ದೇಶದಲ್ಲಿಯೇ ಆ.7ಕ್ಕೆ ಅತ್ಯಧಿಕ ಮಳೆ ಪ್ರಮಾಣ ದಾಖಲಿಸಿದ ಕೊಡಗು
ಮಡಿಕೇರಿ, ಆಗಸ್ಟ್ 08: ಶುಕ್ರವಾರ ಕೊಡಗಿನಲ್ಲಿ ಸುರಿದ ಮಳೆ ದೇಶದಲ್ಲಿಯೇ ಅತಿ ಹೆಚ್ಚಿನ ಪ್ರಮಾಣದ ಮಳೆಯಾಗಿದೆ. ಆಗಸ್ಟ್ 7ರಂದು ಶುಕ್ರವಾರ ಕೊಡಗು ಜಿಲ್ಲೆಯಲ್ಲಿ ದಾಖಲೆಯ, 235 ಮಿ.ಮೀ. ಮಳೆಯಾಗಿದೆ. ಇದು ನಿನ್ನೆ ದೇಶದಲ್ಲಿಯೇ ಸುರಿದ ಅತ್ಯಧಿಕ ಮಳೆ ಪ್ರಮಾಣವಾಗಿದೆ.
Recommended Video
ಹವಾಮಾನ ಇಲಾಖೆ ಮಾಹಿತಿಯಂತೆ ಮಹಾರಾಷ್ಟ್ರದ ಮಹಾಬಲೇಶ್ವರ, ಮೆರಥೆರಾನ್ ವ್ಯಾಪ್ತಿ ಕೊಡಗು ಜಿಲ್ಲೆ ನಂತರ ಅತ್ಯಧಿಕ ಮಳೆ ಬಿದ್ದ ಪ್ರದೇಶಗಳಾಗಿದೆ. ದೇಶದಲ್ಲಿ ಕನಾ೯ಟಕ ರಾಜ್ಯ ಅತ್ಯಧಿಕ ಮಳೆಯಾದ ರಾಜ್ಯವಾಗಿದೆ.
ಕೊಡಗಿನಲ್ಲಿ ನಿಲ್ಲದ ಗಾಳಿ ಮಳೆ: ಜಿಲ್ಲಾದ್ಯಂತ ರೆಡ್ ಅಲರ್ಟ್ ಘೋಷಣೆ
ಆ.8 ಮತ್ತು 9 ರಂದು ಕೊಡಗಿನಲ್ಲಿ ಮಳೆ ಇಳಿಮುಖವಾಗುವ ಸಾಧ್ಯತೆಯಿದೆಯಾದರೂ ಆ.10, 11 ಮತ್ತು 12 ರಂದು ಮತ್ತೆ ಅತ್ಯಧಿಕ ಮಳೆಯಾಗುವ ಸಾಧ್ಯತೆಯಿದೆ ಎಂದೂ ಹವಾಮಾನ ಇಲಾಖೆ ಮುನ್ನೆಚ್ಚರಿಕೆ ನೀಡಿದೆ. ಕೊಡಗು ಜಿಲ್ಲೆಯಲ್ಲಿ ಕಳೆದ ಕೆಲವು ದಿನಗಳಿಂದ ನಿರಂತರವಾಗಿ ಮಳೆಯಾಗುತ್ತಿದೆ. ಧಾರಾಕಾರ ಮಳೆಯಿಂದಾಗಿ ಅಲ್ಲಲ್ಲಿ ಗುಡ್ಡ ಕುಸಿಯುವ ಸಂಗತಿಯೂ ಜರುಗುತ್ತಿದೆ. ಮಳೆ ನಿಲ್ಲದಾಗಿದ್ದು, ಜನರು ಪ್ರವಾಹ ಹಾಗೂ ಭೂಕುಸಿತ ಸಂಭವಿಸುವ ಆತಂಕದಲ್ಲಿದ್ದಾರೆ. ಕೆಲವರು ಈಗಾಗಲೇ ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಗೊಂಡಿದ್ದಾರೆ.