Click it and Unblock the Notifications
Just In
-
-
-
Don't Miss
-
'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ! -
ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್ -
ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ -
ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಟಿಪ್ಪು ಗೋಹತ್ಯೆ ಮಾಡಿದ ಉಲ್ಲೇಖ ಇತಿಹಾಸದಲ್ಲಿ ಇಲ್ಲ'
ಮಂಗಳೂರು,ನವೆಂಬರ್, 30: ಗೋಮಾತೆ ದೇಶದ ಸಂಸ್ಕೃತಿಯ ಮೂಲ. ದೇಶದ ಕೃಷಿಗೆ ಮುಖ್ಯ ಆಧಾರವಾದ ಗೋವಿನ ವಿಚಾರದಲ್ಲಿ ರಾಜಕೀಯ ಮಾಡುವುದು ಸರಿಯಲ್ಲ ಎಂದು ವಾರಣಾಸಿಯ ಖ್ಯಾತ ಗೋಕಥಾ ನಿರೂಪಕ ಫಯಾಝ್ ಖಾನ್ ಹೇಳಿದ್ದಾರೆ.
ಮಂಗಳೂರಿನ ನಮೋ ಬ್ರಿಗೇಡ್ ಸಂಸ್ಥೆ ಆಯೋಜಿಸಿದ್ದ 'ಅಂಬೆಯ ಕೂಗು-ಗೋವಿನ ಕಥೆ' ಎಂಬ ವಿಶೇಷ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಪ್ರವಚನ ನೀಡಿದ ಫಯಾಝ್ ಖಾನ್, 'ಗೋವು ದೇಶದ ಕೃಷಿ, ಜನರ ಆರೋಗ್ಯವನ್ನು ಕಾಪಾಡುವ ಕಾಮಧೇನು. ಎಲ್ಲಿ ಗೋ ಸಂಪತ್ತನ್ನು ನಿರ್ಲಕ್ಷ್ಯ ಮಾಡಲಾಗುತ್ತದೆಯೇ ಅಲ್ಲಿ ಕೃಷಿ ಕುಂಠಿತವಾಗುತ್ತದೆ' ಎಂದು ಹೇಳಿದರು.[ಸತ್ತ ಕರುವಿಗೆ ನ್ಯಾಯ ಕೇಳುತ್ತಿರುವ 'ಪುಣ್ಯಕೋಟಿ'ಯ ಕಥೆ]
ಟಿಪ್ಪುಸುಲ್ತಾನ್ ಗೋ ಹತ್ಯೆ ಮಾಡಿದ ಉಲ್ಲೇಖ ಇತಿಹಾಸದ ಯಾವುದೇ ಪುಟಗಳಲ್ಲಿ ಸಿಗುವುದಿಲ್ಲ. ಆತ ಗೋಹತ್ಯೆ ಮಾಡಿದವರಿಗೆ ಕಠಿಣ ಶಿಕ್ಷೆ ವಿಧಿಸುತ್ತಿದ್ದನು. ಟಿಪ್ಪು ಹೆಸರಿನಲ್ಲಿ ರಾಜಕೀಯ ಮಾಡುವವರು ಟಿಪ್ಪುವಿನ ಈ ಕಾನೂನನ್ನು ಪಾಲಿಸಬೇಕಾಗಿದೆ ಎಂದು ಟಿಪ್ಪುವಿನ ಕುರಿತಾಗಿ ಇರುವ ಹಲವಾರು ಗೊಂದಲಗಳನ್ನು ಪರಿಹರಿಸಿದರು.
ಗೋ ಮಾಂಸ ಮುಸ್ಲಿಂ ಜನಾಂಗದ ಆಹಾರ ಸಂಸ್ಕೃತಿ ಎಂದು ಬಿಂಬಿಸಲಾಗುತ್ತಿದೆ. ಆದರೆ, ಮಹಮ್ಮದ್ ಪೈಗಂಬರರು ಗೋವಿನ ಹಾಲು ಹಾಗೂ ತುಪ್ಪವನ್ನು ಔಷಧವೆಂದು ಹೇಳಿದ್ದಾರೆ. ಅಲ್ಲದೆ ಆಡು, ಒಂಟೆ, ಕುದುರೆ ಮಾಂಸಗಳನ್ನು ಇಷ್ಟ ಪಟ್ಟಿರುವ ಉಲ್ಲೇಖವಿದೆಯೋ ಹೊರತು ಗೋ ಮಾಂಸ ಸೇವಿಸಿರುವುದಕ್ಕೆ ಯಾವುದೇ ಉಲ್ಲೇಖವಿಲ್ಲ ಎಂದರು.[ಕೊಲ್ಲೂರು ದೇವಳದಲ್ಲಿ ಟಿಪ್ಪು ಹೆಸರಿನಲ್ಲಿ ನಿತ್ಯಪೂಜೆ]
ದೇಶದಲ್ಲಿ ಬೀಸುತ್ತಿರುವ ಅಸಹಿಷ್ಣುತೆ ಎಂಬ ಪದ ಅರ್ಥಹೀನವಾದದ್ದು. ಎಲ್ಲಾ ಧರ್ಮೀಯರು ಸಹಿಷ್ಣುಗಳಾಗಿಯೇ ಬಾಳಿ ಬದುಕಿದ ನೆಲದಲ್ಲಿ ಇದ್ದಕ್ಕಿದ್ದಂತೆ ಅಸಹಿಷ್ಣುತೆ ಎಂಬ ಪದವನ್ನು ಬಳಸಿ ವಾತಾವರಣವನ್ನು ಹಾಳುಮಾಡುವ ಪ್ರಯತ್ನ ನಡೆಯುತ್ತಿದೆ. ಇದು ಸರಿಯಲ್ಲ. ಜನರು ಈ ವಿಚಾರದಲ್ಲಿ ವಿಚಾರವಂತರಾಗುವುದು ಮುಖ್ಯ ಎಂದು ಸಲಹೆ ನೀಡಿದರು.
