ಡಿ. 11ರಂದು ಮಂಗಳೂರಿನಲ್ಲಿ ಹರ್ಕ್ಯುಲಸ್ ಸೈಕಲ್ ಜಾಥಾ
ಮಂಗಳೂರು, ಡಿಸೆಂಬರ್ 10: ಸ್ವಸ್ತಿ ಆರ್ ಎಕ್ಸ್ ಲೈಫ್ ಟ್ರಸ್ಟ್ ನಿಂದ 10ನೇ ವರ್ಷದ ಆರ್ ಎಕ್ಸ್ ಲೈಫ್ ಹರ್ಕ್ಯುಲಸ್ ಸೈಕಲ್ ಜಾಥಾ(rally) ಡಿ. 11ರಂದು ಮಂಗಳೂರು ನಗರದಲ್ಲಿ ನಡೆಯಲಿದೆ ಎಂದು ಸಂಯೋಜಕ ಗಿರಿಧರ್ ಕಾಮತ್ ತಿಳಿಸಿದ್ದಾರೆ.
ಈ ಕುರಿತು ಮಾಹಿತಿ ನೀಡಿದ ಅವರು, ರಸ್ತೆ ಸುರಕ್ಷತೆ ಉದ್ದೇಶವಾಗಿಟ್ಟು, ಸುಮಾರು 22ಕಿ.ಮೀ ಜಾಥಾ ನಡೆಯಲಿದೆ. ರಾಲಿ ಬೆಳಗ್ಗೆ 6.30ಕ್ಕೆ ಲೇಡಿಹಿಲ್ ನಿಂದ ಹೊರಡಲಿದ್ದು, ಬಳಿಕ ಲೇಡಿಹಿಲ್- ಕೊಟ್ಟಾರ- ಕೂಳೂರು -ಪೇಜಾವರ ಕೂಳೂರು - ಉರ್ವಸ್ಟೋರ್- ಅಶೋಕನಗರ-ಹೊಯಿಗೆಬೈಲ್- ಬತ್ತೇರಿ ಮಾರ್ಗವಾಗಿ ಅಮೃತ ವಿದ್ಯಾಲಯಂ ಮೈದಾನದಲ್ಲಿ ಮುಕ್ತಾಯವಾಗಲಿದೆ ಎಂದರು.[ಪರಿಸರ ಸಂರಕ್ಷಣೆಗೆ ಬೆಂಗಳೂರಲ್ಲಿ ಸೈಕಲ್ ಜಾಥಾ]
ಹತ್ತು ವರ್ಷ ಮೇಲ್ಪಟ್ಟು, ಸೈಕಲ್ ಸವಾರಿ ಗೊತ್ತಿರುವವರು ಜಾಥಾದಲ್ಲಿ ಭಾಗವಹಿಸಬಹುದಾಗಿದೆ. ಭಾಗವಹಿಸಲಿಚ್ಚಿಸುವವರು ಮಣ್ಣಗುಡ್ಡ ಗುರ್ಜಿ ಸೆಂಟರ್ ಅಥವಾ ಪಾಂಡೇಶ್ವರ ಆರ್ ಎಕ್ಸ್ ಲೈಫ್ ನಲ್ಲಿ ಡಿ. 10ರ ರಾತ್ರಿ 9.30ರ ಒಳಗೆ ನೋಂದಾಯಿಸಿಕೊಳ್ಳಬಹುದಾಗಿದೆ. [ನೀರಿನಲ್ಲಿ ಚಲಿಸುವ ಸೈಕಲ್ ಆವಿಷ್ಕರಿಸಿದ 6ನೇ ಕ್ಲಾಸಿನ ಪೋರ!]
ಫೋಟೋ ಸ್ಪರ್ಧೆ: ಸಮೂಹ ಸವಾರಿ ಕಲ್ಪನೆಯೊಂದಿಗೆ ರಾಲಿಯ ಫೋಟೋ ಸ್ಪರ್ಧೆ ನಡೆಯಲಿದ್ದು , ಜಾಥಾ ಸಮಯದಲ್ಲಿ ಸೆರೆ ಹಿಡಿದ ಫೋಟೋವನ್ನು ಡಿ. 20ರೊಳಗಾಗಿ [email protected] ಗೆ ಕಳುಹಿಸಬಹುದು. ಆಯ್ದ ಫೋಟೋಗಳಿಗೆ ಬಹುಮಾನ ನೀಡಲಾಗುತ್ತದೆ ಮಾತ್ರವಲ್ಲದೆ ಮೊದಲ ಮೂರು ವಿಜೇತರಿಗೆ ನಗದು ಬಹುಮಾನವಾಗಿ 3000, 2000, 1000 ನೀಡಲಾಗುವುದು ಎಂದು ಅವರು ತಿಳಿಸಿದರು.[ಬೆಂಗಳೂರು : ಅವಳ ಬೆಂಬಲಕ್ಕಾಗಿ ಸೈಕಲ್ ಏರಿ!]
ನಾಳೆ ರಾಜಾ ದಿನವಾಗಿರುವುದರಿಂದ ಆಸಕ್ತರು ಈ ಸ್ಪರ್ಧೆ ವೀಕ್ಷಿಸಬಹುದು. ಭಾಗವಹಿಸಲಿಚ್ಚಿಸುವವರು ಈ ನಂಬರಿಗೆ 0824-2443192 ಅಥವಾ 9986754875 ಕರೆ ಮಾಡಬಹುದು.