• search
  • Live TV
ಲಕ್ನೋ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಯುಪಿ ಗ್ರಾಮದಲ್ಲಿ ನಿರ್ಮಿಸಲಾದ "ಕೊರೊನಾ ಮಾತಾ" ದೇವಾಲಯ ಐದು ದಿನದಲ್ಲೇ ನೆಲಸಮ

|
Google Oneindia Kannada News

ಲಕ್ನೋ, ಜೂ.13: ಉತ್ತರ ಪ್ರದೇಶದ ಪ್ರತಾಪಗಢ ಬಳಿಯ ಜುಹಿ ಶುಕುಲ್ಪುರ್ ಗ್ರಾಮದ ಜನರು ಕೊರೊನಾ ಸೋಂಕಿಗೆ ದೇವರ ಮುನಿಸೇ ಕಾರಣ ಎಂದು ನಂಬಿ ಸೋಂಕಿನಿಂದ ದೂರವಿರಲು ದೈವಿಕ ಅನುಗ್ರಹವನ್ನು ಕೋರಿ ಜೂನ್ 7 ರಂದು ನಿರ್ಮಿಸಿದ್ದ "ಕೊರೊನಾ ಮಾತಾ" ದೇವಾಲಯವನ್ನು ಶುಕ್ರವಾರ ರಾತ್ರಿ ನೆಲಸಮ ಮಾಡಲಾಗಿದೆ.

ಈ ದೇವಾಲಯವನ್ನು ಪೊಲೀಸರು ನೆಲಸಮ ಮಾಡಿದ್ದಾರೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ. ಆದರೆ ಈ ಆರೋಪವನ್ನು ತಳ್ಳಿಹಾಕಿರುವ ಪೊಲೀಸರು ಈ ದೇವಾಲಯವನ್ನು ವಿವಾದಿತ ಸ್ಥಳದಲ್ಲಿ ನಿರ್ಮಿಸಲಾಗಿದೆ. ಆದ್ದರಿಂದ ಈ ಭೂಮಿಯ ವಿಚಾರದಲ್ಲಿ ಯಾರೋ ಅದನ್ನು ಧ್ವಂಸಗೊಳಿಸಿದ್ದಾರೆ ಎಂದು ಹೇಳಿದ್ದಾರೆ.

ತಮಿಳುನಾಡಲ್ಲಿ 'ಕೊರೊನಾ ದೇವಿ' ದೇವಾಲಯ; ವಿಶೇಷ ಪೂಜೆತಮಿಳುನಾಡಲ್ಲಿ 'ಕೊರೊನಾ ದೇವಿ' ದೇವಾಲಯ; ವಿಶೇಷ ಪೂಜೆ

ಸ್ಥಳೀಯ ನಿವಾಸಿಗಳ ದೇಣಿಗೆಯನ್ನು ಪಡೆದು ಲೋಕೇಶ್ ಕುಮಾರ್ ಶ್ರೀವಾಸ್ತವ ಎಂಬವರು ಐದು ದಿನಗಳ ಹಿಂದೆ ಈ ದೇವಾಲಯವನ್ನು ನಿರ್ಮಿಸಿದ್ದಾರೆ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ.

ಲೋಕೇಶ್ ಕುಮಾರ್ ಶ್ರೀವಾಸ್ತ ಈ ದೇವಾಲಯದಲ್ಲಿ "ಕೊರೊನಾ ಮಾತಾ" ವಿಗ್ರಹವನ್ನು ಸ್ಥಾಪಿಸಿದ್ದು, ಗ್ರಾಮದ ರಾಧೆ ಶ್ಯಾಮ್ ವರ್ಮಾ ಈ ವಿಗ್ರಹಕ್ಕೆ ಪೂಜೆ ಮಾಡುವ ಅರ್ಚಕರಾಗಿ ನೇಮಿಸಲಾಗಿತ್ತು. ಹಾಗೆಯೇ ಜನರು ಕೂಡಾ ದೇವಾಲಯಕ್ಕೆ ಬಂದು ಪ್ರಾರ್ಥನೆ ಸಲ್ಲಿಸುತ್ತಿದ್ದರು.

ನೋಯ್ಡಾದಲ್ಲಿ ವಾಸವಾಗಿರುವ ಲೋಕೇಶ್ ಎಂಬವರು ನಾಗೇಶ್ ಕುಮಾರ್, ಶ್ರೀವಾಸ್ತವ ಮತ್ತು ಜೈ ಪ್ರಕಾಶ್ ಶ್ರೀವಾಸ್ತವ ಜೊತೆಗೆ ಜಂಟಿಯಾಗಿ ಈ ದೇವಾಲಯ ನಿರ್ಮಿಸಿರುವ ಭೂಮಿಯ ಪಾಲುದಾರಿಕೆ ಹೊಂದಿದ್ದರು. ದೇವಾಯಲವನ್ನು ನಿರ್ಮಾಣ ಮಾಡಿದ ಬಳಿಕ ಲೋಕೇಶ್ ತನ್ನ ಹಳ್ಳಿಯಿಂದ ನೋಯ್ಡಾಕ್ಕೆ ತೆರಳಿದರು.

ಚಾಮರಾಜನಗರ; ಕೊರೊನಾ ದೇವಿಯ ಪ್ರತಿಷ್ಠಾಪಿಸಿ ಪೂಜೆ!ಚಾಮರಾಜನಗರ; ಕೊರೊನಾ ದೇವಿಯ ಪ್ರತಿಷ್ಠಾಪಿಸಿ ಪೂಜೆ!

ಆದರೆ ಈ ಭೂಮಿಯಲ್ಲಿ ದೇವಾಲಯ ನಿರ್ಮಿಸಿರುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿರುವ ಈ ಭೂಮಿಯ ಇನ್ನೋರ್ವ ಪಾಲುದಾರ ನಾಗೇಶ್, "ಭೂಮಿಯನ್ನು ಕಸಿದುಕೊಳ್ಳುವ ದುರಾಲೋಚನೆಯಿಂದ ಈ ದೇವಾಲಯವನ್ನು ನಿರ್ಮಿಸಲಾಗಿದೆ " ಎಂದು ಆರೋಪಿಸಿ ಪೊಲೀಸರಿಗೆ ದೂರು ನೀಡಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಸಂಗಿಪುರ ಪೊಲೀಸ್ ಠಾಣೆ ಎಸ್‌ಎಚ್‌ಒ ತುಷಾರ್ದುತ್ ತ್ಯಾಗಿ, "ವಿವಾದಾತ್ಮಕ ಭೂಮಿಯಲ್ಲಿ ಈ ದೇವಾಲಯವನ್ನು ನಿರ್ಮಿಸಲಾಗಿದೆ. ವಿವಾದದಲ್ಲಿ ಭಾಗಿಯಾಗಿರುವ ದೇವಾಲಯ ಧ್ವಂಸ ಮಾಡಿದ್ದಾರೆ" ಎಂದು ತಿಳಿಸಿದ್ದಾರೆ. ಹಾಗೆಯೇ ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

(ಒನ್‌ಇಂಡಿಯಾ ಸುದ್ದಿ)

English summary
The "Corona mata" temple built in UP village, demolished in five days. Temple built on June 7 was demolished on Friday (June 12) night.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X