ವಿಡಿಯೋ: ಹಳಿ ಮೇಲೆ ಬಿದ್ದ ಮಗು, ಅದರ ಮೇಲೆ ಚಲಿಸಿದ ರೈಲು!
Recommended Video
ಮಥುರಾ, ನವೆಂಬರ್ 20 : ಉಸಿರು ಬಿಗಿಯಾಗಿ ಹಿಡಿದು, ಈ ವಿಡಿಯೋ ನೋಡಿ. ಉತ್ತರಪ್ರದೇಶದ ಮಥುರಾ ರೈಲು ನಿಲ್ದಾಣದಲ್ಲಿ ನಡೆದ ಘಟನೆಯ ಈ ವಿಡಿಯೋ ಈಗ ಭಾರೀ ವೈರಲ್ ಆಗಿದೆ. ಒಂದು ವರ್ಷದ ಮಗು ರೈಲು ಹಳಿಯ ಮೇಲೆ ಬಿದ್ದು, ಅದರ ಮೇಲೆ ರೈಲು ಕೂಡ ಹರಿದು ಹೋಗಿದೆ.
#WATCH: One-year-old girl escapes unhurt after a train runs over her at Mathura Railway station. pic.twitter.com/a3lleLhliE
— ANI UP (@ANINewsUP) 20 November 2018
ಆದರೆ, ಆ ನಂತರ ನಡೆದಿದ್ದರೆ ಪವಾಡ, ಅದೃಷ್ಟ ಹೀಗೆ ಏನಾದರೂ ಅಂದುಕೊಳ್ಳಬಹುದು. ಏನೂ ಅಪಾಯ ಆಗದೆ ಆ ಮಗು ಪಾರಾಗಿದೆ. ಮಥುರಾ ರೈಲು ನಿಲ್ದಾಣದಲ್ಲಿ ಒಂದು ವರ್ಷದ ಹೆಣ್ಣುಮಗುವಿನ ಮೇಲೆ ರೈಲು ಚಲಿಸಿದ ದೃಶ್ಯ ಕಂಡು ಅಲ್ಲಿದ್ದವರೆಲ್ಲ ಕಿರುಚಾಡಿ, ಕೂಗಾಡಿ ಗಾಬರಿ ಪಟ್ಟಿದ್ದಾರೆ.
ಆ ನಂತರ ಮಗು ಅಳುತ್ತಾ ಕಂಡುಬಂದಿದೆ. ಕೂಡಲೇ ಅದನ್ನು ಎತ್ತಿಕೊಂಡು ಸಮಾಧಾನ ಮಾಡಿದ್ದಾರೆ. ಸ್ಥಳದಲ್ಲಿದ್ದವರೆಲ್ಲ ತಕ್ಷಣವೇ ಮಗುವನ್ನು ಅಲ್ಲಿಂದ ಬೇರೆ ಕಡೆ ಕರೆದುಕೊಂಡು ಹೋಗಿದ್ದಾರೆ. ಒಟ್ಟಿನಲ್ಲಿ ಕಾರ್ತೀಕ ಸೋಮವಾರದ ಮರು ದಿನ ಹೆಣ್ಣುಮಗುವೊಂದು 'ಮೃತ್ಯುಂಜಯ'ನ ರೂಪದಲ್ಲಿ ಕಂಡಿದೆ.