ಪೊಲೀಸ್ ಸಿಬ್ಬಂದಿಗಳ ಸಾಮೂಹಿಕ ಶ್ರಮದಾನ; ಕ್ವಾಟ್ರಸ್ ಕ್ಲೀನ್
ಮಡಿಕೇರಿ, ಫೆಬ್ರವರಿ 11: ಕೊಡಗು-ಹಾಸನ ಗಡಿ ಪ್ರದೇಶವಾದ ಶನಿವಾರಸಂತೆ ಪೋಲೀಸರು ಬೆಳಗ್ಗೆ ಕಾರ್ಯಾಚರಣೆಗಿಳಿದಿದ್ದರು. ಆದರೆ, ಇದು ಎಂದಿನಂತೆ ಸಮಾಜ ವಿರೋಧಿಗಳ, ಕ್ರಿಮಿನಲ್ಗಳ ವಿರುದ್ದದ ಕಾರ್ಯಾಚರಣೆಯಲ್ಲ. ಬದಲಿಗೆ ತಮ್ಮ ಮನೆಯ ಸುತ್ತ-ಮುತ್ತ ಸ್ವಚ್ಚಗೊಳಿಸುವ ವಿನೂತನ ಕಾರ್ಯಾಚರಣೆ.
ಪೊಲೀಸ್ ವಸತಿ ಗೃಹಗಳ ಸುತ್ತ-ಮುತ್ತ ಗಿಡಗಂಟಿಗಳು ಬೆಳೆದು ನಿಂತಿದ್ದವು. ಇದರಿಂದ ಹಾವುಗಳ ಕಾಟವೂ ಜಾಸ್ತಿ ಆಗಿತ್ತು. ಸಮೀಪದ ಚರಂಡಿಯಲ್ಲೂ ಕೆಸರು ಕಟ್ಟಿಕೊಂಡು ನೀರು ಸರಾಗವಾಗಿ ಹರಿಯದೆ ಸೊಳ್ಳೆ , ನೊಣಗಳು ಹೆಚ್ಚಾಗಿದ್ದವು.
ಶ್ರಮದಾನ ಮಾಡುವ ಮೂಲಕ ಗಮನಸೆಳೆದ ಮಡಿಕೇರಿ ಪೊಲೀಸರು
ಇದನ್ನು ಸ್ವಚ್ಚಗೊಳಿಸಲು ಪುರುಷ ಹಾಗೂ ಮಹಿಳಾ ಪೊಲೀಸ್ ಸಿಬ್ಬಂದಿಗಳು ಸಾಮೂಹಿಕ ಶ್ರಮದಾನಕ್ಕೆ ಮುಂದಾದರು. ಗುರುವಾರ ಬೆಳಗ್ಗೆ 7 ಘಂಟೆಯಿಂದಲೇ ಗುದ್ದಲಿ, ಕತ್ತಿಯೊಂದಿಗೆ ಕೆಲಸ ಆರಂಭಿಸಿದರು. ಪೊಲೀಸ್ ಠಾಣೆಗೆ ತೆರಳುವ ಮಾರ್ಗ ಹಾಗೂ ಸುತ್ತಲೂ ಬೆಳೆದಿದ್ದ ಕುರುಚಲು ಗಿಡಗಳನ್ನು ಕಳೆ ಕೊಚ್ಚುವ ಯಂತ್ರಗಳಿಂದ ಸ್ವಚ್ಛಗೊಳಿಸಿದರು.
ಪೊಲೀಸ್ ಸಿಬ್ಬಂದಿಗೆ ಕಡ್ಡಾಯ ವಾರದ ರಜೆ ಕೊಡಿ: ಪೊಲೀಸ್ ಮಹಾ ನಿರ್ದೇಶಕರ ಆದೇಶ
ಮೂರು ಗಂಟೆಗಳ ಶ್ರಮದಾನದ ಮೂಲಕ ಪರಿಸರವು ಸಂಪೂರ್ಣ ಸ್ವಚ್ಚವಾಯಿತು. ಒಳಚರಂಡಿಯಲ್ಲೂ ಕೊಳಚೆ ನೀರು ಸರಾಗವಾಗಿ ಹರಿಯಲಾರಂಭಿಸಿತು. ಪೊಲೀಸರ ಈ ಕಾರ್ಯಕ್ಕೆ ಗ್ರಾಮಸ್ಥರು ಮೆಚ್ಚುಗೆಯನ್ನೂ ಸೂಚಿಸಿದ್ದಾರೆ.
ಪೊಲೀಸ್ ಠಾಣೆಯಲ್ಲಿ ಬಗೆಹರಿದ ಒಂದು ಕೋಣದ ವಿವಾದ!
Recommended Video
ಸದಾ ಲಾಠಿ, ಬಂದೂಕು ಹಿಡಿದು ಓಡಾಡುತ್ತಿದ್ದ ಪೊಲೀ ಸ್ವಚ್ಛತಾ ಕಾರ್ಯದಲ್ಲೂ ಭಾಗವಹಿಸುವ ಮೂಲಕ ತಾವು ಎಲ್ಲಾ ಕೆಲಸಕ್ಕೂ ಸೈ ಎಂಬ ಸಂದೇಶ ರವಾನಿಸಿದ್ದಾರೆ.