಿಂದ 8 ಅಂತರಾಷ್ಟ್ರೀಯ ವಿಮಾನಗಳು ಹಾರಾಟ ನಡೆಸಿದಂತಾಗುತ್ತದೆ. ಏರ್ ಇಂಡಿಯಾ ಎಕ್ಸ್ಪ್ರೆಸ್ ಈಗಾಗಲೇ ಮಂಗಳೂರಿನಿಂದ ದುಬೈ ಮತ್ತು ಅಬುದಾಬಿಗೆ ವಿಮಾನ ಸೇವೆ ನೀಡುತ್ತಿದೆ. [ವಿಮಾನ ನಿಲ್ದಾಣದಲ್ಲಿ ಇ-ವೀಸಾ ಸೌಲಭ್ಯ ಕಲ್ಪಿಸಿ]
ಇ-ವೀಸಾ ವ್ಯವಸ್ಥೆ ಮಾಡಿ : ಬೆಂಗಳೂರು, ಚೆನ್ನೈ, ಕೊಚ್ಚಿನ್, ದೆಹಲಿ, ಗೋವಾ, ಹೈದರಾಬಾದ್, ಕೋಲ್ಕತ್ತಾ, ಮುಂಬೈ ಮತ್ತು ತಿರುವಂತಪುರ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗಳಲ್ಲಿ ಇ-ವೀಸಾ ಪರಿಶೀಲನೆ ವ್ಯವಸ್ಥೆ ಇದೆ. ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವಾಗಿದ್ದರೂ ಇಲ್ಲಿ ಈ ಸೌಲಭ್ಯವಿಲ್ಲ. ಈ ವ್ಯವಸ್ಥೆ ಕಲ್ಪಿಸಿ ಎಂದು ಒತ್ತಾಯಿಸಲಾಗುತ್ತಿದೆ.