2022ರ ಯುಪಿ ಚುನಾವಣೆಗೆ ಪತ್ತೆ ಕಾಣಿಸಿಕೊಳ್ತಾರಾ 'ಹಳದಿ ಸೀರೆ' ಅಧಿಕಾರಿ
ಲಕ್ನೋ ಡಿಸೆಂಬರ್ 24: 2022ರ ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆಗೆ ಸಂಬಂಧಿಸಿದಂತೆ ರಾಜಕೀಯ ಪಕ್ಷಗಳ ಪ್ರಚಾರ ಬಿರುಸುಗೊಂಡಿದೆ. ರ್ಯಾಲಿಗಳು ಮತ್ತು ಸಾರ್ವಜನಿಕ ಸಭೆಗಳನ್ನು ಮಾಡಲಾಗುತ್ತಿದೆ. ಈ ಚುನಾವಣಾ ವಾತಾವರಣದಲ್ಲಿ 'ಹಳದಿ ಸೀರೆ' ತೊಟ್ಟ ಮಹಿಳಾ ಚುನಾವಣಾಧಿಕಾರಿ ಮತ್ತೊಮ್ಮೆ ಗಮನ ಸೆಳೆದಿದ್ದಾರೆ. 2019 ರ ಲೋಕಸಭಾ ಚುನಾವಣೆಯಲ್ಲಿ ಹಳದಿ ಸೀರೆಯನ್ನು ಧರಿಸಿ ಬಂದಿದ್ದ ಮಹಿಳಾ ಅಧಿಕಾರಿ ರೀನಾ ದ್ವಿವೇದಿ ಅವರು ತಮ್ಮ ನೋಟ ಮತ್ತು ವಿಶೇಷ ಶೈಲಿಯಿಂದಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಸುದ್ದಿಯಾಗಿದ್ದರು. ಮುಂಬರುವ ಯುಪಿ ಚುನಾವಣೆಯಲ್ಲಿ ರೀನಾ ದ್ವಿವೇದಿಯನ್ನು ಹೊಸ ಶೈಲಿಯಲ್ಲಿ ಕಾಣಬಹುದು ಎನ್ನಲಾಗುತ್ತಿದೆ. ಸುದ್ದಿ ವಾಹಿನಿಯೊಂದರೊಂದಿಗಿನ ಸಂವಾದದಲ್ಲಿ ಮಾತನಾಡಿದ ಅವರು, ರಾಜ್ಯ ಚುನಾವಣೆಗಳು ತನಗೆ ಅವಕಾಶ ನೀಡಿದರೆ, ಖಂಡಿತವಾಗಿಯೂ ಮತದಾನ ಮಾಡಲು ಜನರಲ್ಲಿ ಜಾಗೃತಿ ಮೂಡಿಸುತ್ತೇನೆ ಎಂದು ಅವರು ಹೇಳಿದ್ದಾರೆ.
ರೀನಾ ದ್ವಿವೇದಿ ಲಕ್ನೋ ನಿವಾಸಿ
2019 ರ ಲೋಕಸಭೆ ಚುನಾವಣಾ ಕರ್ತವ್ಯದ ಸಮಯದಲ್ಲಿ 'ಹಳದಿ ಸೀರೆ' ಮಹಿಳಾ ಅಧಿಕಾರಿಯಾಗಿ ಖ್ಯಾತಿ ಪಡೆದ ರೀನಾ ದ್ವಿವೇದಿ ಲಕ್ನೋ ನಿವಾಸಿ. 2004 ರಲ್ಲಿ, ಅವರು PWD ಇಲಾಖೆಯಲ್ಲಿ ಕೆಲಸ ಮಾಡುವ ಹಿರಿಯ ಸಹಾಯಕ ಸಂಜಯ್ ದ್ವಿವೇದಿ ಅವರನ್ನು ವಿವಾಹವಾದರು. ರೀನಾ ಅವರ ಪತಿ ಅನಾರೋಗ್ಯದಿಂದ 2013 ರಲ್ಲಿ ನಿಧನರಾದರು. ರೀನಾ ದ್ವಿವೇದಿ ಒಬ್ಬ ಮಗನ ತಾಯಿ, ಆದರೆ ಅವರ ಫಿಟ್ನೆಸ್ನಿಂದ ಅವರ ವಯಸ್ಸನ್ನು ಊಹಿಸುವುದು ತುಂಬಾ ಕಷ್ಟ.
ಹಳದಿ ಸೀರೆಯ ಫೋಟೋ ವೈರಲ್
5 ಮೇ 2019 ರಂದು ಲೋಕಸಭಾ ಚುನಾವಣೆಯ ಸಂದರ್ಭದಲ್ಲಿ ರೀನಾ ದ್ವಿವೇದಿ ಅವರ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ರೀನಾ ದ್ವಿವೇದಿ ಅವರು ಲಕ್ನೋದ ನಾಗ್ರಾಮ್ನ ಮತಗಟ್ಟೆ ಸಂಖ್ಯೆ 173 ರಲ್ಲಿ ಚುನಾವಣೆಯ ಸಿದ್ಧತೆಗಳನ್ನು ಪರಿಶೀಲಿಸಲು ಬಂದಿದ್ದರು. ಈ ವೇಳೆ ಅವರ ಉಡುಪು ನೋಡುಗರ ಕಣ್ಣು ಕುಕ್ಕಿತ್ತು. ಫುಲ್ ಟ್ರಾನ್ಸಫರೆಂಟ್ ಹಳದಿ ಸಾರಿಯನ್ನುಟ್ಟು ರೀನಾ ಚುನಾವಣೆಯ ಸಿದ್ಧತೆಗಳನ್ನು ಪರಿಶೀಲಿಸಿದ್ದರು. ಅವರು ತನ್ನ ತಂಡದೊಂದಿಗೆ ತನ್ನ ಇವಿಎಂನೊಂದಿಗೆ ಹಿಂದಿರುಗುತ್ತಿದ್ದಾಗ ತೆಗೆದ ಚಿತ್ರಗಳು ಭಾರೀ ವೈರಲ್ ಆಗಿದ್ದವು.
ಒಂದೇ ದಿನದಲ್ಲಿ ಸ್ಟಾರ್ ಆದ ರೀನಾ
ರೀನಾ ದ್ವಿವೇದಿ ಈಗ ಸೋಷಿಯಲ್ ಮೀಡಿಯಾ ಸ್ಟಾರ್ ಆಗಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ಎರಡು ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ. ಅನೇಕ ಜನರು ಅವರ ಫೋಟೋಗಳು ಮತ್ತು ವೀಡಿಯೊಗಳನ್ನು ಇಷ್ಟಪಡುತ್ತಾರೆ. ರೀನಾ ಬಾಲ್ಯದಿಂದಲೂ ತನ್ನನ್ನು ತಾನು ಫಿಟ್ ಆಗಿಟ್ಟುಕೊಳ್ಳಲು ಇಷ್ಟಪಡುತ್ತಿದ್ದರು. ರೀನಾ ಅವರು ಯಾವಾಗಲೂ ಡ್ರೆಸ್ ಕೋಡ್ ಅನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡುತ್ತಾರೆ, ಆದ್ದರಿಂದ ಅವರು ಸುಂದರವಾಗಿ ಕಾಣುತ್ತಾರೆ. ಅವರು ಉಡುಗೆಯಿಂದಲೇ ಅನೇಕ ಜನರು ಅವರನ್ನು ಮೆಚ್ಚಿರುವುದು ಇದೆ.
'ನಾನು ಕರ್ತವ್ಯ ನಡೆಸುವ ಬೂತ್ನಲ್ಲಿ ಮತದಾನದ ಹೆಚ್ಚಳ'
2019ರ ಲೋಕಸಭೆ ಚುನಾವಣೆಯಾಗಲಿ ಅಥವಾ ಉಪಚುನಾವಣೆಯಾಗಲಿ ತನ್ನನ್ನು ವಿಧಿಸಿರುವ ಯಾವುದೇ ಮತಗಟ್ಟೆಯಲ್ಲಿ ಜನ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ಸರತಿ ಸಾಲಿನಲ್ಲಿ ನಿಂತು ಮತದಾನ ಮಾಡಿದ್ದಾರೆ. ರೀನಾ ಮಾತನಾಡಿ, ಚುನಾವಣೆಯಲ್ಲಿ ಗರಿಷ್ಠ ಸಂಖ್ಯೆಯಲ್ಲಿ ಮತದಾರರು ಉತ್ಸಾಹದಿಂದ ಭಾಗವಹಿಸಬೇಕು. ಮತದಾರರಲ್ಲಿ ಅರಿವು ಮೂಡಿಸಲು ನನಗೆ ವಹಿಸಲಾದ ಯಾವುದೇ ಕೆಲಸವನ್ನು ಮಾಡಲು ನಾನು ನನ್ನ ಕೈಲಾದಷ್ಟು ಪ್ರಯತ್ನಿಸುತ್ತೇನೆ ಎಂದಿದ್ದಾರೆ.