ಡಿಸ್ನಿಲ್ಯಾಂಡ್ ಮಾದರಿ ಯೋಜನೆ: ಕೆಆರ್‌ಎಸ್‌ಗೆ ಡಿ.ಕೆ.ಶಿವಕುಮಾರ್ ಭೇಟಿ

ಮಂಡ್ಯ, ಡಿಸೆಂಬರ್ 08: ಜಲಸಂಪನ್ಮೂಲ ಸಚಿವ ಡಿ.ಕೆ.ಶಿವಕುಮಾರ್ ಅವರು ಇಂದು ಕೆಆರ್‌ಎಸ್‌ಗೆ ಭೇಟಿ ನೀಡಿ, ಡಿಸ್ನಿಲ್ಯಾಂಡ್ ಮಾದರಿಯಲ್ಲಿ ಕೆಆರ್‌ಎಸ್‌ ಅಭಿವೃದ್ಧಿ ಬಗ್ಗೆ ತಜ್ಞರ ಜೊತೆ ಪರಿಶೀಲನೆ ನಡೆಸಿದರು.

ಡಿಸ್ನಿಲ್ಯಾಂಡ್‌ ಮಾದರಿಯಲ್ಲಿಯೇ ಕೆಆರ್‌ಎಸ್‌ ಅನ್ನು ಅಭಿವೃದ್ಧಿಪಡಿಸಬೇಕು ಎಂದು ಮೈತ್ರಿ ಸರ್ಕಾರ ಯೋಜನೆ ರೂಪಿಸಿದ್ದು, ಅದಕ್ಕೆಂದು ಡಿ.ಕೆ.ಶಿವಕುಮಾರ್ ಅವರು ಎಂಜಿನಿಯರ್‌ಗಳು ಹಾಗೂ ಹಲವು ತಜ್ಞರೊಡನೆ ಕೆಆರ್‌ಎಸ್‌ಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಕೆಆರ್‌ಎಸ್‌ನ ನಕ್ಷೆ ಹಿಡಿದು ಸ್ಥಳಗಳನ್ನು ಗುರುತು ಹಾಕಿಕೊಂಡ ಡಿ.ಕೆ.ಶಿ ಆ ನಂತರ ಕೆಆರ್‌ಎಸ್‌ ಗಡಿಗಳ ಪ್ರದಕ್ಷಿಣೆ ಹಾಕಿ ಸ್ಥಳ ಪರಿಶೀಲನೆ ನಡೆಸಿದರು. ಈ ಸಮಯದಲ್ಲಿ ಅವರ ಜೊತೆ ಸಚಿವರಾದ ಡಿ.ಸಿ.ತಮ್ಮಣ್ಣ, ಸಿ.ಎಸ್.ಪುಟ್ಟರಾಜು, ಕಾವೇರಿ ಪ್ರಾಧಿಕಾರದ ಅಧಿಕಾರಿಗಳು ಇದ್ದರು.

ಆ ನಂತರ ಸಚಿವರು ಶಿಂಶಾ ಜಲವಿದ್ಯುತ್‌ ಘಟಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಸಚಿವರು ನಿನ್ನೆಯಷ್ಟೆ ಮೇಕೆದಾಟು ಪ್ರದೇಶಕ್ಕೆ ತಜ್ಞರೊಂದಿಗೆ ಭೇಟಿ ನೀಡಿದ್ದರು. ಅಲ್ಲಿ ಅಣೆಕಟ್ಟೆ ನಿರ್ಮಾಣ ಕಾರ್ಯಕ್ಕರ ಸುಪ್ರಿಂ ಇತ್ತೀಚೆಗಷ್ಟೆ ಒಪ್ಪಿಗೆ ನೀಡಿದೆ.

English summary

Water resource minister DK Shivakumar today visited KRS. government planing to develop KRS like Disneyland so DK Shivakumar visited KRS and talked to local engineers and specialists.