• search
  • Live TV
ಲಕ್ನೋ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಉತ್ತರ ಪ್ರದೇಶದಲ್ಲಿ ವೃದ್ಧೆಯರಿಗೆ ಕೊರೊನಾ ಲಸಿಕೆ ಬದಲಿಗೆ Anti-ರೇಬಿಸ್ ಲಸಿಕೆ!

|

ಲಕ್ನೋ, ಏಪ್ರಿಲ್ 09: ಉತ್ತರ ಪ್ರದೇಶದಲ್ಲಿ ಕೊರೊನಾವೈರಸ್ ಲಸಿಕೆ ಅಭಾವದಿಂದ ಲಸಿಕಾ ಕೇಂದ್ರಗಳನ್ನು ಮುಚ್ಚಲಾಗುತ್ತಿದೆ. ಇದರ ಮಧ್ಯೆ ರಾಜ್ಯದಲ್ಲಿ ಮೂವರು ವೃದ್ಧೆಯರಿಗೆ ಕೊವಿಡ್-19 ಲಸಿಕೆ ಬದಲಿಗೆ Anti-ರೇಬಿಸ್ ಲಸಿಕೆ ನೀಡಿರುವ ಬಗ್ಗೆ ಆರೋಪ ಕೇಳಿ ಬಂದಿದೆ.

ಉತ್ತರ ಪ್ರದೇಶದ ಶಮ್ಲಿ ಎಂಬಲ್ಲಿ ಆಂಟಿ-ರೇಬಿಸ್ ಲಸಿಕೆ ಪಡೆದ ಮೂವರು ಮಹಿಳೆಯರು ಅಸ್ವಸ್ಥಗೊಂಡಿದ್ದಾರೆ. 70 ವರ್ಷದ ಸರೋಜಾ, 72 ವರ್ಷದ ಅನಾರ್ಕಲಿ ಮತ್ತು 60 ವರ್ಷದ ಸತ್ಯವತಿ ಅವರು ಕೊರೊನಾವೈರಸ್ ಲಸಿಕೆ ಪಡೆಯುವುದಕ್ಕಾಗಿ ಕಂಧ್ಲಾದಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ತೆರಳಿದ್ದರು.

ಲಸಿಕೆ ವಿತರಣೆಯಲ್ಲೂ ಕೇಂದ್ರ ರಾಜಕೀಯ ಆಟವಾಡುತ್ತಿದೆ; ರಾಜ್ಯಗಳ ದೂರುಲಸಿಕೆ ವಿತರಣೆಯಲ್ಲೂ ಕೇಂದ್ರ ರಾಜಕೀಯ ಆಟವಾಡುತ್ತಿದೆ; ರಾಜ್ಯಗಳ ದೂರು

ಕೊವಿಡ್-19 ಲಸಿಕೆ ಪಡೆಯಲು ತೆರಳಿದ್ದ ವೃದ್ಧೆಯರಿಗೆ ಆಂಟಿ-ರೇಬಿಸ್ ಲಸಿಕೆ ನೀಡಿದರ ಬಗ್ಗೆ ಪ್ರಮಾಣಪತ್ರ ಒದಗಿಸಲಾಯಿತು. ಇದರಿಂದ ಕೆರಳಿದ ಕುಟುಂಬದ ಸದಸ್ಯರು ಆರೋಗ್ಯ ಕೇಂದ್ರ ಎದುರಿನಲ್ಲೇ ಪ್ರತಿಭಟನೆ ನಡೆಸಿದರು.

ವೈದ್ಯಕೀಯ ಸಿಬ್ಬಂದಿ ವಿರುದ್ಧ ಕ್ರಮಕ್ಕೆ ಆಗ್ರಹ:

ಕೊರೊನಾವೈರಸ್ ಲಸಿಕೆ ಬದಲಿಗೆ ರೇಬಿಸ್ ಲಸಿಕೆಯನ್ನು ನೀಡಿದ ಆರೋಗ್ಯ ಸಿಬ್ಬಂದಿ ವಿರುದ್ಧ ಕುಟುಂಬ ಸದಸ್ಯರು ಆಕ್ರೋಶ ಹೊರಹಾಕಿದರು. ಕುಟುಂಬ ಸದಸ್ಯರ ಆಗ್ರಹದ ಹಿನ್ನೆಲೆ ಈ ಘಟನೆಗೆ ಕಾರಣರಾದ ವೈದ್ಯಕೀಯ ಸಿಬ್ಬಂದಿಯನ್ನು ವಿಚಾರಣೆಗೊಳಪಡಿಲಾಗುತ್ತದೆ. ಇದರ ಜೊತೆಗೆ ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಆರೋಗ್ಯ ಕೇಂದ್ರ ಉಸ್ತುವಾರಿ ಬೀಜೇಂದ್ರ ಸಿಂಗ್ ಸ್ಪಷ್ಟಪಡಿಸಿದ್ದಾರೆ.

English summary
Three UP Women Claim They Were Given Anti-rabies Injection Instead Of Corona Vaccine; Order To Probe.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X