ಅಂಬಿಗೆ ವಯಸ್ಸಾಯ್ತು, ಮಂಡ್ಯ ಮತಗಟ್ಟೆಯಲ್ಲಿ ಇಂದು ಸಾಬೀತಾಯ್ತು!
Recommended Video
ಮಂಡ್ಯ, ನವೆಂಬರ್ 03: 'ಅಂಬಿ ನಿಂಗೆ ವೈಸಾಯ್ತೋ' ಸಿನಿಮಾದಲ್ಲಿ ಇತ್ತೀಗಷ್ಟೆ ನಟಿಸಿರುವ ಅಂಬರೀಶ್ಗೆ ನಿಜವಾಗಿಯೂ ವಯಸ್ಸಾಗಿದೆ ಬಿಡಿ. ಅದಕ್ಕೆ ಉದಾಹರಣೆ ಇಂದಿನ ಮತದಾನ.
ಇಂದು ಬೆಳಿಗ್ಗೆಯೇ ಮಂಡ್ಯದಲ್ಲಿ ಮತಹಾಕಲು ಹೋದ ಅಂಬರೀಶ್ ಅವರು ಮತಗಟ್ಟೆ ಒಳಗೆ ಕಾಲಿಡುತ್ತಿದ್ದಂತೆ 'ಫುಲ್ ಕತ್ಲು-ಕತ್ಲು'. ಏನ್ರಿ ಬೆಳಕಿನ ವ್ಯವಸ್ಥೆನೇ ಸರಿಯಾಗಿ ಮಾಡಿಲ್ವಲ್ಲ ಎಂದು ಗೊಣಗಿಕೊಳ್ಳುತ್ತಲೇ ಮತಯಂತ್ರದ ಬಳಿ ಹೋಗಿದ್ದಾರೆ ಅಂಬಿ.
ಮಂಡ್ಯ ಚುನಾವಣೆ : ಎಡವಟ್ಟು ಮಾಡಿಕೊಂಡ ಎಲ್.ಆರ್.ಶಿವರಾಮೇಗೌಡ!
ಮತಯಂತ್ರದ ಬಳಿ ಅಂತೂ ಇನ್ನೂ ಹೆಚ್ಚಿಗೆ ಕತ್ತಲು. 'ಲೇ ಬೆಳಕೇ ಇಲ್ವಲ್ರೋ, ಏನೂ ಕಾಣಿಸ್ತಿಲ್ಲ, ಟಾರ್ಚ್ ತಗೋಂಡ್ ಬನ್ರೋ' ಎಂದು ರಗಡ್ ಸ್ಟೈಲ್ ಅಲ್ಲಿ ಅಂಬಿ ಆವಾಜ್ ಹೊಡೆದಿದ್ದಾರೆ. ತಕ್ಷವೇ ಅವರ ಹಿಂಬಾಲಕರು ಮೊಬೈಲ್ ಟಾರ್ಚ್ ಅನ್ನು ಮತಯಂತ್ರದ ಕಡೆ ಹಿಡಿದಿದ್ದಾರೆ ಆಗ ಅಂಬಿ ಅವರು ಗುರಿ ನೋಡಿ ತಮ್ಮಿಷ್ಟದ ಪಕ್ಷಕ್ಕೆ ಮತ ಚಲಾಯಿಸಿ ಹೊರ ಬಂದಿದ್ದಾರೆ.
ಮಂಡ್ಯದಲ್ಲಿ ಅಂಬರೀಶ್ ಸಾಥ್ ನೀಡದಿದ್ದರೆ ರಾಜಕೀಯ ಕಷ್ಟ ಸ್ವಾಮೀ!
ಕಾಂಗ್ರೆಸ್ ಮತ್ತು ಕುಮಾರಸ್ವಾಮಿ ಬಗ್ಗೆ ಅಂಬರೀಶ್ ಹೊಡೆದ್ರು ಖಡಕ್ ಡೈಲಾಗ್
ಮತಗಟ್ಟೆಯಿಂದ ಹೊರಬರುವ ಮುನ್ನಾ 'ಮತಕೇಂದ್ರದಲ್ಲಿ ಸ್ವಲ್ಪ ಬೆಳಕಿನ ವ್ಯವಸ್ಥೆ ಮಾಡಿಸ್ರಿ, ಮತಯಂತ್ರದ ಬಳಿ ಅಂತೂ ಏನೂ ಕಾಣೋದೇ ಇಲ್ಲ' ಎಂದು ಮತಗಟ್ಟೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.