Click it and Unblock the Notifications
Just In
-
-
-
Don't Miss
-
ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್ -
DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಂಗನತಿಟ್ಟು ಪಕ್ಷಿಧಾಮದ ಹಿರಿಮೆಗೆ ಮತ್ತೊಂದು ಗರಿ!
ಮಂಡ್ಯ,ಆಗಸ್ಟ್.4: ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯ ಮಂಡ್ಯದ ರಂಗನತಿಟ್ಟು ಪಕ್ಷಿಧಾಮವನ್ನು ರಾಮ್ಸಾರ್ ಸೈಟ್ ಎಂದು ಘೋಷಿಸಿದೆ.
ಹತ್ತು ವರ್ಷಗಳ ಕಾಯುವಿಕೆಯ ನಂತರ ಕರ್ನಾಟಕವು ತನ್ನ ಮೊದಲ ರಾಮ್ಸಾರ್ ಸೈಟ್ ಅನ್ನು ಪಡೆದುಕೊಂಡಿದೆ. ಇದರೊಂದಿಗೆ ಅರಣ್ಯ ಇಲಾಖೆ, ಸ್ಥಳೀಯ ಆಡಳಿತ ಮತ್ತು ಪ್ರವಾಸೋದ್ಯಮ ಇಲಾಖೆಯು ತಾಣದ ಉತ್ತಮ ಸಂರಕ್ಷಣೆಯನ್ನು ಕಾಯ್ದುಕೊಳ್ಳಲು ಸಾಧ್ಯವಾಗುತ್ತದೆ.
ಈ ಮೂಲಕ ರಂಗನತಿಟ್ಟು ಪರಿಸರ, ಪ್ರವಾಸೋದ್ಯಮ ಸಾಮರ್ಥ್ಯವನ್ನು ಅಂತಾರಾಷ್ಟ್ರೀಯ ಗುಣಮಟ್ಟಕ್ಕೆ ಅಳೆಯುತ್ತದೆ. ರಂಗನತಿಟ್ಟು ಜೌಗು ಪ್ರದೇಶದ ಅವಿಭಾಜ್ಯ ಅಂಗವಾಗಿದ್ದು, 517.70 ಹೆಕ್ಟೇರ್‌ಗಳಲ್ಲಿ ವ್ಯಾಪಿಸಿದೆ. ಕಾವೇರಿ ನದಿಯ ಮಧ್ಯೆ ಈ ಪ್ರದೇಶ ನೆಲೆಗೊಂಡಿದೆ.
ಬಾಂಬೆ ನ್ಯಾಚುರಲ್ ಹಿಸ್ಟರಿ ಸೊಸೈಟಿಯಿಂದ ಗುರುತಿಸಲ್ಪಟ್ಟ ಕರ್ನಾಟಕದ 42 ತಾಣಗಳ ಪ್ರಮುಖ ಪಕ್ಷಿ ಪ್ರದೇಶಗಳ ಪಟ್ಟಿಯಲ್ಲಿ ಇದು ಸ್ಥಾನವನ್ನು ಪಡೆದುಕೊಂಡಿದೆ. ರಂಗನತಿಟ್ಟು 188 ಜಾತಿಯ ಸಸ್ಯಗಳು, 225 ಜಾತಿಯ ಪಕ್ಷಿಗಳು, 69 ಜಾತಿಯ ಮೀನುಗಳು, 13 ಜಾತಿಯ ಕಪ್ಪೆಗಳು, 98 ಜಾತಿಯ ಔಷಧೀಯ ಸಸ್ಯಗಳು ಮತ್ತು 30 ಜಾತಿಯ ಚಿಟ್ಟೆಗಳನ್ನು ಹೊಂದಿದೆ.
ಇದು ಸುಮಾರು 20 ಜಾತಿಯ ನೀರಿನ ಪಕ್ಷಿಗಳಿಗೆ ಪ್ರಮುಖ ಸಂತಾನೋತ್ಪತ್ತಿ ತಾಣವಾಗಿದೆ. ಅವುಗಳಲ್ಲಿ 17 ಸ್ಥಳದಲ್ಲೇ ದ್ವೀಪಗಳಲ್ಲಿ ಬೆಳೆಯುವ ಮರಗಳ ಮೇಲೆ ಸಂತಾನೋತ್ಪತ್ತಿ ಮಾಡುತ್ತವೆ. ಇದು ಮಗ್ಗರ್ ಮೊಸಳೆಗಳು (ಕ್ರೊಕೊಡೈಲಸ್ ಪಲುಸ್ಟ್ರಿಸ್), ನೀರುನಾಯಿ (ಲುಟ್ರೋಗೇಲ್ ಪರ್ಸ್ಪಿಸಿಲ್ಲಾಟಾ) ಮತ್ತು ಅಳಿವಿನಂಚಿನಲ್ಲಿರುವ ಮಹಸೀರ್ ಮೀನು (ಟಾರ್ ರಲ್ಲಿರೆಮಾದೇವಿ) ಗಳ ಸಂತತಿಯನ್ನು ಇಲ್ಲಿ ಹೊಂದಿದೆ.
ಕಪ್ಪು-ತಲೆಯ ಐಬಿಸ್ ಪಕ್ಷಿಗಳ ತಾಣ
ಏಷ್ಯನ್ ಓಪನ್‌ಬಿಲ್, ಸ್ಪಾಟ್- ಬಿಲ್ಡ್ ಪೆಲಿಕಾನ್ ಮತ್ತು ಕಪ್ಪು-ತಲೆಯ ಐಬಿಸ್ ಪಕ್ಷಿಗಳ ವಿಶ್ವದ ಜನಸಂಖ್ಯೆಯ 1 ಪ್ರತಿಶತಕ್ಕಿಂತ ಹೆಚ್ಚಿನದನ್ನು ಇಲ್ಲಿ ಕಾಣಬಹುದಾಗಿದೆ. ಕರ್ನಾಟಕದಲ್ಲಿ ಇನ್ನೂ ಕೆಲವು ರಾಮ್ಸಾರ್ ಸೈಟ್‌ಗಳನ್ನು ಘೋಷಿಸುವ ಕೆಲಸ ನಡೆಯುತ್ತಿದೆ. ರಾಜ್ಯ ವೆಟ್ಲ್ಯಾಂಡ್ ಪ್ರಾಧಿಕಾರದ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.
ಆಗಸ್ಟ್ 15 ರೊಳಗೆ 75 ರಾಮ್ಸರ್ ಸೈಟ್ ಘೋಷಿಸುವ ಗುರಿ
ಕರ್ನಾಟಕದಲ್ಲಿ ಕುಮಟಾದ ಅಘನಾಶಿನಿ, ಬಳ್ಳಾರಿಯ ಅಂಕಸಮುದ್ರ, ಗದಗಿನ ಮಾಗಡಿ ಮತ್ತು ತುಂಗಭದ್ರಾ ಹಿನ್ನೀರು ಸೇರಿವೆ. ನಮಗಿಂತ ಹೆಚ್ಚಾಗಿ ಕೇಂದ್ರ ಜಲಾನಯನ ಪ್ರಾಧಿಕಾರವು ಜಲಮೂಲಗಳನ್ನು ನಿರ್ಣಯಿಸಿರುವುದರಿಂದ ಮತ್ತು ಕರ್ನಾಟಕಕ್ಕೆ ಇದುವರೆಗೆ ಅಂತಹ ಯಾವುದೇ ಸೈಟ್ ಇಲ್ಲದಿರುವುದು ದುರದೃಷ್ಟಕರ ಎಂದು ಪ್ರತಿಕ್ರಿಯಿಸಿದ್ದಾರೆ. ದೇಶದ ಸ್ವಾತಂತ್ರ್ಯದ 75 ನೇ ವರ್ಷಕ್ಕೆ ಅನುಗುಣವಾಗಿ ಆಗಸ್ಟ್ 15 ರೊಳಗೆ 75 ರಾಮ್ಸರ್ ಸೈಟ್‌ಗಳನ್ನು ಘೋಷಿಸುವ ಗುರಿಯನ್ನು ಕೇಂದ್ರ ಹೊಂದಿದೆ.
ಭಾರತದಲ್ಲಿ ಈಗ 42 ರಾಮ್ಸರ್ ಸೈಟ್‌ಗಳು
ರಂಗನತಿಟ್ಟು ರಾಮ್ಸರ್ ಸೈಟ್ ಎಂದು ಘೋಷಿಸುವ ಪ್ರಸ್ತಾಪವನ್ನು ಮಾಜಿ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಯು. ವಿ. ಸಿಂಗ್ ಅವರು ಪ್ರಸ್ತಾಪಿಸಿದ್ದರು. ದೇಶವು ಈಗ 42 ರಾಮ್ಸರ್ ಸೈಟ್‌ಗಳನ್ನು ಹೊಂದಿದೆ. ಬುಧವಾರ ಅರಣ್ಯ, ಸ್ಥಳೀಯ ಆಡಳಿತ ಮತ್ತು ಪ್ರವಾಸೋದ್ಯಮ ಇಲಾಖೆಯು ರಂಗನತಿಟ್ಟು ಜೊತೆಗೆ ಗೋವಾದ ನಂದಾ ಸರೋವರ, ಮಧ್ಯಪ್ರದೇಶದ ಸಿರ್ಪುರ್ ಜೌಗು ಪ್ರದೇಶ ಮತ್ತು ಒಡಿಶಾದ ಸತ್ಕೋಸಿಯಾ ಗಾರ್ಜ್‌ ಅನ್ನು ಪಟ್ಟಿಗೆ ಸೇರಿಸಿದೆ.
ಚಿಲಿಕಾ ಸರೋವರ ಭಾರತದ ಮೊದಲ ರಾಮ್ಸಾರ್ ತಾಣ
1975ರಲ್ಲಿ ಇರಾನ್ ದೇಶದಲ್ಲಿರುವ ರಾಮ್ಸಾರ್ ಎಂಬಲ್ಲಿ ವಿಶ್ವದ ವಿವಿಧ ಚೌಗು ಪ್ರದೇಶಗಳ ಸಂರಕ್ಷಣೆಗೆ ಸಮಾವೇಶ ನಡೆದಿತ್ತು. ಇದನ್ನು ರಾಮ್ಸಾರ್ ಸಮಾವೇಶ ಎಂದು ಕರೆಲಾಯಿತು. ಈ ಸಮಾವೇಶ ಚೌಗು ತಾಣಗಳ ಸಂರಕ್ಷಣೆಗೆ ಮಾರ್ಗದರ್ಶನನ ನೀಡಲಿದೆ. ಜೊತೆಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳಲಿದೆ. ಈ ಒಪ್ಪಂದಕ್ಕೆ ಭಾರತವು ಸಹಿ ಹಾಕಿದೆ. ಓಡಿಶಾದಲ್ಲಿರುವ ಚಿಲಿಕಾ ಸರೋವರ ಭಾರತದ ಮೊದಲ ರಾಮ್ಸಾರ್ ತಾಣವಾಗಿದೆ. ಭಾರತದಲ್ಲಿ ಈವರೆಗೂ ಒಟ್ಟು 42 ರಾಮ್ಸಾರ್ ತಾಣಗಳಿವೆ.
Recommended Video
