ಖಾಕಿ ಚಡ್ಡಿಯಂತೆ ಗೋಡ್ಸೆಯೂ RSS ಗುರುತು: ಆಜಂ ಖಾನ್
ರಾಂಪುರ, ಮೇ 17: "ಖಾಕಿ ಚಡ್ಡಿ ಎಂದರೆ ಹೇಗೆ ಆರೆಸ್ಸೆಸ್ ನೆನಪಾಗುತ್ತದೋ, ಹಾಗೆಯೇ ನಾಥೂರಾಮ್ ಗೋಡ್ಸೆ ಎಂದರೂ ರಾಷ್ಟ್ರೀಯ ಸ್ವಯಂಸೇವಕ ಸಂಘವೇ ನೆನಪಾಗುತ್ತದೆ. ಗೋಡ್ಸೆ ಸಹ ಆರೆಸ್ಸೆಸ್ ಗುರುತು" ಎಂದು ಸಮಾಜವಾದಿ ಪಕ್ಷದ ನಾಯಕ ಆಜಂ ಖಾನ್ ಹೇಳಿದ್ದಾರೆ. ಈ ಮೂಲಕ ಮತ್ತೊಂದು ವಿವಾದಕ್ಕೆ ಅವರು ನಾಂದಿ ಹಾಡಿದ್ದಾರೆ.
ನಾಥೂರಾಮ್ ಗೋಡ್ಸೆ ಒಬ್ಬ ದೇಶಭಕ್ತ: ಸಾಧ್ವಿ ಪ್ರಜ್ಞಾ ಸಿಂಗ್
ನಟ, ರಾಜಕಾರಣಿ ಕಮಲ್ ಹಾಸನ್ ಅವರು ಇತ್ತೀಚೆಗೆ ಕಾರ್ಯಕ್ರಮವೊದರಲ್ಲಿ ಮಾತನಾಡುತ್ತಿದ್ದ ಸಮಯದಲ್ಲಿ "ಸ್ವತಂತ್ರ ಭಾರತದ ಮೊದಲ ಉಗ್ರ ಓರ್ವ ಹಿಂದು, ಅವನ ಹೆಸರು ನಾಥೂರಾಮ್ ಗೋಡ್ಸೆ" ಎಂದಿದ್ದರು.
ಮೊದಲ ಉಗ್ರ ಹಿಂದು: ಸತ್ಯವನ್ನೇ ಹೇಳಿದ್ದೇನೆ ಎಂದ ಕಮಲ್ ಹಾಸನ್
ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಭೋಪಾಲ್ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಸಾಧ್ವಿ ಪ್ರಜ್ಞಾ ಸಿಂಗ್ ಠಾಕೂರ್, "ನಾಥೂರಾಮ್ ಗೋಡ್ಸೆ ಒಬ್ಬ ದೇಶಭಕ್ತರಾಗಿದ್ದರು. ಅವರು ಎಂದಿಗೂ ದೇಶಭಕ್ತರಾಗಿಯೇ ಇರುತ್ತಾರೆ. ಆತನನ್ನು ಉಗ್ರ ಎನ್ನುವವರಿಗೆ ಜನರೇ ಪಾಠ ಕಲಿಸುತ್ತಾರೆ" ಎಂಬ ಹೇಳಿಕೆ ನೀಡಿದ್ದರು.
ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಆಜಂ ಖಾನ್, "ಪ್ರಜ್ಞಾ ಸಿಂಗ್ ಠಾಕೂರ್ ಅವರ ಹೇಳಿಕೆಯನ್ನು ಬಿಜಿ ವಿರೋಧಿಸಿಬಿಟ್ಟರೆ ಮುಗಿಯಿತೇ? ಗೋಡ್ಸೆ ಆರೆಸ್ಸೆಸ್ಸಿನ ಗುರುತು, ಖಾಕಿ ನಿಕ್ಕರ್ ನಂತೆ. ಈಗ ಜನರೇ ನಿರ್ಧರಿಸಬೇಕು, ಈ ದೇಶ ಗೋಡ್ಸೆ ಇಂದ ಗುರುತಿಸಿಕೊಳ್ಳಬೇಕೋ, ಗಾಂಧಿಯಿಂದ ಗುರುತಿಸಿಕೊಳ್ಳಬೇಕೋ? ಖಾಕಿ ಚಡ್ಡಿಯಿಂದ ಗುರುತಿಸಿಕೊಳ್ಳಬೇಕೋ, ಮಾನವೀಯತೆಯಿಂದ ಗುರುತಿಸಿಕೊಳ್ಳಬೇಕೋ?" ಎಂದು ಪ್ರಶ್ನಿಸಿದ್ದಾರೆ.